1 तिमोथी 6:11 - परमेस्वर को सच्चो वचन

¹¹ पर हे परमेस्वर के जन, तैं जे बातन से भाज; और न्यायीपन, भक्ति, बिस्वास, प्रेम, धीरज, और सोम्यता को पीछा कर।

राना थारु नयाँ नियम

¹¹ पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

1 तिमोथी 6:11 Referans Kwoze

2 तिमोथी 2:22

जवानी की अभिलासा से बचौ, और न्यायीपन, बिस्वास, प्रेम और सांति के ताहीं कोसिस करौ, बे लोगन के संग जो साफ मन से मदत के ताहीं प्रभु कै पुकारथैं।

2 तिमोथी 3:17

ताकी परमेस्वर की सेवा करन बारो आदमी पूरे तरीका से लायक और काबिल हुई सकै और सबै तरहन के अच्छे काम कर सकै।

1 तिमोथी 4:12

कोई तेरी जवानी कै मामूली ना समझ पाबै; पर बचन, चाल चलन, प्रेम, बिस्वास, और पवित्रता मैं विस्वासिन के ताहीं आदर्स बन जा।

हिब्रू 12:14

सबके संग सांति और निस्ठा से रहन की कोसिस करौ, और पवित्र जिंदगी जीन की कोसिस करौ, काहैकि जाके बिना कोई भी प्रभु कै नाय देख पागो।

1 कोरिन्थी 10:14

जहे बजह से, हे मेरे प्रिय जनौं, मूर्ति पूजा से बचे रहबौ।

1 पतरस 3:11

तुमकै बुराई से दूर रहनो चाहिए और अच्छो करनो चाहिए; तुम पूरे मन से सांति के ताहीं कोसिस करौ।

1 कोरिन्थी 6:18

व्यभिचार से बचे रहबौ और जित्ते पाप इंसान करथैं, बे सरीर के बहार हैं, लेकिन व्यभिचार करन बारो अपनेई सरीर के खिलाप पाप करथै।

1 तिमोथी 5:10

और अच्छे कामन के ताहीं एक इज्जत दार होबै: एक बईय्यर जो अपने बालकन कै अच्छी तरह से पाली, अपने घरै हितुअन कि सेवा आदर करी होबै, पवित्र लोगन के पाँव धोई होबै, और विस्वासिन की मेहमानदारी करी होबै, लोगन की परेसानी मैं मदत करी होबै, और उनके ताहीं अच्छो करन के ताहीं खुदकै सौंपी होबै।

1 कोरिन्थी 14:1

प्यार कि रहामैं चलत रहबौ, और आत्मिक वरदानन कि लौ मैं रहबौ; ताकि तुम खासकर भविस्यवाँड़ी करौ।

रोमियों 14:19

इसलै हम उन बातन मैं लगे रहमैं, जोसे सांति कै बढ़ावा मिलथै और जिनके जरिये हम एक-दूसरे को निर्माड़ कर सकैं।

1 तिमोथी 6:20

तीमुथियुस, जो तुमरी देखभार करन के ताहीं सौंपो गौ है, बाकी देखाभारी करे रखईयो, और अभक्ति और बुरी बातन से बचैं, और बेकार की बातन से बचैं जोकै कुछ लोग गलती से “ग्यान” समझथैं, उनसे बचैं।

1 तिमोथी 1:14

और हमरो प्रभु मेरे ऊपर अपनो अनुग्रह और करी और मोकै बिस्वास और प्रेम दई, जैसी ईसु मसीह मैं एक होन के नाते हमरो है।

2 तिमोथी 2:21

जो आदमी बे सब बुरी चीजन से खुदकै सपा करथैं, उनको इस्तमाल खास उद्देस्य के ताहीं करो जागो, काहैकि बे अपने गुरु के ताहीं समर्पित और उपयोगी हैं, हर अच्छे काम के ताहीं इस्तमाल होन के ताहीं तैयार हैं।

2 तिमोथी 3:10

लेकिन तैं मेरी सिक्छा, मेरे चाल-चलन और जिंदगी मैं मेरे उद्देस्य को पालन करो है; तैं मेरो बिस्वास, मेरो सबर, मेरो प्रेम और मेरी सहनसक्ति,