Ef 5:17 - Testamente Ledrimpswha ni Mapsalma

¹⁷ Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Ef 5:17 Referans Kwoze

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

I Tsl 5:18

Ku hinkwaswu nyikani mitlangelo, hikusa leswo i kurandra ka Xikwembu Nkulukumba ku Kriste Yesu ha n'wine.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Ef 5:15

Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

Va-le-Kolosa 4:5

Fambani hi vutlhari ku lava ngeke vapfumeli, na n'wilondrovota swinene a minkama.

Yohana 7:17

Loko mhunu anavela kuyentxa kurandra ka Xikwembu Nkulukumba, atativa dondro leyi leswaku yihuma ku Xikwembu Nkulukumba, kumbe nivulavula leswi swinga swanga ntsena.