Ef 4:2 - Testamente Ledrimpswha ni Mapsalma

² hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Ef 4:2 Referans Kwoze

I Kor 13:7

drixaniseka hi hinkwaswu, dripfumela hinkwaswu, drilavisela hinkwaswu; dribyatrha hinkwaswu.

Rm 15:1

Hine lava hitiyiki akupfumeleni hifanela kubyatrha lava kutrana lava ngeke swanga ha hine, na hinga djuli leswinga hi nyoxisaka.

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Gl 6:2

Rwalelanani mintrhwalu yenu mun'wana-ni-mun'wana, n'wihetisisa xiswoswo a nawu wa Kriste.

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Mintiro Ya Vapostola 20:19

Nitireli Hosi hi kutitrongohata hinkwaku ni minyembeti, amakari ka mindringo leyi ningamikuma hikola ka marengu ya kubiha ka va-Yuda ha mine.

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

Va-le-Kolosa 1:11

n'witiyisiwa hi kutiya hinkwaku, hikola ka ntamu wakutwala kwake, akutiyiseleni hinkwaku n'wilehisa mbilu ni kutrhava.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,