प्रकाश 6:2 - परमेस्वर को सच्चो वचन

² मैं देखो, एक सफेद घोड़ा है, और बामै सवार धनुस लै भै है, और बाकै एक मुकुट दौ गौ। और बौ जीतन के ताहीं एक विजेता के हानी बाहर निकरो है।

राना थारु नयाँ नियम

² तओ मए एक सेतो घोडा देखो, और बोमे चढन बारे आदमी धनुस लए रहएं: और बोके एक मुकुट दओगओ, और बो स्वर्गसे बाहिर पृथ्वीमे चलो आओ, बहे कता जो पहिलीएसे जितिगओ हए, और फिरसे जीत जाबैगो।

प्रकाश 6:2 Referans Kwoze

प्रकाश 3:21

जो बिजय होंगे, मैं बाकै अपने संग अपने सिंहासन मैं बैठन को हक दुंगो, जैसो मैं बिजय भौ हौं और अब अपने दऊवा के झोने बाके सिंहासन मैं बैठो हौं।”

प्रकाश 14:14

फिर मैं देखो, एक सफेद बादर रहै, और बौ बादर मैं इंसान के लौड़ा तराहनी बैठो दिखात रहै, जोकी मुड़िया मैं सोने को मुकुट और हात मैं पैनी दरांती रहै।

प्रकाश 11:15

तौ सातमों स्वर्गदूत तुरहई फूँकी, तौ स्वर्ग मैं जौ बारे मैं ऊँची-ऊँची अबाज आन लगी, “अब दुनिया को राज्य हमरे प्रभु को और बाके मसीह को हुई गौ, और बौ हमेसा राज्य करैगो।”

प्रकाश 17:14

बे मेम्ना के बिरोध मैं लड़ंगे; मेम्ना अपने बुलाए भै, चुने भै, और भरोसेमंद लोगन के संग मिलकै उनकै पराजित करैगो, काहैकि बौ प्रभुअन को प्रभु, और राजाओं को राजा है।”

प्रकाश 15:2

फिर मैं आगी से मिलो भै सीसा के जैसो एक समुंदर देखो, मैं बे लोगन कै भी देखो जो बे जानवर और बाकी मूर्ति मैं जीत हासिल करी रहैं, और जोको नाओं एक नम्बर से दिखाओ गौ रहै। बे सीसा के समुंदर के किनारे परमेस्वर की वीड़ाँ पकड़े भै ठाड़े रहैं, जो परमेस्वर उनकै दई रहै

प्रकाश 11:18

गैर यहूदि गुस्सा से भर गै, काहैकि तुमरे ऊपर गुस्सा करन को समय आए गौ है, मरे भैन को न्याय करन को समय आए गौ है। अपने सेवक, भविस्यवक्तन और पवित्र लोगन कै इनाम देन को समय आए गौ है, जो तेरे ताहीं आदर रखथै चाँहे बे छोटे-बड़े के जैसे होमैं। पृथ्वी कै नास करन बारेन कै नास करन को समय आए गौ है!”

1 कोरिन्थी 15:25

जबले परमेस्वर अपने बैरियन कै अपने टाँगन तरे नाय लैयाबै, तौले मसीह को राज्य करनो जरूरी है।

प्रकाश 19:14

स्वर्ग की सेना सफेद घोड़न मैं सवार और सुद्ध सफेद मलमल के लत्ता पहने बाके पच्छू हुई लईं।

मत्ती 28:18

ईसु झोने जाएकै उनसे कही, “मोकै स्वर्ग और पृथ्वी मैं सबै अधिकार दै गै हैं।

प्रकाश 9:7

टींड़ा लड़ाई के ताहीं तैयार घोड़न के तराहनी दिखत रहैं; उनकी मुड़िया मैं सोने के मुकुट रहैं, और उनके चैहरा इंसान के जैसे रहैं।