1 तिमोथी 6:9 - परमेस्वर को सच्चो वचन

⁹ लेकिन जो लोग सेठ बननो चाहथैं, बे लालच मैं पड़ जाथैं, और गजब मूर्ख और खराब इच्छा के जार मैं फस जाथैं, जो तुमकै बरबाद करन और सत्यानास करन के ताहीं खींचथै।

राना थारु नयाँ नियम

⁹ पर जो धनी होनके चाँहत हएं बे सब मेलके पाप करनके ताहीं सजिलोसे परीक्षामे पणजात हएं, और एक जानबर हानी फन्दामे फस्जात हएं। आदमी बेहीं चीजके करन चाँहत हएं, जो उनके ताहीं मुरख और खतरनाक हए, और जा इच्छा उनके बर्बादी घेन लैजाबैगो, और नाश करदेबैगो।

1 तिमोथी 6:9 Referans Kwoze

1 तिमोथी 3:7

बाकै एक ऐसो आदमी होनो चाहिए, जो कलीसिया के बाहर लोग बाकी इज्जत करथौ मैं, ताकी बौ बेईज्जत ना होबै और सैतान की चाल मैं ना पड़ै।

प्रेरित 8:20

लेकिन पतरस बाकै जबाब दई, “तेरे पैसा तेरे संग नरक मैं जामैं, जौ सोचन के ताहीं कि तैं पैसन से परमेस्वर को वरदान मोल लै सकथै!

मत्ती 13:22

जो बीज कटीली झाड़िन मैं गिरे रहैं, बाको मतलब जौ है बौ आदमी जो सुभ संदेस सुनथै तौ युग की चिंताए और धन को लोभ सुभ संदेस कै दबाय देथै, और बौ आदमी फल न लाय पाथै।

यहूदा 1:11

उनके ताहीं कितनो भयानक है! काहैकि बे सब कैन की रहामैं चलीं, और बे पैसा के ताहीं बिलाम के तराहनी भूल कर बैठे। और बे कोरह के हानी बिरोध करकै खतम हुईगै।

2 पतरस 2:3

और लालच मैं जे झूठे गुरुजी तुमकै झूठ-मूठ की कहानियाँ बतायकै तुमसे फायदा उठांगे। भौत दिन से उनको न्याई मरगौ है, और उनको बिनास करन बारो पूरी तरह से जग्गौ है!

इफिसियों 4:22

जहे बजह से अपने पुराने चाल-चलन से छुटकै, जो तुमकै बौ तरीका से जिंदो करी जैसे कि तुम बौ पुराने चाल-चलन मैं चलत रहौ जो अपने धोकेबाज इच्छन से खतम होत रहै।

मर्कूस 4:19

और युग भर की फिकर, और धन को धोका, और चीजन को लालच उनमैं समाएकै बचन कै दबाय देथैं और बौ (फल नाय देन बारो) रह जाथै।

मत्ती 26:15

“अगर मैं बाकै तेरे हात पकड़वाए दियौं, तौ मोकै का देगो?” बौ बाकै तीस चाँदी के सिक्का तौल कै दै दई।

मत्ती 19:22

पर बौ ज्वान आदमी जौ बात कै सुनकै उदास हुईकै चलो गौ, काहैकि बौ भौत सेठ रहै।

2 तिमोथी 2:26

और जो-जो उनकै पकड़ी रहैं और उनकी इच्छा को पालन करी रहैं। फिरौंकी बे अपने होस मैं आंगे और सैतान के चाल से बच जांगे।

1 तिमोथी 1:9

जौ जरूर समके रहनो चाहिए, कि नियम अच्छे लोगन ताहीं नाय बनाए जाथैं, बल्किन नियम तोड़न बारेन ताहीं और अपराधिन के ताहीं, भक्तिहीन और पापिन के ताहीं, जो धार्मिक या आध्यात्मिक नाय हैं, और नियम उनके ताहीं बनाए जाथैं, जो अपने अईय्या दऊवा की हत्या करथैं, हत्यारेन ताहीं,

लूका 21:35

काहैकि जौ जार के तराहनी धरती मैं हर जघा सबै लोगन के ऊपर आए पड़ैगो।

मत्ती 6:19

“धरती मैं अपने ताहीं धन मत जोरौ, जहाँ कीरा और काई खतम कर देथैं, और चुट्टा चुराय लै जाथैं।

लूका 12:21

और ईसु उपाय निकारी, “ऐसोई बौ आदमी भी है जो अपने ताहीं धन बटोरथैं, पर परमेस्वर कि नजर मैं सेठ ना हैं।”

1 तिमोथी 6:10

काहैकि रुपईया को प्रेम तुमकै जे चीजन कै सिखानो और इनको प्रचार करनो चाहिए। तमान तरहन कि बुराइयन कि जड़ है, जोकै पान ताहीं कितने जनी बिस्वास से भटक कै अपने आपकै गजब तरहन के दुखन से उनको दिल टूट गौ है।

1 तिमोथी 6:17

जौ युग की सम्पत्ति बारेन कै हुकम दे कि बे घमंडी ना होमैं और बेकार के पैसन के ऊपर आस नाय रखैं, पर परमेस्वर के ऊपर आस रखौ जो हमरे सुख दुख के ताहीं सब कछु खूबै करकै देथै।

तीतुस 2:12

और हमैं जौ अनुग्रह चितौनी देथै, कि हम अभक्ति और सांसारिक अभिलासा से मन फेरकै जौ युग मैं संयम, धार्मिकता और भक्ति से सई जीवन बितामैं;