यूहन्ना 17:11 - परमेस्वर को सच्चो वचन

¹¹ मैं अब जौ दुनिया मैं नाय रहमंगो, पर जे जौ दुनिया मैं रहमंगे, और मैं तेरे झोने आए रौ हौं। हे पवित्र दऊवा! अपने बौ नाओं से जो तैं मोकै दौ है, उनकै देखे रहिये कि बे आपन के हानी एक होमैं।

राना थारु नयाँ नियम

¹¹ “अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:11 Referans Kwoze

मत्ती 6:9

तभई जौ तरह तुमकै प्रार्थना करनो चहाईये: ‘हे हमरे स्वर्गिय पिता, तेरो नाओं पवित्र मानो जाबै।

हिब्रू 9:24

काहैकि मसीह तौ बौ हाथ के बनाए भै पवित्र जघा मैं जो सच्चे पवित्र स्थान को नमूना है, नाय घुसो, लेकिन स्वर्ग मैं ही घुसो, ताकी हमरे ताहीं अब परमेस्वर के अग्गु दिखाई देबै।

इफिसियों 4:4

एकै सरीर है, और एकै आत्मा; जैसे कि जो आसा के ताहीं परमेस्वर तुमकै बुलाई है बौ भी एक है।

फिलिप्पी 2:9

जौ बजह से परमेस्वर बाकै सबसे ऊँची जघा मैं से ऊपर उठाई और बाकै बौ नाओं सौंप दई जो सब नाओं से बड़ो है।

यूहन्ना 17:25

हे धार्मिक परम दऊवा, जौ दुनिया मोकै नाय जानी, पर मैं तोकै जानो; और जेऊँ जानीं कि तहीं मोकै भेजो है।

यूहन्ना 13:1

फसह के त्योहार से पहले, जब ईसु जान लई कि मेरो समय आए गौ है कि जौ दुनिया कै छोड़कै परम दऊवा परमेस्वर के झोने जाऊँ, तौ अपने लोगन से जो जौ दुनिया मैं रहैं जैसो बौ प्यार रख्खत रहै, आखरी तक बैसिये प्यार रख्खत रहो।

हिब्रू 1:3

बौ परमेस्वर की महिमा को उजियारो और बाके तत्व की छाप है, और सब चीजन कै अपनी सामर्थ्य के बचन से सम्भालथै: बौ पापन कै धोएकै महान परमेस्वर के दहने जाए बैठो।

यूहन्ना 16:33

मैं जे बात तुमसे जौ ताहीं कहो हौं, कि तुमकै मेरे मैं सांति मिलै। जौ दुनिया से तुमकै कलेस होथै, पर हिम्मत भाँदौ, मैं जौ दुनिया कै जीत लौ हौं!”

यूहन्ना 14:20

बौ दिन तुम जानैगे कि मैं अपने दऊवा मैं हौं, और तुम मेरे मैं, और मैं तुम मैं।

यहूदा 1:1

यहूदा के घाँईं से, जो ईसु मसीह को सेवक, और याकूब को भईय्या बे लोगन कै जिनकै परमेस्वर बुलाई है, जो परमेस्वर दऊवा के प्रेम और ईसु मसीह के अनुग्रह मैं रहथैं:

1 यूहन्ना 5:19

हम जानथैं कि हम परमेस्वर के हैं, भलेई पूरी दुनिया दुस्ट के सासन मैं है।

याकूब 4:4

हे व्यभिचारियौ का तुम नाय जानथौ, कि दुनिया से दोस्ती करनो परमेस्वर से बैर करनो है? काहैकि जो कोई दुनिया से दोस्ती करनो चाहथै, बौ अपने आपकै परमेस्वर को बैरी बनाथै।

प्रेरित 3:21

जबले सबै चीजन कै नया बनान को ऐलान नाय करी जाबै, तौले स्वर्ग मैं रहने चाहिए, काहैकि परमेस्वर अपने पवित्र भविस्यवक्ता के जरिया ऐलान करी रहै।

यूहन्ना 13:3

ईसु, जौ जानकै कि दऊवा सब कछु मेरे हाथ मैं कर दई है और मैं परमेस्वर के झोने से आओ हौं और परमेस्वर के झोने जाथौं,

प्रकाश 4:8

और चारौ जीव के छै-छै पंख हैं, चारौ तरफ और भीतर आँखी ही आँखी हैं; और बे रात-दिन बगैर सैंताए जौ कहते रहथैं, “पवित्र, पवित्र, पवित्र, सर्वसक्तिमान प्रभु परमेस्वर, जो रहै, और जो है, और जो आनबारो है।”

1 पतरस 1:5

बे तुमरे ताहीं हैं, जो बिस्वास के जरिये से परमेस्वर की सामर्थ्य के जरिये बौ उद्धार के ताहीं सई सलामत रखे जाथैं जो समय के अंत मैं दिखाई देन के ताहीं तैयार है।

गलातियों 3:28

तौ ना अब कोई यहूदि रहो और ना यूनानी; ना कोई दास, ना आजाद; ना कोई लोग, ना बईय्यर; काहैकि तुम सबै मसीह ईसु मैं एक हौ।

1 कोरिन्थी 1:10

भईय्यौ और बहेनियौ, मैं तुमसे ईसु मसीह जो हमरो प्रभु है बाके नाओं से नहोरे करथौं, कि तुम सब एकै बात कहबौ और तुम मैं फूट ना पड़ै, लेकिन एकै मन और एकै मकसद मैं रहकै मेल-जोल से रहबौ।

रोमियों 12:5

बैसिये हमउँ निरे हैं, मसीह मैं एक सरीर हुईकै आपसै मैं एक सरीर के अलग-अलग अंग हैं।

रोमियों 9:17

काहैकि पवित्र सास्त्र मिस्र के राजा फिरौन से कहो गौ, “मैं तोकै तभईये ठड़बाओ हौं कि तेरे मैं हुईकै अपनी सामर्थ्य दिखामौं, और मेरे नाओं को प्रचार पूरी दुनिया मैं होबै।”

यूहन्ना 16:28

मैं परम दऊवा कि तरफ से जौ दुनिया मैं आओ हौं; और मैं अब जौ दुनिया कै छोड़कै परम दऊवा के झोने जाएरौ हौं।”

यूहन्ना 7:33

जौ सब होन के बाद ईसु कही, “मैं थोड़ी देर तक और तुमरे संग हौं; फिर मैं अपने पनारन बारे के झोने चलो जांगो।

मत्ती 10:16

“सुनौ! मैं तुमकै भेंड़न के हानी भेंड़ियन के बीच मैं भेजथौं तभई साँपन के हानी अकलदार और कबूतरन के हानी भोले बनौ।

मत्ती 5:48

तुम सिद्ध बनौ जैसे कि तुमरो स्वर्गिय दऊवा सिद्ध है।”

प्रकाश 19:12

बाकी आँखी आगी की लपट के तराहनी रहैं, और बाकी मुड़िया मैं भौत से राजमुकुट रहैं। और बामै एक नाओं लिखो रहै, लेकिन बाकै छोड़ और कोई नाय जानत रहै बौ का है।

प्रकाश 15:4

“हे प्रभु, कौन तोसे ना डरागो? और तेरे नाओं की महिमा ना करैगो? काहैकि सिरफ तू ही पवित्र है। और सब जाति आयकै तेरी आराधना करंगे, काहैकि तेरे न्याय के काम सब देखरै हैं।” काहैकि तू ही एक पवित्र है जो सब देस तेरो धन्यवाद करंगे।

यहूदा 1:24

जो तुमकै ठोकर खबान से बचाए सकथै, बौ अपने महिमामय मौजुदगी मैं तुम्हैं निर्दोस और खुस करकै खड़ो कर सकथै।

1 यूहन्ना 3:12

हमैं कैन के जैसी नाय होनो चाहिए; बौ दुस्ट को रहै और अपनेई भईय्या हाबिल कै मार दई। कैन बाकै काहे मारी? बाके जरिया करी गई बातैं गलत रहैं, और बाको भईय्या जो बातैं करी, बे धार्मिक रहैं।

यूहन्ना 17:6

“मैं तेरो नाओं बे आदमिन के ऊपर दिखाओ हौं जोकै तैं जौ दुनिया से मोकै दौ। बे तेरे रहैं और तैं उनकै मोकै दौ, और बे तेरे बचन कै मान लईं हैं।

यूहन्ना 17:23

मैं उनमैं और तैं मेरे मैं कि बे मजबूत हुईकै एक हुई जामैं, और जौ दुनिया जानै कि तहीं मोकै भेजो है, और जैसी तैं मोसे प्यार करो बैसिये उन्हऊँ से प्यार करो।