Ef 5:15 - Testamente Ledrimpswha ni Mapsalma

¹⁵ Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

Ef 5:15 Referans Kwoze

Va-le-Kolosa 4:5

Fambani hi vutlhari ku lava ngeke vapfumeli, na n'wilondrovota swinene a minkama.

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

I Tmt 6:9

Kambe lava vadjulaka a vupfundri, vawela andringweni ni le ntlhan'wini, ni le kunaveleni kunyingi ka vusinge, loku kuhonaka, loku kunyuvetaka a vhanu akusuveni ni le kuhohlokeni.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Mt 10:16

Lavisani, nin'wiruma swanga tihamba amakari ka mahava. Hileswo-ke tlharihani swanga tinyoka, n'wirula swanga matuva.

I Tsl 5:15

Lavisani leswaku kungavi ni lweyi atlheliselaka mun'wana kubiha hi kubiha, kambe djulisisani minkama hinkwayu swa hombe van'we ku van'wana ni ku hinkwavu.

Lk 24:25

Yesu aku ku vone: Yo! Vhanu lava vakuka vangayingeli, lava vatimbilu leti tinanaka kupfumela hinkwaswu leswi vaprofeta vangahlaya swone!

Gl 3:3

N'wiphuntisi xileswi xana? N'wisunguli hi swa Moya, kutani soswi n'wiswihetisa hi nyama xana?

Va-Heberu 12:25

Tivonelani, n'wingatriki kuyingiseta lweyi a vulavulaka na n'wine! Hikusa loko vanga hulukanga lava yaliki kuyingela lweyi angava tivisa halenu misaveni, ngopfu-ngopfu hine loko hi fularela lweyi ahi mamuleliki na ali Matilweni.

Mt 27:24

Pilatu loko avona leswaku angakoti ntxhumu, ni leswi a pongwe, driyaka mahlweni, ateka mati ahlamba mandla amahlweni ka xitrhungu aku: Ningavena nandru angatini ya mululami lweyi; swivonani n'wine.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Mt 8:4

Yesu amubyela aku: Lavisa, ungabyeli mhunu; kambe famba uyatikombisa ku muprista, uhumexa a nyiko leyi yileletiwiki ha Moxe, yiva xikombiso ku vone.

Ef 5:33

Nan'wine aswivetanu, amun'wana ni mun'wana habyake arandre a nsati wakwe swanga hi leswi atirandrisaka xi swone, ni nsati ave ni xitxhavu ku nuna.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Mt 27:4

aku ku vone: Nihonile, niwongiki angati leyi yingekena nandru. Vone vayangula vaku: Swina yini ku hine, i mhaka yaku.

Mt 25:2

Lava va ntlhanu, ku vone afa ali masinge; kambe van'wana va ntlhanu afa ali tintlhari.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.