Ef 2:3 - Testamente Ledrimpswha ni Mapsalma

³ Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Ef 2:3 Referans Kwoze

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Rm 6:12

Hileswo-ke, a xidoho xingatxhuki xifuma amirini yenu leyi mifaka, akuva n'wixiyingiseta akunaveleni ka xone.

I Yhn 2:16

hikusa hinkwaswu leswi swinga misaveni, akunavela ka nyama, ni kunavela ka mahlu ni kunavela ka nhlengwe, aswipfi ku Tatana, kambe swipfa misaveni.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

I Kor 4:7

Hikusa hi mani lweyi akuhambanisaka ni van'wana, xana? Nakone una yini leswi unganyikiwangakiki? Mfuri leswi wekeyamukela ntsena, hayini-ke utitwalisa, swanga hi loko leswi unga naswu unganyikiwanga?

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Marka 4:19

kambe akuhlatiyela hi swa misava leyi ni kukanganyisiwa hi vukosi, ni ku navela swin'wana, swinhingena swikamalata a ritu driva dripfumala ni mihandru.

Rm 11:30

Swanga hi leswi na n'wine nkama mun'wana n'wingatiyalisa ku Xikwembu Nkulukumba, kambe swoswi, leswi va-Yuda vatiyalisiki, n'wine mi yamukeli kutretrelela ka Xikwembu Nkulukumba.

Rm 9:22

Hikolahu hina yini xakuxihlaya, loko Xikwembu Nkulukumba arandra kukombisa mahlundru yake ni kunyika kutiva ntamu wakwe! Yene akombisi kutiyisela kwake kunyingi ku lava afaka vafaneliwa hi swikhatiso swamatilo ni ku lava faka vafaneliwa hi kuhelisiwa,

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

I Tmt 6:9

Kambe lava vadjulaka a vupfundri, vawela andringweni ni le ntlhan'wini, ni le kunaveleni kunyingi ka vusinge, loku kuhonaka, loku kunyuvetaka a vhanu akusuveni ni le kuhohlokeni.

Gl 3:22

Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

Rm 1:24

Hikolahu na Yene Xikwembu Nkulukumba a vanyikeli akunaveleni kwavu, vawela mintirweni ya tingana ya kusoleka a mirini yavu.

I Yhn 2:8

Nakone ni n'witralela nawu lowu wumpswha, lowu wunga xihlayelamfuri ku Kriste ni le ku n'wine, hikusa a munyama wuhundrile, alivaningo dra xihlayelamfuri dra vaninga kutani.

Mintiro Ya Vapostola 14:16

Lweyi aminkameni leyi mihundriki apfumeleliki leswaku a matiko hinkwawu matifambela drin'wana ni drin'wana hi ndlela ya drone,

Rm 2:14

Ke loko ava-matiko, lava vangeke na nawu vayentxa swa nawu hi ntumbuluko, lavo nambi vange na nawu, vone i nawu ha swavu.

Rm 5:9

Ngopfu kutani, leswi hi hlayiwiki valulami hinkonta ya ngati yake, hitahuluxiwa ha Yene mahlundrwini.

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Va-le-Kolosa 1:21

Nakone na n'wine, afaka a khale n'wingativiwi, n'wili valala vakwe amayentxeleni yenu, hinkonta ya mintiro yenu ya kubiha.

I Tsl 4:13

Kambe anirandri, vamakweru, leswaku n'wikohla hi timhaka ta lava vatiyetleleliki, n'wingativaviseka swanga hi van'wana lava vangeke na kudumba.

I Tsl 5:6

Hileswo-ke hingakhutriyeleni swanga hi van'wana, kambe a hi veneni lava valavelelaka ni kuhanya hikutikhoma.