प्रकाश 17:3 - परमेस्वर को सच्चो वचन

³ फिर आत्मा मोकै काबू मैं कर लई, और स्वर्गदूत मोकै जंगल मैं लैगौ। हूँना मैं एक लाल रंग के जानवर ऊपर एक बईय्यर कै बैठो देखो, जोमैं परमेस्वर की बुराई करन बारेन के नाओं लिखे भै रहैं; बौ जानवर की सात मुड़िया और दस सींग रहैं।

राना थारु नयाँ नियम

³ और पबित्र आत्माको मदतसे स्वर्गदूत मोके जंगली इलाकामे लैगओ। मए हुवाँ एक बैयरके देखो, जो एक राक्षसके उपर बैठी रहए जो राक्षस लाल रंगको रहए। बोको सात मुण और दश सिंग रहएं। बोको शरीर बिनको नाउँसे तुपो रहए, जौन परमेश्वरके बदनाम करत हएं।

प्रकाश 17:3 Referans Kwoze

प्रकाश 12:3

आसमान मैं एक और रहस्यमयी चिन्ह दिखाई दई। हूँना सात खुपड़िया और दस सींगन बारो एक बड़ो लाल अजगर रहै और बाकी हर खुपड़िया ऊपर मुकुट रहै।

प्रकाश 17:18

“जो बईय्यर कै तुम देखे बौ बड़ो नगर है जो पृथ्वी के राजन ऊपर राज्य करथै।”

प्रकाश 12:6

और बौ औरत बौ जंगल मैं भाज गई, जहाँ परमेस्वर के घाँईं से बाके ताहीं एक जघा तैयार करी गई रहै, ताकी हुँआँ बाकी देखरेख तीन साल चार महेना ले करी जाबैगी।

प्रकाश 17:4

बौ बईय्यर बैंगनी और लाल रंग के लत्ता पहने रहै, और सोने के जेबर, कीमती मड़ी और मोतियन से सजी भइ रहै, और बाके हाथ मैं व्यभिचार और असुद्ध चीजन से भरो एक सोने को कटोरा रहै।

प्रकाश 12:14

बाकै रेगिस्तान मैं अपनी जघा मैं उड़न के ताहीं एक बड़े गिद्धा के दुई पंख दै गै रहै, जहाँ अजगर के हमला से बाकी साढ़े तीन साल ले देखरेख करी जागी,

प्रकाश 21:10

आत्मा मोकै काबू मैं कर लई, स्वर्गदूत मोकै एक भौत बड़े पहाड़ की चुटिया मैं लैगौ। बौ मोकै पवित्र सहर यरूसलेम कै स्वर्ग से परमेस्वर के झोने से उतरत भै दिखाई

2 थेसलोनिकी 2:4

बौ हर तथाकथित दुईतन या पूजा की चीज को बिरोध करैगो और खुदकै सबन से ऊपर रखैगो। हिंयाँ ले कि बौ परमेस्वर के मंदिर मैं जाएकै बैठ जागो और अपने आपकै परमेस्वर होन को दाबा करैगो।

प्रकाश 1:10

प्रभु के दिन मैं पवित्र आत्मा मोए काबू कर लई, और मैं एक बड़ा जोड़न से अबाज सुनो, जो एक तुरहई की अबाज के तराहनी लगत रहै, जो मेरे पच्छू बोलत रहै।

प्रकाश 4:2

तुरंत आत्मा मोकै अपने वस मैं कर लई। हुँआँ स्वर्ग मैं एक सिंहासन रहै जोमैं कोई बैठो है।

प्रेरित 8:39

जब बे पानी से बहार निकरकै आए, तौ प्रभु की आत्मा फिलिप्पुस कै दूर लै गई। अधिकारी बाकै फिर से नाय देखी, लेकिन खुसी से अपने रस्ता मैं चलत रहो।

मत्ती 27:28

बे बाके लत्ता उतार दईं, और लाल रंग को चोंगा पैंधाय दईं।

प्रकाश 18:12

कोई भी उनको सोनो, चाँदी, कीमती पथरा, और मोती नाय खरिदथै; उनके मलमल, बैंजनी लत्ता, रेस्मी और लाल रंग के लत्ता; सब तरहन की निराली कठिया और हथिया के दाँत और महंगी कठिया, काँसो, लोहो और संगमरमर से बनी सबै तरहन की चीजैं;

प्रकाश 18:16

और कहमंगे, “कित्तो भयानक है! महान सहर के ताहीं कित्तो भयानक! जो मलमल, बैंजनी, लाल रंग के लत्ता पहनत रहै, और खुदकै सोने के जेबर, कीमती पथरा और मोतियन से तोप लेत रहै!