VUAANA 9:34 - Northern Tepehuan Bible

³⁴ Daidi go judidiu itïtïdai aidï, —Aapi mos ïr soimaaxi buadamikana aidïxi abhiadïrï busai aapi. ¿Dukatai gïr maatïtulda ïrhidi aapi di?— itïtïdai. Dai bhodïrï aadaji ïgai go kïïrhi abhai judidiu kiupaigadïañdïrï.

Tepehuan Northern: Diuusi ñiooquidʌ utuducami oodamicʌdʌ

³⁴ Amaasi ʌgaa itʌtʌdai: ―Gʌdʌʌdʌ ʌʌmadu aapi ʌrsoimaasi ivuaadami dai vʌʌscʌrʌ aapi gʌrmaatʌtulda ʌlidi ―astʌtʌdai ʌjudidíu. Daidʌ quiidamacoga vuusaitu.

VUAANA 9:34 Referans Kwoze

VUAANA 9:22

Go bhaitï gukakamigadï judidiu ka bhaiduitadai ñoki sai mai maaki agaitadai oigaragai ix baan gukakagi judidiu kiupaigadïrï xorai pokaitadagi ix go Suxi ïgai daidi ïr Ga Tïanïdami ix makïdï nïnïratadai óídakami. Kaxkïdï go dïïdïdï go kïïrhi ïbhïiditadai go bhaitï gukakamigadï judidiu dai potïtïdai sai mai maatï xorai duadi maradï

VUAANA 9:2

Dai Suxi mamaatïrdamigadï itïtïdai go Suxi, —¿Mamaatïtuldiadami, borai ïgai dai soimaaxi dui ix kaxkïdï mai nïadami busai gobai? ¿Ïïgi gobai ix soimaaxi dui go dïïdïdï xio?— itïtïdai go mamaatïrdamigadï.

Lukas 18:17

Go arhi otoma buaboitudai tudu mai gïgïrdukïdï gïn ïrhiditai. Dai kaxkïdï kïïga gïn daadagitoi ïgai sai Diuxi tïanïna. Dai aanï aagai sai xorai mai pomaaxi tutiakagi mai biakamu oigaragai xi Diuxi tïanïdagi— itïtïdai.

Genesis 19:9

—Maigobai kïkiba— itïtïdai go kïkïïrhi kidigana gukakïdï. —No xibhïadïrï oidakami aapi dai aadïrï gïr tïanïda ïrhidi— itïtïdai. —Xibi gïïpi bamioma soi taadakamu aapi xi gobai gï dadidakami— itïtïdai. Dai bui surhi ïgai go Lot dai karhioga daitu agaitadai go kitaagiña.

3 Juan 1:9

Kaxi ojidi aanï go buaboitudadami ami xako oidaga aapi dai aagidi aanï sai soikïiña ïgai go ix makïdï Diuxi bïïtarï aatabuayi. Dïï gia go kïïrhi Diotrefe tïgidukami maiti ipïrhidi xi gïr ïïgiadagi. Arhiïxi ojidi ix gatïanïdagi ïgai go gaa buaboitudadami kaxkïdï.

1 Pedro 5:5

Dai aapimï uutu iimïdami, gï agai sai ïïgiada dai xadutuada aapimï go bhaitï gukakamigadï go buaboitudadami ïpï. Gï agai sai mai tïtïanïdami dukai gïn ïrhiadagi aapimï toma lïïchi dai bhaiyoma gï agai sai gïn soikïdagi aapimï aipakoga. Diuxi ojadï ikaiti sai, Buidïrï kaatï Diuxi go odami ix makïdï gïgïrdukïdï gïn ïrhiadagi. Dïï gia soikïi ïgai odami ix makïdï mai gïgïrdukïdï gïn ïrhidi, ikaiti Diuxi ojadï.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

Galatas 2:15

Dai potïtïdai aanï go Piduru ïpï, —Daiñi— antïtïdai aanï. —Asta aatïmï ix makïdï kïïgakïrï ïr judidiu gïr dïïdï amadïrï, asta aatïmï ïpï kïï bipiïyi Diuxi ïmadï ïpïan dukai go ix makïdï maiti ïr judidiu. Mos buaboitudaitai aatïmï Suxi Kristo tudu. Gobai gia ïr go bhai ïrhiaragai aatagi. Daiñi, tomarhi aatïmï judidiu tomarhi go gaa ix makïdï maiti ïr judidiu dai ix makïdï soimaaxi ibuadami aagaiña aatïmï tomarhi ïmadutai aatïmï mai kïï bipiïyi Diuxi ïmadï ïïgiditai go sïïrhikami— antïtïdai.

VUAANA 9:40

Dai ami darakatadai chïki fariseos ïpï dai potïtïdai ïgai Suxi, —¿Aatïmï pïx mai nïadami dukai gïr nïidi ïpï?— itïtïdai.

VUAANA 9:35

Daidi gokiïrï Suxi kajioma sai go judidiu go gïï kiupiañdïrï aadajitadai go kïïrhi ix makïdï Suxi duaditadai bupuidï. Dai go Suxi mïï gaa go kïïrhi dai tïïgakai itïtïdai, —¿Buaboitudai pïxi aapi ix makïdï kïïga odami busai?— itïtïdai.

VUAANA 8:41

—Dïï aapimï ibuayi ïpïandukai ïmai ix makïdï ïr gïn oga— itïtïdai. Dai go judidiu itïtïdai, —Maiti ïr totonadï aatïmï Diuxi— itïtïdai. —Diuxi ïr gïr oga di. Mai tipu ïmai— itïtïdai.

VUAANA 6:37

—Dïï gia oidaga jaa mui odami ix makïdï gin maa Diuxi gin Oga sai gin urabana dai ïgai gia kïïga gin buaboitudamu dai gin urabakamu dai aanï mai gajiadïrï biamu tomarhi ïmadutai ïgai.

Lukas 14:11

Dai pomaaxi aatabuayi Diuxi ïpï. Daiñi, Diuxi dumaltuda agai bïïxkatai ix makïdï tïka darakïdï gïn ïrhiadagi ïïgi dai ix makïdï dumarhi darakïdï gïn ïrhiadagi ïgai gia Diuxi tïkabioma darasamu— itïtïdai Suxi go gaa bapaidarxikïdï.

Lukas 11:45

Daidi ïmo kïïrhi tïtïgiadami sïïrhikami ix makïdï ami dakatadai mai bhai ïrhi kaïkatai ñokidï go Suxi daidi potïtïdai, —Aapi Suxi gïr mamaatïtuldiadamiga, arhiï galkaiti aapi gïr bui. Aatïmï ïpï gïr aagadankaiti aapi aagaitai go fariseos di— itïtïdai.

Lukas 6:22

—Gin aaduñi, kïïga bia aapimï ixtukïdï bhai gïn ïrhiadagi xïïxkadï gïn kïïdadagi odami gin urabakatai aapimï— itïtïdai. —Daiñi, odami maiti ipïldamu tomarhi xi gïn ñokiadagi dai gïn bhagaidadamu dai asta ïmo soimaaxi ñoki duu kaïkamu ïgai gïn tïtiaraga gin urabakatai aapimï.

Exodo 2:14

Daidi go gïitapadami itïtïdai, —Borai gï dáí aapi ïmo gïï gubukadagai biakami pïxi kaiti daidi tïanïdami dukai ïpï. Gin mua pïx agai ïpï ïpïan dukai go ix makïdï mua aapi go Ejipituana oidakami— itïtïdai. Daidi go Moises gï ïrhidi, —Kaxi bïïxkatai go óídakami máí sai mua aanï go Ejipituana oidakami— gï ïrhidi Moises dai duadimuka.

3 Juan 1:10

Dai kaxkïdï xïïxkadï amïka dibiagi aanï maaxiko aagamu aanï buitapi go gaa ix mai kïï ibuayi go Diotrefe. Soi gïr buididiña ïgai gïpiïrï gïr bupaitai dai aagaitai naana maaxi buirudagai gïr buidïrï tudu. Dai ïkobïrakoga maiti ipïrhidi ïgai xi miadïgidagi go buaboitudadami ix makïdï aipako gatïtïïgidi Diuxi ñokidï. Daidiña ïgai go buaboitudadami ami ix miadïgidagi go buaboitudadami xibhïadïrï óídakami ïpï. Dai daidiña ïgai ix makïdï soikïdagi go xibhïadïrï óídakami ïpï dai asta daidiña ix makïdï soikïdagi ix urabagi go buaboitudadami ïmpaiñdaradïrï. Sïïrhikïdï soimaaxi ibuayi go kïïrhi Diotrefe tudu.