Ef 5:23 - Testamente Ledrimpswha ni Mapsalma

²³ hikusa a nuna hi yene nhloko ya wansati, swanga ha Kriste anga nhloko ya Kereke, hileswi Yene angamuhuluxi.

Ef 5:23 Referans Kwoze

Va-le-Kolosa 1:18

Hi Yene nhloko ya miri, dringa kereke. Yene i masungulu, ni mativula ya kupfuka a makari ka vafi, lakakuva ava ni mbangu wa kuranga ku hinkwaswu.

Ef 4:15

Kambe hikulandra a xihlayelamfuri alirandrwini, ahi kuleni hi matlhelo hinkwawu, ku lweyi anga nhloko, anga Kriste,

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Ef 5:24

Swanga hileswi a Kereke driyingisetaka Kriste, na vo vavasati vafanekela kuyingiseta vanuna vavu ku hinkwaswu.

Mpfuletelo 19:7

Ahi trhaveni, hi trhavisisa niku munyika kutwala; hikusa kutlhasi nkama wa nkhuvu wa vukati bya Hambana, a mutekiwa wa yone a tibekisile.