1 थेसलोनिकी 4:13 - परमेस्वर को सच्चो वचन

¹³ हमरे भईय्यौ और बहेनियौ, हम चाहथैं कि तुम बे लोगन के बारे मैं सच्चाई जानौ, जो मर चुके हैं, ताकी तुम दुखी ना होबौ, जिनकी कोई आसा ना है।

राना थारु नयाँ नियम

¹³ हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

1 थेसलोनिकी 4:13 Referans Kwoze

1 थेसलोनिकी 5:10

बौ हमरे ताहीं जौ बजह से मरो, कि हम चाँहे जिंदे रहैं, चाँहे मर गै होमैं, सब मिलकै बहे के संग जीमैं।

1 थेसलोनिकी 4:15

अब हम जो कुछ तुमकै सिखाए रै हैं, बौ प्रभु को उपदेस है: हम जो प्रभु के आन के दिन जिंदे हैं, बे मरन बारेन से अग्गु नाय होंगे।

इफिसियों 2:12

बौ समय तुम मसीह से अलग रहौ, तुम दुसरे देस के रहौ और परमेस्वर के चुने भै इस्राएली आदमिन से जुड़े भै ना रहौ। जो वादा को वाचा परमेस्वर बाके लोगन के संग करी रहै बामै तुमरो कोई भी हिस्सा नाय रहै, तुम ऐसी दुनिया मैं रहत रहौ जो आसाहीन और परमेस्वर हीन रहै।

2 पतरस 3:4

और कहमंगे, “जो बौ आन को वादा करी रहै, बौ कितै है? हमरे पुरखन की मौत हुई चुकी है, लेकिन दुनिया की सुरुवात के बाद से सब कुछ अभै भी बैसोई है!”

1 कोरिन्थी 15:6

फिरौंकी बौ पाँच सौ से जद्धे भईय्यन कै एक संग दिखाई दई, जिनमैं से निरे तौ हबै ले जिंदे हैं पर कुछ मर चुके हैं।

प्रेरित 7:60

फिरौंकी घुपटियाय कै ऊँची अबाज मैं चिल्लाई, “प्रभु! जौ पाप इनके ऊपर मत लगईये!” और जौ कहतै मर गौ।

2 कोरिन्थी 1:8

भईय्यौ और बहेनियौ, हम तुमकै याद दिबानो चाहथैं, आसिया के देस मैं हमैं जो परेसानी भइ रहैं। बे बोझ इतने भारी और सामर्थी रहैं कि हम जिंदे रहन कि सबै उमीद छोड़ दै।

1 कोरिन्थी 10:1

भईय्यौ और बहेनियौ, मैं नाय चाहथौं, कि तुम जौ बात से अनजान रहबौ, कि हमरे सब पुरखा जो मूसा के पच्छू हुई लई रहैं बादर की छाँईं मैं सफर करत रहैं, और लाल समुंदर के बीच से बौ पाँजर चले गै।

रोमियों 1:13

भईय्यौ और बहेनियौ, मैं नाय चाहथौं कि तुम जासे बेखबर रहबौ कि मैं, निरे बार तुमरे झोने आनो चाहो, कि जैसो मोकै दुसरे गैर यहूदि मैं बिस्वास रूपी फल मिलो, बैसिये तुम्हऊँ मैं मिलै, लेकिन हबै ले दिक्कतै आत गईं।

प्रेरित 13:36

काहैकि दाऊद अपने समय मैं परमेस्वर के उद्देस्यन की सेबा करी, और फिर बौ मर गौ, अपने पुरखन के संग दफनाओ गौ, और बाके सरीर कै कबर मैं रखो गौ।

यूहन्ना 11:24

मार्था बासे कही, “मैं जानथौं, आखरी दिन मैं दुबारा पुनरुत्थान के समय बौ जी उठैगो।”

2 पतरस 3:8

लेकिन एक बात मत भूलौ, मेरे प्रिय दोस्तौ! एक दिन और हजार साल के बीच प्रभु की नजर मैं कोई अंतर नाय है; बाके ताहीं सब एक जैसो है।

प्रेरित 8:2

कुछ धर्मप्रेमी लोग स्तिफनुस कै दफन कर दईं और बड़ा रोईं।

मत्ती 27:52

कबरैं खुल गईं, और परमेस्वर के तमान पवित्र आदमी जो सरीर मैं मर गै रहैं जिंदगी जीन के ताहीं उठ गै।

1 कोरिन्थी 12:1

भईय्यौ और बहेनियौ, मैं नाय चाहथौं कि तुम आत्मिक वरदानन के बारे मैं अनजान रहबौ।

इफिसियों 2:3

सच्ची मैं हम सबै उन्हईं के तराहनी रहैं और अपनी सरीर की इच्छा के हानी रहेत रहैं। बहे स्वभाव के मन की इच्छा के अनुसार चलत रहैं और दुसरेन के हानी स्वभाविक रीति से परमेस्वर के क्रोध के सिकार बने भै रहैं।

1 थेसलोनिकी 4:14

अगर हम बिस्वास करथैं, कि ईसु मरो, और जिंदो भी हुईगौ, तौ बैसिये परमेस्वर उनकै भी जो ईसु मैं सोए गै हैं, बहे के संग लै आगो।

1 थेसलोनिकी 5:6

इसलै हम दुसरेन के हानी सोत ना रहमैं, हमैं जगते और सांत होनो चाहिए।