Ef 1:4 - Testamente Ledrimpswha ni Mapsalma

⁴ Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Ef 1:4 Referans Kwoze

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

Ef 5:27

akuva adrikombisa mahlweni kwake, na drili Kereke dra kuphatima, ledri dringalikina bati, kumbe kuhoneka, nambi ntxhumu wun'wana wa kufana ni leswo, kambe drixwengiki, mfuri dringalikina xisandru.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mintiro Ya Vapostola 13:48

Loko a va-Matiko vaswiyingela, vatrhava ngopfu vadrumisa a ritu dra Hosi, kutani hinkwavu lava afaka vabekiseliwi vutomi lebyi byingahelikiki vapfumela.

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

I Tsl 4:7

Xikwembu Nkulukumba angahi vitanelanga vuwoswini, kambe akuxwengeni.

Va-le-Filipiya 2:15

Akuva n'wingavina kusoleka, n'wiva lava vabasiki, n'wiva vana va Xikwembu Nkulukumba lava vangeke na nandru amakari ka lixaka ledri dra kusomboloka dra kubiha, ku drone n'wivaningaka swanga hi tinyeleti amisaveni,

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

Mintiro Ya Vapostola 18:10

hikusa nina wene. Akuna mhunu lweyi atakakota kuyentxa swakubiha ahenhla kwaku, akulamata, hikusa nini vhanu vanyingi amutini lowu.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

I Kor 1:8

lweyi atakan'witiyisa kutlhasa vugan'wini, leswaku n'wingativana nandru a sikwini dra Hosi yeru Yesu Kriste.

Mt 24:31

Ataruma a tintrumi takwe hi mpfumawulu wa mhalamhala, akuva swihlengeleta vahlawuliwa vakwe vapfa ku mune wa matlhelo ya misava, kusukela ku tlhelo drin'we kuyatlhasa ku tlhelo drin'wana dra tilo.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Rm 8:33

Hi mani lweyi angarambelaka lava Xikwembu Nkulukumba a vahlawuliki xana? I Xikwembu Nkulukumba avahlayiki valulami.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 24:22

Loko a masiku lawo amangagomisiwanga, afa kungahulukanga mhunu ni mun'we; Kambe hinkonta ya vahlawuliwa, amasiku lawo matagomisiwa.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Mintiro Ya Vapostola 15:18

leyi yinyikiki kutibyiwa mintxhumu leyi kusukela minkama ya khale.