यूहन्ना 21:7 - परमेस्वर को सच्चो वचन

⁷ तौ फिर बौ चेला जोसे ईसु प्यार करे करत रहै, बौ पतरस से कही, “जौ तौ प्रभु है!” सिमौन पतरस जौ सुनकै कि बौ प्रभु है, करिहाँओं मैं अंगोछा कर्‌रे से कस लई, काहैकि पतरस नंगो रहै, और झील मैं कूद पड़ो।

राना थारु नयाँ नियम

⁷ जहेमारे जा देखके येशूके प्रेम करन बारो चेला पत्रुससे कही, “जा त प्रभु हए।” जब सिमोन पत्रुस जा सुनी कि “बा प्रभु हए,” तओ बो अपन बाहिरी कुर्ता पैँधलै जो बो काम करत पेती उतारदइ रहए, और समुन्दरके पानीमे कुदपणो।

यूहन्ना 21:7 Referans Kwoze

यूहन्ना 13:23

बाके चेलन मैं से एक जोसे ईसु प्यार करत रहै, ईसु की छाती के घाँईं लोहको भौ बैठो रहै।

यूहन्ना 20:2

बौ फिर दौड़कै सिमौन पतरस और दुसरे चेलन के झोने गई जोसे ईसु प्यार करत रहै, उनसे आए कै कही, “बे प्रभु कै कबर मैं से निकार लैगै, और हम नाय जानथैं कि बे बाकै कहाँ धरी हैं!”

यूहन्ना 19:26

ईसु अपनी अईय्या और बौ चेला कै जोसे बौ प्यार करत रहै झोने ठाड़े भै देखकै अपनी अईय्या से कही, “जौ तेरो लौड़ा है।”

2 कोरिन्थी 5:14

मसीह को प्यार हमकै जौ परखन ताहीं मजबूर कर देथै; जहे ताहीं कि हम जौ समझथैं कि जब एक जनी सबन ताहीं मरो तौ सब जनी मर गै।

यूहन्ना 21:24

जौ बहे चेला है जो जे बातन की गभाई देथै और जो जे बातन कै लिखी है, और हम जानथैं कि बाकी गभाई सच्ची है।

यूहन्ना 21:20

पतरस मुड़कै बौ चेला कै पच्छू आत भौ देखी, जोसे ईसु प्यार करे करत रहै, और जो खानु खान के समय ईसु की छाती के घाँईं लोहोक्कै पूँछी रहै, “प्रभु, कि तोकै पकड़वान बारो कौन है?”

प्रेरित 10:36

तुम ईसु मसीह के जरिये सांति के सुसमाचार को ऐलान करत भइ इस्राएल के लोगन कै भेजे गै संदेस कै जानथौ, जो सबन को प्रभु है।

प्रेरित 2:36

“इस्राएल के सबै लोग, जौ सुनिस्चित करन के ताहीं जानथैं कि जौ ईसु, जोकै तुम क्रूस मैं चढ़ाय रहौ बौ बहे है जोकै परमेस्वर प्रभु और मसीहा बनाई है!”

लूका 7:47

“मैं तोसे कहथौं; कि जाके पाप जो भौत रहैं, माफ ही गै है, काहैकि जौ भौत प्यार दिखाई है; लेकिन जिनकै माफी मिल गई है बौ थोड़ी सो प्यार दिखाथै।”

लूका 2:11

आजै के दिन दाऊद के सहर मैं तुमरे ताहीं एक उद्धारकर्ता जनमो है, और बहे प्रभु मसीह है!

मर्कूस 11:3

तुमसे कोई पूँछै जाको तुम का करैगे, तौ कहियो, ‘गुरु कै जरूरत है,’ और बौ तुरंतै बाकै हिंयाँ पनार देगो।”

याकूब 2:1

भईय्यौ, और बहेनियौ हमरे महिमायुक्त प्रभु ईसु मसीह को बिस्वास तुम मैं भेद-भाव के संग नाय होबै।

1 कोरिन्थी 15:47

धरती की धूल से आओ पहलो आदम; दुसरो आदम स्वर्ग से आओ।

यूहन्ना 20:28

जौ सुनकै थोमा जबाब दई, “हे मेरे प्रभु, हे मेरे परमेस्वर!”

यूहन्ना 20:20

और ऐसे कहकै बौ अपने हाथ और अपनी पुसरिया उनकै दिखाई, तौ फिर चेला प्रभु ईसु कै देखकै खुस हुईगै।

लूका 12:35

“जो भी आथै बाके ताहीं तैयार रहबौ, कारवाई के ताहीं लत्ता पहनै और अपने दिया जलाए रखाबौ,

यूहन्ना 21:8

और दुसरे चेला मच्छी से भरे भै जार कै खींचकै छोटी नईंयाँ मैं बैठगै, बे जमीन से जद्धा दूर नाय रहैं, बे लमसम जमीन से सौ मीटर दूर रहैं।