Ef 4:24 - Testamente Ledrimpswha ni Mapsalma

²⁴ na kone n'witiyambexa mhunu lweyi mumpswha, lweyi a vumbiwiki hi xifaniso xa Xikwembu Nkulukumba, a vumbiwiki a xihlayelamfurini, kululameni, ni le kuhlawulekeni.

Ef 4:24 Referans Kwoze

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Ef 6:11

Hlomani hi matlhari hinkwawu ya Xikwembu Nkulukumba, akuva n'wita kota kutiya mintlhan'wini ya Diyavulosi.

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:16

Hileswo-ke, ahiheli ntamu, ni kutrongo. Nambi loko avumhunu byeru bya le handle byibuna, avumhunu byeru bya le ndreni byipfuxiwa siku drin'wana ni drin'wana.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

Yohana 17:17

Vaxwengisi axihlayelamfurini xaku; a ritu draku hi xo xihlayelamfuri.

Gl 6:15

Akuva ni soka kumbe ni nga soki, aswipfuni ntxhumu; swipfuna kuva ni vutomi lebyi byimpswha.

Gl 3:27

Hikolahu n'wine hinkwenu n'wibabatisiwiki ku Kriste, n'wiyambexiwi Kriste.

I Kor 15:53

Hikusa kudjuleka leswaku a miri leyi yibolaka, yiyambala a kuka-kubola, ni leswi yifaka, yiyambala a kuka-kufa.

Ef 2:15

anyameni yavu, a helisi avulala, inga leswi swaku, a nawu wa swileleto swiyilayila swa wone ni swihila akuva hi tlhangana na yene, a va-Yuda ni lava ngeke va-Yuda hitakota kuyentxa vumhunu byimpswha, hi hanya hi kurula.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Va-Heberu 1:8

Kambe kuli hi tlhelo dra N'wana, kutraliwi vaku: Axiluvelo xaku, wene Xikwembu Nkulukumba i xa minkama hinkwayu; Anhonga ya vuhosi byaku, i nhonga ya kululama kwaku.

Lk 1:75

hi kuhlawuleka ni kululama amahlweni kwake, amasikwini hinkwawu ya kuhanya kweru.

Rm 7:6

Kambe swoswi hintrhunxekile ku nawu, hifile ku lexi afaka xi hiyentxa swanga swikarawa. Xileswi, haswikota kutirela Xikwembu Nkulukumba hi ndlela leyimpswha, hi kulandra Moya, na kunge hi ndlela ya letela.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.