Ef 4:12 - Testamente Ledrimpswha ni Mapsalma

¹² na arandri kuhetisekisa tinsasi ku ntiro wa vutireli, ni kuvumba miri ya Kriste.

Ef 4:12 Referans Kwoze

Ef 4:16

ku lweyi a miri hinkwayu mitiyisiwaka mitlhanganisiwa hi kupfuna ka minkatrwa hinkwayu, hikutlhangana loku kunene ka xin'we ku swone xikuma ntamu wa kuva miyakiwa alirandrwini.

I Kor 12:27

N'wine n'wi miri ya Kriste; na kone n'wi swiro swake, mun'wana-ni-mun'wana.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

I Kor 14:26

Vamakweru, ke, i swakuyini xana? Loko n'wihlengeletana, mun'wana-ni-mun'wana ani psalma, kumbe dondro, kumbe Apfuletelo, kumbe lidrimi drimbeni, kumbe ntlhamuxelo; hinkwaswu aswiyentxeliwi kuyaka.

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

I Tmt 1:12

Nitlangela Yesu Kriste, Hosi yeru, lweyi anitiyisiki, hikuva anivoni na nidumbeka akuva anibeka antirweni wakwe,

I Kor 14:12

Xileswo, na n'wine, leswi n'winga vakhinyeleli va tinyiko ta Moya, djulisisani, akuva n'witiyamukela hi kuyandra, akuyakeni ka kereke.

Va-Heberu 13:17

Yingisetani vafambisi venu, n'witibeka hansi kwavu, hikusa vone va hitekela mahika yenu, swanga lava vataka vutisiwa ha wone, akuva vaswitira hi kutrhava, na vanga konyi, hikusa afa swingatin'wipfuna leswo.

Va-Heberu 6:1

Hikolahu, ahi trikeni tidondro ta masungulo ya Kriste, hi kongoma kuhetisekeni, hingavi beka kambe amasungulo ya kundruluka ku mintiro leyi mitifeliki, ni yakupfumela ku Xikwembu Nkulukumba,

II Kor 6:3

Ahi khunguvanyisi mhunu ha ntxhumu, akuva avutireli byeru byingasoliwi.

II Kor 5:18

Leswi i ntiro wa Xikwembu Nkulukumba lweyi a titlhanganisiki na hine hikola ka Kriste, kutani ahi vitani kutirisana ntirweni wa kubuyelelana.

Lk 22:32

kambe nikukhongotelile ku Xikwembu Nkulukumba leswaku a kupfumela kwaku kungaheli. Kutani wene, loko undrulukile, tiyisa vamakwenu.

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

Va-le-Kolosa 4:17

Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.

Va-le-Kolosa 1:28

lweyi hine himutivisaka, na hi luleka ni kudondrisa vhanu hinkwavu, hivutlhari hinkwabyu, leswaku hitayisa vhanu na vali lava vahetisekiki ku Kriste,

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Ef 1:23

Drone inga miri yake, ni kuhetisekisa ka lweyi ahetiseka ka hinkwaswu ka hinkwavu.

II Kor 12:19

Kumbe xana ni swoswi n'wahapimisa leswaku hitiyangulela ku n'wine, hi vulavuli ha Kriste amahlweni ka Xikwembu Nkulukumba, kambe hinkwaswu leswi, varandriwa, hileswaku n'wiyakiwa.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

II Kor 4:1

Hileswo-ke, leswi hingani vutireli lebyi, hikola ka lirere ledri hiyentxeliwiki drone, ahi heli timbilu.

II Kor 3:8

xana byingaka byinge na lidrumu lebyi byikulu avutireli bya Moya xana?

I Kor 14:14

Hileswo-ke, loko mine nikhongota hi lidrimi drimbeni, a moya wanga ntsena wakhongota, kambe a kuyanakanya kwanga akubindruli ntxhumu.

Rm 15:29

Natiyisa leswaku, loko nitatlhasa halanu, nitata na nitali hi matovoko ya Kriste.

Rm 15:2

Mun'wana-ni-mun'wana wenu afanekela kutrhavisa wa-le-kwavu ku leswinga swinene akuva swita mutiyisa akupfumeleni.

Rm 12:7

Lweyi angani nyiko ya kutirela, ayi tirise, lweyi angani nyiko ya kudondrisa, a adondrise;

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Mintiro Ya Vapostola 9:31

A Kereke afa drini kurula atikweni hinkwadru dra Yudeya, Galileya ni Samariya, driyakisiwa ni kufamba kutxhaveni ka Hosi; na swone afa driyandra hi kupfuniwa hi Moya wa Kuxwenga.

Mintiro Ya Vapostola 1:25

akuva ateka vutrhamu bya vutireli lebyi ni vupostola lebyi Yudasi abyitrikiki, atifambela ambangwini wakwe.

Mintiro Ya Vapostola 1:17

Hikusa Yudasi afa ahlayiwa amakari kweru, na swone afa anyikiwi yavelo dra ntiro lowu.

II Tmt 4:11

Luka a vuswake a kola na mine. Buyisa Marka; hikusa i mupfuni lweyi munene ku mine amintirweni.

Ef 4:29

Kungavi huma a ritu ni drin'we ledri nfani amilon'wini yenu; kambe ntsena ledringadrinene driyakisaka hi mfanelo, xileswo, driyentxela leswinene ku lava vadriyingelaka.

Ef 4:4

Kuni miri min'we ni moya mun'we, swanga hileswi n'wivitaneliwiki akulaviseleni kun'we ntsena, ka kuhlawuliwa kwenu.

II Kor 13:9

Hikuva hi trhava loko hili ni gome, na n'wine n'wili ni ntamu; leswi hi n'wikombelaka i kuva n'wihetiseka.

I Kor 12:7

A kutivonekisa ka Moya kunyikiwa ku mun'wana-ni-mun'wana, akuva apfuna hinkwavu.

Rm 12:5

Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana;

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.