Ef 2:13 - Testamente Ledrimpswha ni Mapsalma

¹³ Kambe swoswi, ku Kriste Yesu, n'wine lava a khale afa n'wahalikule, n'witrindretiwile kusuhi hikola ka ngati ya Kriste.

Ef 2:13 Referans Kwoze

Mintiro Ya Vapostola 2:39

Hikusa a xidumbiso i xenu ni vana venu, ni hinkwavu lava vanga ku le, anga hinkwavu lava Hosi Xikwembu Nkulukumba weru atakavavitana.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Ef 2:12

ankameni lowo afa n'wingalina Kriste, afa n'witravukanisiwile ni tiko dra Israyele, afa n'wili lava vangativiwikiki ku xipfumelelanu xa xidumbiso, na n'wingalina kulavisela n'wingalina Xikwembu Nkulukumba misaveni.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Gl 3:28

Akehena kuhambana amakari ka va-Yuda ni va-Matiko, akuna xikarawa, ni vhanu vakuntrhunxeka, makari ka vavanuna ni vavasati. Hikusa n'wine hinkwenu n'wi mun'we ku Kriste Yesu.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Va-Heberu 9:18

Hileswo-ke, a xipfumelelanu xa kuranga na xone axikhanguliwanga handle ka ngati.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Mintiro Ya Vapostola 22:21

Kambe Yene aku ku mine: Famba, hikusa mine nitakuruma a kule, amakari ka va-Matiko.

Mintiro Ya Vapostola 15:14

Simoni Petrosi aheti kuhidrungulela hi laha Xikwembu Nkulukumba kusukela kusunguleni akombisi kutivonela kwake kuhlawula amakari ka matiko, a tiko drakwe!

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Ef 1:1

Pawulosi, mupostola wa Yesu Kriste hikurandra ka Xikwembu Nkulukumba, ku tinsasi hinkwatu ta le Efesa, vadumbeki ku Kriste Yesu.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Ef 2:6

hikusa, kun'we na Yene, ahipfuxi akufeni, a hiyentxi hitrhama ku Kriste Yesu amimbangwini ya matilo.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.