Ef 3:2 - Testamente Ledrimpswha ni Mapsalma

² Hakunene n'witava n'wiswiyingelile vavulavula hi ntiro lowu Xikwembu Nkulukumba hi vululami byake aninyikiki hinkonta yenu.

Ef 3:2 Referans Kwoze

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

II Tmt 1:11

leyi ni bekiwiki kuva mureri ni mupostola, ni mudondrisi wa yone.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Ef 4:7

A timpswalu tinyikiwi mun'wana-ni-mun'wana wa kweru, kuya hi mpimu wa nyiko ya Kriste.

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

Ef 1:10

Akuva atatlhanganisa mintxhumu hinkwayu ku Yene, kungava ya le Matilweni kungava ni yala misaveni, hiku hetiseka ka minkama.

Gl 1:13

Ha kunene n'wiswiyingelile kuhlayiwa swa mafambela yanga loko afa nehe vukhongotini bya va-Yuda; leswi afaka ni hundrisa kuxanisa Kereke dra Xikwembu Nkulukumba, nidjula kudrihahlula.

Mintiro Ya Vapostola 22:21

Kambe Yene aku ku mine: Famba, hikusa mine nitakuruma a kule, amakari ka va-Matiko.

Mintiro Ya Vapostola 13:46

Kutani Pawulosi na Barnabasi, vakhanela hi ntamu vaku ku vone: Afa kusindriseka leswaku a Ritu dra Xikwembu Nkulukumba drihlayiwa ku n'wine va-Yuda, kusungula. Kambe leswi n'widriyalaka, n'witipimisaka lava vangafanekeliki hi vutomi lebyi byingahelikiki, vonani hiya ku lava vangeke va-Yuda.

Mintiro Ya Vapostola 13:2

Siku drin'wana loko vone vagandrela Xikwembu Nkulukumba ni kutitrona, a Moya wa Kuxwenga wuku: Nibekelani Barnabasi na Saulo akuva vaya hetisa a ntiro lowu ni va vitaneliki wone.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

I Tmt 1:4

ni leswaku vangayingiseti swihitana ni milongoloko leyi mingagamiki ya swiloso swa tinxaka, leswi vangaka timholova, matrhan'wini ya kukombisa a makungu ya Xikwembu Nkulukumba, mafambelanaka ni kupfumela.

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Va-le-Kolosa 1:4

hikusa hiyingeli kupfumela kwenu ku Kriste Yesu, ni lirandru ledri n'widrikombisaka ku vapfumeli hinkwavu.

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

Rm 11:13

Swoswi nibyela n'wine va-Matiko, mine ni mupostola wa va-Matiko, nitwalisa vutireleni byanga.

Ef 3:7

Hiyo Ivangeli leyi mine ningamutivisi wa yone, hi ndjombo ya kukari, leyi Xikwembu Nkulukumba hi ntamu wakwe ni masungulo aninyikiki.

Ef 3:9

ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.