Ef 1:19 - Testamente Ledrimpswha ni Mapsalma

¹⁹ ni kutlakuka ka vukulu bya ntamu wakwe, ku hine hingani kupfumela, mayelana ni kukombisa kutiya ka ntamu wakwe,

Ef 1:19 Referans Kwoze

Va-le-Filipiya 2:13

Hikusa Xikwembu Nkulukumba hi Yene lweyi a tiraka ku n'wine, i ngava hi kuswinavela kumbe hi kuswiyentxa mayelana ni kurandra kwake.

Ef 3:20

Hidrumisa Xikwembu Nkulukumba lweyi hi ntamu lowu ahinyikaka ntamu wa kuyentxa kutlula ngopfu ku leswi hiswikombeliki kumbe haswikota kupimisa.

Va-le-Kolosa 2:12

Hikusa n'wibabatisiwile, n'wilahliwi kun'we na Yene, n'wipfuxiwi kun'we na Yene, hikupfumela ku ntamu wa Xikwembu Nkulukumba, lweyi angamupfuxa ku lava ku fa.

II Kor 4:7

Kambe anhlengwe leyi, hina yone aswibyeni swavumba, akuva avukulu bya ntamu lowu byiva bya Xikwembu Nkulukumba, wunge weru.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Ef 6:10

Leswi saliki, tiyani Hosini ni le ntan'wini wa vukulu bya Yone.

Ef 3:7

Hiyo Ivangeli leyi mine ningamutivisi wa yone, hi ndjombo ya kukari, leyi Xikwembu Nkulukumba hi ntamu wakwe ni masungulo aninyikiki.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

II Tsl 1:11

Hiswoleswo han'wikombela hi kukhinyelela ku Xikwembu Nkulukumba weru, akuva an'wipfuna kuyangula kuvitana kwake, akun'winyika mintamu akuva n'wiyisa hi mintiro ku hinkwavu a makungu ya hombe, ni kundruluka kakutlhavukanya ka vupfumeli byenu.

I Tsl 1:5

Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Yohana 3:6

Leswi swipswaliwaka hi nyama i nyama; kambe leswi pswaliwaka hi moya i moya.

Va-le-Filipiya 3:21

Yene ataka ndruluta miri yeru ya kutrongahateka, akuva mifana ni miri yake ya kuphatima, hi ntamu lowu ha wone aswikotaka kubeka hinkwaswu hansi kwake.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.