Ef 2:17 - Testamente Ledrimpswha ni Mapsalma

¹⁷ Kriste atile, hikolahu ka kutivisa Ivangeli ya kurula, ngopfu ku n'wine lava afaka n'wili kule, kufana ni lava afaka vali kusuhi.

Ef 2:17 Referans Kwoze

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Mintiro Ya Vapostola 2:39

Hikusa a xidumbiso i xenu ni vana venu, ni hinkwavu lava vanga ku le, anga hinkwavu lava Hosi Xikwembu Nkulukumba weru atakavavitana.

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

II Kor 5:20

Hileswo-ke, hivakombisi lava vakhanelaka hikola ka Kriste, swanga hiloko Xikwembu Nkulukumba a tratriya ha hine. Hin'wikombela hinkonta ya Kriste, leswaku n'witibuyelelisa ni Xikwembu Nkulukumba.

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Mt 10:13

Loko a yindlu leyo yifanela swone, a kurula kwenu akute henhla ka yone; kambe loko yingafaneli swone, a kurula kwenu akutlheleli ku n'wine.

Rm 10:14

Kambe, xana vata khongotisa kuyini ku lweyi vangasikina pfumela ku yene? Kumbe vata pfumelisa kuyini loko vanga yingelanga kukhaneliwa ha yene? Kumbe vatayingelisa kuyini loko kungena lweyi a varerelaka Ivangeli?

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Lk 15:8

Kumbe a wansati hi wini lweyi angana khume dra matxheleni, kulahleka drin'we. Ayentxa yini yene? Alumeka motre, akukula yindlu yake, adjulisisa, akondra adrikuma?