Ef 1:23 - Testamente Ledrimpswha ni Mapsalma

²³ Drone inga miri yake, ni kuhetisekisa ka lweyi ahetiseka ka hinkwaswu ka hinkwavu.

Ef 1:23 Referans Kwoze

Yohana 1:16

Kutani hi ntalo wa timpswalu takwe, hine hinkweru hiyamukeli timpswalu henhla ka timpswalu.

Ef 4:12

na arandri kuhetisekisa tinsasi ku ntiro wa vutireli, ni kuvumba miri ya Kriste.

Ef 3:19

Akuva mitakota kutiva lirandru dra Kriste, nambi leswi yene atlulaka mintamu ya kukari ni kukoteka ka vutivi, akuva Xikwembu Nkulukumba an'witata hi nhlengwe yake hinkwayu.

Ef 4:10

Yelweyo angaxika, hi yene nakone anga ntlhantuka henhla ka matilo hinkwawu, akuva atatisa mintxhumu hinkwayu.

I Kor 15:28

Kutaku loko swibekiwi hinkwaswu ahansi kwake, kone na Yene N'wana atabekiwa ahansi ka lweyi abekiki hinkwaswu ahansi kwake, akuva Xikwembu Nkulukumba ava hinkwaswu ku hinkwaswu.

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Va-le-Kolosa 3:11

laha kungaliki na mu-Yuda nambi mugeriki, nambi ku lava vakusoka nambi ku lava vangasokiwangakiki, nambi vali va va-Barbara, kumbe mu-Cita, nambi xa kuva xikarawa, kambe kuntrhunxeka ha Kriste kuhinkwaswu ku hinkwavu.

Ef 2:16

Hikola ka xihambano ahitlhanganisi kun'we ni Xikwembu Nkulukumba, hiva miri min'we, adlaya ni livengo ha xone.

I Kor 12:6

Nakone, kuni mintiro ya kuhambana, kambe i Xikwembu Nkulukumba mun'we ntsena, lweyi atiraka hinkwaswu ku hinkwavu.

Rm 13:5

Hikolahu, ufanele kuyingiseta, kunge ntsena kuhuluka xikhatiso, kambe na kone kuva hi mfanelo ya lipfalu.

Ef 4:4

Kuni miri min'we ni moya mun'we, swanga hileswi n'wivitaneliwiki akulaviseleni kun'we ntsena, ka kuhlawuliwa kwenu.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Ef 4:13

Kukota hinkweru hitlhasa kutrimbaneni ka vupfumeli ni ka vutivi bya N'wana wa Xikwembu Nkulukumba; hiva mhunu lweyi wakuhetiseka, ampin'wini wa kuhetiseka wa Kriste,

Va-le-Kolosa 2:19

Avatitlhanganisanga na Kriste lweyi ayandrisaka miri hinkwayu, amitlhanganisa aswiyengeni swakuhambana, ni kuswiyentxa swiwundleka swanga hi kungu dra Xikwembu Nkulukumba.