Ef 5:3 - Testamente Ledrimpswha ni Mapsalma

³ Kambe a vuwoswi ni kunyama hinkwaku, ni kunavela hinkwaku swinga hlayiwi ni kan'we amakari kwenu, swanga hi leswi swingafaneliki tinsasi.

Ef 5:3 Referans Kwoze

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Ef 5:5

Tivani leswi: akuna muwoswani nambi lweyi nfani, kumbe vakufelela, ni mugandreli wa swithombe, ataka fanela hi kuda pfindla aNfun'wini wa Kriste ni wa Xikwembu Nkulukumba.

I Tsl 4:3

Hikusa leswi i kurandra ka Xikwembu Nkulukumba, akuxwengisiwa kwenu: n'wiva kule ni vuwoswi;

I Kor 6:18

Trutrumani, n'witxhava a vumbuye ni vuwoswi. A xidoho xin'wana-ni-xin'wana lexi a mhunu axiyentxaka xile handle ka miri; kambe lweyi ayentxaka a vumbuye kumbe vuwoswi, adohela a miri wakwe.

I Tsl 4:7

Xikwembu Nkulukumba angahi vitanelanga vuwoswini, kambe akuxwengeni.

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

Ef 5:12

Hikusa leswi vone vaswiyentxaka a xihundleni, swikhomisaka ni tingana a kuvulavula ha swone.

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

Mpfuletelo 2:21

Nimunyiki nkama akuva atisola, kambe angadjuli kutisola atrika a vumbuye byake.

I Kor 10:8

Nakone, hingayentxeni vumbuye, swanga hi van'we ku vone vangayentxa vumbuye, kuva kuhumelela leswaku hi siku drin'we, kuwa makume mabiri ya madzana na mararu (23.000).

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 2:14

Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

I Kor 5:1

Kuyingeliwa hinkwaku leswaku amakari kwenu kuni vuwoswi, vuwoswi lebyi byingagamikiki byiva kone nambi amakari ka va-Matiko, byitlhasiki ni lana kakuva kuni lweyi atekiki a nsati wa tatana wakwe

Mpfuletelo 9:21

na kone avandrulukanga amintirweni yavu ya vudlayi, ni ya vuloyi, ni ya vumbuye, ni ya kuyiva.

II Ptr 2:3

Kutani hikunavela kwavu, vatayentxa mabindru ha n'wine hi maritu ya kukanganyisa; kambe kusukela ka yavanyiso ledri vabekiseliwiki drone khale dringahlweli, ni kusuvisiwa kwavu kunga khutriyeli.

Va-Heberu 12:16

Kungavi kone makari kwenu vhanu va vumbuye, nambi musandri, kufana na Esawu, lweyi angaxavisa a vunhondrwa byake hi mbenga mun'we wa swakuda.

II Kor 12:21

Ni leswaku, ni loko nitatlhela nita ku n'wine, Xikwembu Nkulukumba wanga angani trongohati amahlweni kwenu, nidrilela lava vanyingi vanga doha khale, vangandrulukangakiki akusombolokeni kwavu, vusinge ni vumbuye leswi afaka vahanya ku swone.

Tito 2:3

xiswoswo na vone a vavasati lava vakuliki ngopfu, avave ni mahanyela la makhensekaka, vangave va mahlevo kumbe swikarawa swa byala, kambe vava vadondrisi va leswi swinene,

II Tmt 3:2

hikusa a vhanu vatava vatirandri, a varandri va mali, lava vatidumbaka, lava vatikulisaka, a vasandri, lava vakuka vanga yingiseti a vapswali vavu, lava vangativikiki kutlangela, lava vangeke na kukhongota,

Mintiro Ya Vapostola 15:20

kambe vatraleliwa leswaku akuva vadrela a swinyamiso swa swikwembu, ni vumbuye, ni ngati ya swihari leswi swifiki hi xihluku.

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

II Ptr 2:10

ngopfu-ngopfu lava tinyiketelaka kunaveleni lokunfani ka nyama, ni kusandra a ntamu wa vuhosi; vanivurena, avanaxitxhavu ku mintamu ya le tilweni, kuko va misola.

I Ptr 5:2

Byisani a ntlhambi wa Xikwembu Nkulukumba, lowu wunga ku n'wine, n'wiwulavelela, kungali hi kusindrisiwa, kambe hi kutinyiketela ha vuswenu, na n'wilandra a kurandra ka Xikwembu Nkulukumba; kungali hi kulwela mabindru, kambe na n'witlhantlhekile;

Tito 1:11

lava kudjulekaka leswaku vamiyelisiwa, vafambaka vahohlota a mindangu ya kutala, hi kudondrisa leswi swingafanekeliki, hi kudjula a mabindru ya kusomboloka.

Tito 1:7

Hikuva kudjuleka leswaku a bixopo ava lweyi angekena kusoliwa, swanga mulaviseli wa mintxhumu ya Xikwembu Nkulukumba, angavi wa kutikulisa, angavi wa mahlundru, angatinyiketeli kunweni, angavi wa kulebya, kumbe wa kurandra a mabindru,

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

I Tmt 2:10

kambe avatixongise hi leswi swifanekelaka a vavasati lava vatxhavaka Xikwembu Nkulukumba, anga mintiro leminene.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Rm 16:2

Muyamukelani swinene hi vito dra Hosi, hi laha swifanekelaka kuyentxiwa amakari ka vapfumeli, n'wimupfuna ni kuhinkwaswu leswi angaswidjulaka, hikusa na yene apfuni lava kutala nambi mine yelweyi.

Rm 6:13

N'winganyiketeni xidohweni swiro swamiri yenu swanga switiro swavubihi; kambe tinyiketani ku Xikwembu Nkulukumba, swanga hi vhanu lava vapfukaka kufeni, miri yenu ku Xikwembu Nkulukumba, swanga switiro swakululama.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

Mintiro Ya Vapostola 20:33

Aninavelanga gole, kumbe silivhela, kumbe swiyambalu swa mhunu.

Lk 16:14

A Vafarisi vanga varandri va mali, afa vayingela hinkwaswu leswo, vahleka Yesu.

I Tmt 6:10

Hikusa a kurandra ka mali i mutru wa hinkwaswu leswi swakubiha; van'we, hi kunavela koloko, vafulareli a kupfumela, kutani vatitlhavi timbilu tavu hi mahlomulu manyingi.

Lk 12:15

Ahangaku ku vone hinkwavu: Tivonelani n'witxhava a kufelela hinkwaku hikusa a vutomi bya mhunu angabyikumi ha vukosi byake, nambi bye mutalela.