Ef 2:18 - Testamente Ledrimpswha ni Mapsalma

¹⁸ Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Ef 2:18 Referans Kwoze

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Ef 4:4

Kuni miri min'we ni moya mun'we, swanga hileswi n'wivitaneliwiki akulaviseleni kun'we ntsena, ka kuhlawuliwa kwenu.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 10:9

Hi mine nyangwa. Loko mhunu anhingena ha mine, atahuluxiwa. Swanga hi hamba leyi yinhingenaka yitlhela yihuma, yikuma vudelo.

Yohana 10:7

Yesu ayengeta aku ku vone: Nihlayelamfuri nili ku n'wine: hi mine nyangwa ya tihamba.

Va-le-Kolosa 1:12

Tlangelani Xikwembu Nkulukumba Tatana, lweyi angan'wiyentxa akuva lava faneliwaka hikuva ni xiyenge ku pfindla dra valulami, a livaningwini.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

I Kor 8:6

Kambe ku hine kuni Xikwembu Nkulukumba mun'we ntsena, Tatana, lweyi hinkwaswu swinga swake, na hine mfuri hinga ku Yene; ni Hosi yin'we ntsena, Yesu Kriste, lweyi a mintxhumu hinkwayu minga kone ha Yene, na hine mfuri hinga kone hikola kwake.

Va-Heberu 7:19

(Kutani a nawu awuhetisisanga ntxhumu ni mun'we), kambe hi tlhelo drin'wana kunhingenisiwa akulavisela lokukulu, loku hi trhindrekelaka ku Xikwembu Nkulukumba ha kone.

Ef 3:14

Hikola ka mhaka leyi nikhisama hi matrolo amahlweni ka Xikwembu Nkulukumba Tatana,

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Yakobe 3:9

Ha drone hi twalisa Xikwembu Nkulukumba Tatana weru; ha drone mfuri hi ruka vhanu, lava yentxiwiki hi xifaniso xa Xikwembu Nkulukumba.