प्रकाश 12:12 - परमेस्वर को सच्चो वचन

¹² और हे स्वर्ग, और हूँना सब रहन बारेयौ खुसी मनाबौ! लेकिन पृथ्वी और समुंदर के ताहीं कितनो भयानक है! काहैकि सैतान तुम्हारे झोने उतर आओ है, और बौ गुस्सा से भरगौ है, काहैकि बौ जानथै, कि बाके पास थोड़िये समय है।”

राना थारु नयाँ नियम

¹² जहेमारे तुम सब जो स्वर्गमे रहात हओ, तुम्हएं आनन्दित होनके चाहो। पर तुम जो पृथ्वीमे और समुन्दरमे रहात हओ, तुम भयानक रितिसे पिडित होबैगे। काहेकी शैतान तुमर ठिन तरे गओहए, और बोको मन गुस्सासे भरोहए। काहेकी बो जानत हए, कि बोके ठिन काम करनके ताहीं जद्धा समय नैयाँ।”

प्रकाश 12:12 Referans Kwoze

प्रकाश 8:13

जब मैं फिर देखो, तौ आसमान के बीच मैं एक गिद्धा कै उड़त और ऊँची अबाज से जौ कहत सुनो, “बे तीन स्वर्गदूतन की तुरहई के सब्दन के कारड़ जिनको फूँकनो हबै बाकी है, जौ उनके ताहीं कितनो भयानक, भयानक और भयानक होगो जो पृथ्वी मैं रहथैं!”

प्रकाश 18:20

हे स्वर्ग, बाके बिनास के बजह से खुस हो! हे परमेस्वर के पवित्र लोगौ और प्रेरितौ और भविस्यवक्ता भी खुस रहबौ! काहैकि जो कछु बौ तुमरे संग करी बाके ताहीं परमेस्वर बाको न्याय करी है!

प्रकाश 10:6

और परमेस्वर के नाओं से मन्नत माँग कै कह, जो हमेसा जिंदो है, जो आकास, पृथ्वी और समुंदर और बामै जो कछु है, सबकै जन्माई है! स्वर्गदूत कही, “अब और देर न होगी!”

प्रकाश 11:10

इन दोनों की मौत से पृथ्वी के लोग खुस होंगे। बे जस्न मनांगे और एक-दूसरे कै भेंट भेजंगे, काहैकि बे दोनों भविस्यवक्ता पूरी मानव जाति कै बड़ा सताई रहैं।

प्रकाश 9:12

पहलो आतंक खतम हुई गौ है; जाके बाद दुई और भयानक आतंक आनबारे हैं।

लूका 15:10

जहे रीति से मैं तुमसे कहथौं, कि एक मन बदलन बारे पापी के बजह से परमेस्वर के दूत खुस होथैं।”

प्रकाश 11:14

दूसरी आफत बीत चुकी है लेकिन तीसरी भयानक आफत जल्दिये आनबारी है!

2 पतरस 3:8

लेकिन एक बात मत भूलौ, मेरे प्रिय दोस्तौ! एक दिन और हजार साल के बीच प्रभु की नजर मैं कोई अंतर नाय है; बाके ताहीं सब एक जैसो है।

हिब्रू 10:37

“काहैकि अब थोड़िये समय रहगौ है जब कि आनबारो आबैगो, और देर नाय करैगो।

लूका 2:14

“परमेस्वर की महिमा ऊँचे स्वर्ग मैं, और पृथ्वी मैं सांति बे लोगन के ताहीं है जिनसे बौ खुस है!”

प्रकाश 12:9

विसाल अजगर कै बाहर फेंक दौ गौ, बौ पुरानो साँप, जोको नाओं इब्लीस या सैतान रहै, जो पूरी दुनिया कै धोका दई रहै। बौ और बाके सब दूतन कै बाके संग पृथ्वी मैं फेंक दौ गौ।

प्रकाश 13:6

बौ परमेस्वर कै, बाके नाओं कै, बाके रहन की जघा मतलब तम्बु कै, और बे सबन कै जो स्वर्ग मैं रहत रहैं, स्राप देन लगो।