प्रकाश 15:1 - परमेस्वर को सच्चो वचन

¹ फिर मैं आसमान मैं एक महान और अदभुत रहस्यमयी चिन्ह देखो, मतलब सात स्वर्गदूत जिनके पास सातौ आखरी बिपत्ति रहैं, काहैकि उनके हुई जान मैं परमेस्वर के गुस्सा को अंत है।

राना थारु नयाँ नियम

¹ तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

प्रकाश 15:1 Referans Kwoze

प्रकाश 21:9

बे सात स्वर्गदूत मैं से जिनके झोने सात आखरी बिपत्ति से भरे भै सात कटोरा रहैं, उनमैं से एक मेरे झोने आओ और कही, “आबौ, मैं तुमकै दुल्हेन मतलब मेम्ना की बईय्यर दिखांगो।”

प्रकाश 19:15

बाके मोहों से एक चोखी तलवार निकरी, जोसे बौ सब देसन कै हराबैगो। बौ लोहे की छड़ी से उनके ऊपर राज्य करैगो, और बौ सर्वसक्तिमान परमेस्वर के प्रकोप के कुंड मैं दाखरस रौंदैगो।

प्रकाश 16:1

फिर मैं मंदिर मैं से सातौ स्वर्गदूतन से ऊँची अबाज मैं जौ कहत सुनो; “जाबौ परमेस्वर के गुस्सा के सातौ कटोरा पृथ्वी मैं उड़ेल दियौ!”

प्रकाश 14:19

तौ बौ स्वर्गदूत पृथ्वी मैं अपनी दरांती चलाय कै, अंगूर की लार मैं से अंगूर कै काट दई और उनकै परमेस्वर के प्रकोप के दाखरस कुंड मैं डार दई।

प्रकाश 14:10

परमेस्वर को दाखमधु, बाके जलजलाहट की दाखमधु, जोकै बौ अपने गुस्सा के प्यालो मैं पूरी ताकत से उड़ेल दई है, पीमंगे! जो ऐसो करंगे, बे पवित्र स्वर्गदूत और मेम्ना के सामने आगी की गंधक मैं तड़पंगे।

प्रकाश 11:14

दूसरी आफत बीत चुकी है लेकिन तीसरी भयानक आफत जल्दिये आनबारी है!

प्रकाश 10:3

और बड़े ऊँचे अबाज मैं चिल्लाई जैसो सेरा गरजथै। बाके चिल्लान के बाद, तौ गरजन के संग मैं सात जबाब मिले।

प्रकाश 8:6

तभई सातौ स्वर्गदूत जिनके झोने सात तुरहई रहैं फूँकन के ताहीं तैयार भै।

प्रकाश 8:13

जब मैं फिर देखो, तौ आसमान के बीच मैं एक गिद्धा कै उड़त और ऊँची अबाज से जौ कहत सुनो, “बे तीन स्वर्गदूतन की तुरहई के सब्दन के कारड़ जिनको फूँकनो हबै बाकी है, जौ उनके ताहीं कितनो भयानक, भयानक और भयानक होगो जो पृथ्वी मैं रहथैं!”

प्रकाश 8:2

और मैं बे सातौ स्वर्गदूतन कै देखो जो परमेस्वर के सामने ठाड़े रहैं, और उनकै सात तुरहियाँ दई गईं।

प्रकाश 9:20

बाकी के बचे भै इंसान, जो बे सब महामारी से न मरे रहैं, बे अपने हात के कामन से न मन फिराईं। बे ना तौ प्रेत आत्मा की आराधना करनो छोड़ीं, और ना सोने, चाँदी, पीतल, पथरा, और कठिया की मूर्तियन की पूजा करनो छोड़ीं, जो ना तौ देख, ना सुन, ना चल सकथैं।

प्रकाश 17:1

फिर सात स्वर्गदूतन के पास बे सात कटोरा रहैं, उनमैं से एक मेरे झोने आओ और मोसे जौ कही, “इतै आ, मैं तोकै दिखांगो कि नामी वैस्या को न्याय कैसे होगो, बौ महान सहर जो कई नदियन के किनारे बनो हैं।