Ef 4:22 - Testamente Ledrimpswha ni Mapsalma

²² Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 4:22 Referans Kwoze

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

Va-Heberu 3:13

Kambe kutlula leswo, tratriyananani siku drin'wana ni drin'wana, loko kehe siku ledri drihlayiwaka namuhla, kungatitxhuka kuva na mun'we lweyi atinonon'hwisaka hi kukanganyisiwa hi xidoho.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Ef 4:25

Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

I Ptr 4:3

Hikuva wadringana a nkama lowu wukhalutiki, na n'wiyentxa a kurandra ka va-Matiko, hi kufambela vuwoswanini, ni kunaveleni loku kumfani, vupopswini, ni le minkhubyini ya kuda, ni le kugandreleni ka kunyenyentsa ka swikwembu swakuka-ndlela.

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

II Ptr 2:13

na vayamukela a hakelo drakusomboloka kwavu. Vayanakanya leswaku i ndjombo kutinyoxisa a hlikanhini, i mabati-bati ni swisandru, vatinyoxela akukanganyiseni kwavu, loko vada na n'wine.

I Ptr 1:18

na n'witiva leswaku angavanga hi mintxhumu leyi mibolaka swanga silivela kumbe gole n'witiruliwiki amahanyeleni yenu ya kuka-ndlela, lawa n'wisiyeliwiki hi vatatana venu,

Va-le-Kolosa 2:11

Ku Yene mfuri n'wisokiwile, kunge kusokiwa loku yentxiwaka hi mavoko, kambe hi kusokiwa ka miri kunga ka Kriste, inga ku ntrhunxeka loko kungapfiki nyameni.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

II Ptr 2:7

Kambe ahuluxi Loti, hi leswi afaka e wa kululama, hikukaratiwa hi mayentxela ni mahanyela ya vhanu va kusomboloka.

Gl 1:13

Ha kunene n'wiswiyingelile kuhlayiwa swa mafambela yanga loko afa nehe vukhongotini bya va-Yuda; leswi afaka ni hundrisa kuxanisa Kereke dra Xikwembu Nkulukumba, nidjula kudrihahlula.

Rm 7:11

Xileswo, a xihono lexi xilondrovotiki nkama lowu afaka wuhuma nawini, wunikanganyisile wuva wunidlaya.

Yakobe 1:26

Loko apimisa leswaku i mhunu wa vukhongoti ngopfu, kambe loko angafumi lidrimi drakwe, akanganyisa mbilu yake, avukhongoti byake i bya mahala.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

Ef 4:31

A xiviti hinkwaxu ni tihanyi, a mahlundru, a pongwe, kumbe swifingeto aswive kule na n'wine, ni lixaka hinkwadru dra leswakubiha.