Ef 4:23 - Testamente Ledrimpswha ni Mapsalma

²³ na n'witipfuxa hi vumpswha Moyeni ni le kuyingelisiseni kwenu,

Ef 4:23 Referans Kwoze

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 8:6

Hikusa akuyanakanya ka swanyama kuyisa kufeni, kambe leswi swinga swa Moya swiyisa vuton'wini ni le kuruleni.

Va-le-Kolosa 3:10

Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki;

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.