यूहन्ना 12:42 - परमेस्वर को सच्चो वचन

⁴² तहुँओं यहूदि मुखियन मैं से गजब जनी बाके ऊपर बिस्वास करीं, पर फरीसियन के बजह से अपने बिस्वास करन के बारे मैं नाय बताईं, कि कहीं ऐसो ना होबै कि बे सभाघर मैं से निकारे जामैं।

राना थारु नयाँ नियम

⁴² तहुँफिर बहुत यहूदी अगुवा येशू उपर बिश्वास करीं। पर फरिसीनको समुह डरके मारे बे जा बात कोइसे फिर नाए कहीं काहेकी औ आदमी जा बात पता पैते कहेसे फरिसीनको समुहके, यहूदी सभाघरसे निकार दित्ते।

यूहन्ना 12:42 Referans Kwoze

यूहन्ना 9:22

जे बात बाके अईय्या-दऊवा इसलै कहीं काहैकि बे यहूदि नेतन से डरात रहैं; काहैकि यहूदि एकजुट हुईगै रहैं, कि अगर कोई कहबै कि बौ अच्छो करन बारो मसीह है, तौ बाकै सभाघर मैं से निकारो जाबै।

यूहन्ना 7:13

तहुँओं यहूदि नेतन के डर के मारे कोई खुलकै बाके बारे मैं ना बोलत रहै।

मत्ती 10:32

“जो कोई इंसान के सामने मोकै मान लेगो, बाकै महुँ अपने स्वर्गिय दऊवा के अग्गु मान लेंगो।

1 यूहन्ना 4:15

अगर हम ऐलान करथैं कि ईसु परमेस्वर को लौड़ा है, तौ हम परमेस्वर के एक संग रहथै और परमेस्वर हमरे संग रहथै।

1 यूहन्ना 4:2

जौ तुम कैसे जान पागे कि का जौ परमेस्वर की आत्मा है: जो कोई भी जौ मानथै कि ईसु मसीह सरीर मैं हुईकै आओ है, बाके पास बौ आत्मा है जो परमेस्वर से आथै।

रोमियों 10:10

काहैकि धार्मिकता के ताहीं मन से बिस्वास करो जाथै, और उद्धार के ताहीं मोहों से अंगीकार करो जाथै।

प्रेरित 5:41

प्रेरित जौ बात से खुस हुईकै पंचायत के अग्गु से निकर गै, कि हम ईसु के नाओं के ताहीं बेईज्जत होन के लायक तौ बने।

यूहन्ना 19:38

जे बातन के बाद अरिमतियाह को यूसुफ, जो ईसु को चेला रहै (काहैकि यहूदियो के डर के मारे जौ बात कै बतात नाय रहै) पिलातुस से नहोरे करी, कि मैं ईसु के सव कै लै जामौं, और पिलातुस बाके नहोरे कै सुन लई, और बौ आए कै बाकी लास कै लैगौ।

यूहन्ना 16:2

बे तुमकै सभाघर मैं से निकार देंगे, पर बौ समय आनबारो है, कि जो कोई तुमकै मार डारैगो बौ समझैगो कि मैं परमेस्वर की सेवा करथौं।

यूहन्ना 12:11

काहैकि बाकी बजह से तमान यहूदि चले गै और ईसु मैं बिस्वास करीं।

यूहन्ना 11:45

तौ जो यहूदि मरियम के झोने आए रहैं, और ईसु को ऐसो काम देखीं रहै, उनमैं से तमान जनी बाके ऊपर बिस्वास करीं।

यूहन्ना 9:34

बे बाकै जबाब दईं, “तैं तौ कतई पाप से पैदा भौ है, तैं हमकै का सिखाए रौ है?” और बे बाकै सभाघर से बाहर निकार दईं।

यूहन्ना 3:2

बौ रात मैं ईसु के झोने आयकै बासे कही, “गुरुजी, हम जानथैं कि तैं परमेस्वर की घाँईं से गुरु बनकै आओ है, कोई जे चिन्ह और चमत्कार, ना दिखाए सकथै जबले परमेस्वर बाके संग नाय होबै।”

लूका 12:8

“मैं तुमकै बिस्वास दिलाथौं कि जो लोग सबन के सामने मोकै मान लेंगे, कि बे मेरे हैं, इंसान को लौड़ा भी परमेस्वर के स्वर्गदूतन के सामने ऐसोई करैगो।

लूका 6:22

खुसनसीब हौ तुम, जब इंसान के लौड़ा के बजे से लोग तुमसे बैर रखंगे, और तुमकै निकार देंगे, और तुमरी बुराई करंगे, और तुमरो नाओं बुरो मानकै काट देंगे।

लूका 23:13

पिलातुस बड़े पुजारी, अधिकारी और लोगन कै एक संग बुलाई,

यूहन्ना 7:31

तहुँओं भीड़ मैं से तमान जनी बाके ऊपर बिस्वास करीं, और कहेन लागे, “मसीह जब आगो, तौ का जासे जाधे अचम्मे चिन्ह दिखागो जो जौ दिखाई है?”