Ef 1:8 - Testamente Ledrimpswha ni Mapsalma

⁸ Ledri Xikwembu Nkulukumba angatxhulula hi kutala henhla kweru, hivutivi hinkwabyu ni vutlhari,

Ef 1:8 Referans Kwoze

Mpfuletelo 5:12

na tihlaya hi ritu ledrikulu tiku: A Hambana leyi yingadlayiwa yini mfanelo ya kuyamukela ntamu, ni vukosi, ni vutlhari, ni ntamu, ni xihluwa, ni lidrumu, ni kukhensiwa.

Va-le-Kolosa 2:3

Ku yene kufihliwi tinhlengwe hinkwatu ta vutlhari ni ta kuyingelisisa.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Rm 5:15

Kambe, akuna kudringanisiwa nyiko ya timpswalu ni kutlula nawu, ke, hi kudoha ka mun'we vanyingi vafile, ngopfu-ngopfu a timpswalu ta Xikwembu Nkulukumba, ni nyiko leyi yinga timpswalwini ta mhunu mun'we, Yesu Kriste, i nyiko yikulu ngopfu ku lava vanyingi.

Yd 1:25

ku Xikwembu Nkulukumba lweyi anga mun'we, Muhuluxi weru, mahlweni ka Yesu Kriste, Hosi yeru, akuve lidrumu ni vukulu, ni ntamu ni vuhosi, na minkama hinkwayu minga sina tumbuluka, kusukela swoswi ni hi madzana-dzana ya malembe hinkwawu matakata. Amen!

Ef 1:11

Ni le ku Yene lweyi hingayentxa pfindla, hikuva hi bekisiwile hi makungu ya lweyi ayentxaka mintxhumu hinkwayu hinkonta ya kulandra kurandra kwake.

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

Rm 11:33

Ahikukula ka vukosi bya Xikwembu Nkulukumba ni vutivi ni vutlhari byake! I mani angaswikotaka kutlhamuxela makungu yake ni kuyingelisisa tindlela ta xone!

Mt 11:19

A N'wana wa Mhunu atile na ada, anwa, vaku i wa magolo ni mpopswi, i nakulobye wa vahlengisi ni vadohi. Kambe a vutlhari byikombisiwa a kululama ka byone hi mintiro ya byone.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.