Ef 4:9 - Testamente Ledrimpswha ni Mapsalma

⁹ Nakone, leswaku: Antlhantukelile swihlaya yini, loko kunge leswaku, hikusungula axikeli mimbangwini leyi ya kuyeta, ya misava?

Ef 4:9 Referans Kwoze

Yohana 3:13

Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Mt 12:40

Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava.

Yohana 6:33

Hikusa a kati dra Xikwembu Nkulukumba hi ledri drixikaka hi le Tilweni, na drinyikaka a vutomi misava.

Va-Heberu 2:9

Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Va-Heberu 2:7

Umuyentxi ava ntrongo ku tintrumi, umuyambexa ngiyana ya lisima ni lidrumu, umubeki henhla ka mintiro ya mavoko yaku.

Yohana 8:14

Yesu avayanguli, aku: Ni loko nitihambela vumboni, a vumboni byanga byitiyile, hikusa nitiva lomu nihumaka kone; kambe n'wine an'witivi lomu nihumaka kone, ni lomu niyaka kone.

Yohana 6:62

Switakuyini, a siku n'witaka vona N'wana wa Mhunu antlhatukela lomu afaka ekone khale xana?

Yohana 6:58

Ledri hi drone kati ledrixikiki hi le Tilweni; adrifani ni ledri vatatana venu vadridiki, hikusa drone adri vasivelanga kufa; lweyi adaka kati ledri, atahanya hi la kungahelikiki.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 6:41

Kutani va-Yuda va n'unun'uta hikola kwake, ni hi leswi atiki: Hi mine kati ledri drixikiki hi le Tilweni.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.