हिब्रू 13:4 - परमेस्वर को सच्चो वचन

⁴ बिहा सबमै आदर की बात समझी जाबै, और बिहा बिछौना पवित्र होनो चाहिए; काहैकि परमेस्वर व्यभिचारियन, और छिनरेयन को न्याय करैगो।

राना थारु नयाँ नियम

⁴ सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

हिब्रू 13:4 Referans Kwoze

गलातियों 5:19

सरीर के काम तौ स्पस्ट है, यानी, व्यभिचार, लुचपन, असुद्ध काम; मानव स्वभाव जो करथै बौ बिल्कुल साफ है। जौ खुदकै अनैतिक, गंदी और असोभनीय हरकतन मैं दिखाथै;

गलातियों 5:21

बे जलन रखथैं, नसा मैं धुत हुई जाथैं, काम वासना मैं पड़े रहथैं और इन्हईं तराहनी के औरै-औरै काम करथैं, मैं तुमकै पहलिये चौकन्नो करथौं: जो आदमी जे कामन कै करथैं, बे परमेस्वर के राज्य को वारिस नाय होंगे।

1 कोरिन्थी 6:9

का तुम नाय जानथौ, की अधर्मी परमेस्वर के राज्य के बारिस ना होंगे? धोका मत खाबौ, नाय व्यभिचारी, नाय मूर्ति पूजा करन बारे, नाय दुसरेन की बईय्यर कै अपनो बनाये लेन बारे, नाय लुच्चे, नाय कोई आदमी कै अपनो बनान बारे बनौ

1 कोरिन्थी 5:13

लेकिन बहार बारेन को फैसला परमेस्वर करथै, “तभईये बौ बुरे काम करन बारे कै अपने झुंड मैं से निकार देबौ।”

इफिसियों 5:5

तुम जौ जानथौ कि, कोई भी दुराचारी, असुद्ध या लालची आदमी, काहैकि लालच मूर्ति पूजन के बराबर है मसीह और परमेस्वर के राज्य मैं भागीदार नाय होगो।

1 तिमोथी 3:12

एक कलीसिया के सेवक के पास खाली एकै बईय्यर होनी चाहिए, और अपने बालकन और अपने परिवार कै अच्छी तरह से देखभार करन मैं सक्छम होनो चाहिए।

1 तिमोथी 3:4

बौ अपने परिवार को अच्छी तरह से ख्याल रखन मैं सक्छम होनो चाहिए, और अपने बालकन कै पूरी गंभीरता से अपने अधीन रखत होबै।

1 कोरिन्थी 7:38

तौ जो अपनी कुवाँरी को बिहा कर देथै, बौ अच्छो करथै और जो बिहा ना कर पाथै, बौ औरौ अच्छो करथै।

प्रकाश 22:15

लेकिन सहर के बाहर लुटेरे और टोना, व्यभिचारी, हत्यारे, मूर्ति की पूजा करन बारे, और बचन और करम दोनों कै चाहन बारे लोग हैं।

तीतुस 1:6

एक ज्वान आदमी कै निर्दोस और निस्कलंक होनो चाहिए; बाके झोने एकै बईय्यर होबै और बाके बालका विस्वासी होमैं, और ना इज्जत खराब बारो जंगली प्राँड़ी और ना ही जिद्दी होबै।

1 तिमोथी 5:14

इसलै मैं चाहंगे कि ज्वान बिधवन को बिहा होबै, उनके बालका होमैं और बे अपने घर कि देखभार करैं, ताकी हमरे दुस्मनन कै हमरी बुराई बतकान को मौका नाय मिलै।

1 तिमोथी 4:3

जो बिहा करन से रोकंगे, और खाने कि चीज मैं खान के ताहीं परेज करन ताहीं कहंगे; जिनकै परमेस्वर जौ ताहीं सिरजाई कि विस्वासी और सच्चाई कै जानन बारे उनकै धन्यवाद दैकै खामैं।

2 कोरिन्थी 5:10

काहैकि हम सबकै बाके सामने न्याय करन के ताहीं, मसीह के अग्गु हाजिर होनो चाहिए। हम हर एक पामंगे जो हमरे लायक है, हम जो कछु अपने सरीर के जरिया करे हैं बाके हिसाब से, हमरे जिंदगी मैं अच्छो या बुरो।

1 कोरिन्थी 9:5

का हमकै जौ अधिकार नाय है, की कोई मसीह बहेनिया कै बिहा करकै संग लैकै घूमैं, जैसे की दुसरे प्रेरित और प्रभु के भईय्या और कैफा करथैं?

1 तिमोथी 3:2

जहो जरूरी है कि नेता निर्दोस, और एकै बईय्यर को लोगा होनो चाहिए, सांतचित्त, खुद मैं नियंतरित और व्यवस्थित होबै; और हितुअन को आदर भाव करन बारो, और सिखान मैं अच्छो होनो चाहिए;

हिब्रू 12:16

ऐसो नाय होबै, कि कोई आदमी व्यभिचारी, या एसाव के जैसी भक्तिहीन होबै, जो एक बार के भात के बदले अपनो पहलोठो होन को अधिकार बेंच डारी।

1 कोरिन्थी 6:18

व्यभिचार से बचे रहबौ और जित्ते पाप इंसान करथैं, बे सरीर के बहार हैं, लेकिन व्यभिचार करन बारो अपनेई सरीर के खिलाप पाप करथै।

1 थेसलोनिकी 4:6

जौ मामले मैं, तुम मैं से कोई कै भी दुसरे विस्वासिन भईय्यन के संग गलत नाय करनो चाहिए या उनको फायदा ना उठानो चाहिए। हम तुमकै जासे पहले बताए हैं, और हम तुमकै चिताए हैं कि जो लोग ऐसो करथैं, उनकै प्रभु सजा देगो।