VUAANA 8:46 - Northern Tepehuan Bible

⁴⁶ Daiñi, tomarhi ïmadutai aapimï mai bia ixtukïdï gïpiïrï gin bupadagi. Bïïxkïrï aagaiña aanï ix tumaxi ïr buaboi kaxkïdï. ¿Dai tuixi maiti ipïrhidi aapimï ix gin buaboitudagi tomaxi kïï sïïrhi aagai?

Tepehuan Northern: Diuusi ñiooquidʌ utuducami oodamicʌdʌ

⁴⁶ Tomali ʌmaadutai aapimʌ gʌnsaagida maitistutuidi isaagagi iñsaanʌ idui ʌmo istumaasi soimaasicami. Siʌʌscadʌ gʌnaagiada aanʌ istumaasi ʌrvaavoi, ¿tuimʌsi maitiñvaavoitudai aapimʌ?

VUAANA 8:46 Referans Kwoze

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.

VUAANA 14:30

Ka mai xii tïbïpi aatagadamu aanï gïn ïmadï xibi tudu. Ka karhioga dibia go Diabora ix makïdï gatïanïi tami oidigi daama. Ïgai mai bia gubukarhigai ix gin tïanïdagi

VUAANA 8:7

Dïï go kïkïïrhi apia galkaitimi taidi go Suxi kïkiba daidi potïtïdai, —Gï agai sai ïmadutai aapimï ix makïdï mai soimaaxi idui tomarhi ïmo imidagai ïpïga maiñagi go oki— itïtïdai.

Markos 11:31

Baidi go dudunukami mos aipako gïn aagidimi daidi ikaitimi, —¿Dukatai duna aidï aatïmï? Ix potïdagi aatïmï sai Diuxi otoi go Juan, go Suxi pobïr tïda antaada ïpï tïx tuixi aidï mai buaboitu.

1 Pedro 2:22

Suxi Kristo mai soimaaxi idui tomarhi ïmo imidagai. Dai mai buirumagi ïgai óídakami ïpï.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

VUAANA 18:37

Daidi go kaigi itïtïdai, —¿Aidï gia ïr buaboi saidi ïr ïmo Rey aapi?— itïtïdai. Dai go Suxi itïtïdai, —Ïjï, kïïga aagai aapi saidi ïr Rey aanï. Go maa bïïtarï tudu dibia aanï tami idi oidigi daama Rey iñagaitai— itïtïdai. —Ga maatïtulda iñagai aanï ix tumaxi ïr buaboi dai dibia. Dai odami ix makïdï ïïgida ïrhidiña ixtumaxi ïr buaboi kïïga ïïgida kaïkana gin ñoki— itïtïdai Suxi.

VUAANA 16:8

—Dai dibiakai Diuxi Ibhïgadï ïgai maatïtuldamu go gaa óídakami baika ixtumaxi. Maatïtuldamu ïgai óídakami sai kïïga maatïkana xorai ïr soimaaxi buadami dai xorai kïï buañixi ibhïadï dai xorai biaka agai gïgïbidaragai.

VUAANA 15:10

Ix gin ïïgiada aapimï aidï gia kïïga maatï taatamu aapimï xïï kïïga gïn oigïdai aanï aapimï. Aanï podukai oidaga ïpï Diuxi gin Oga ïmadï di. Aanï bïïxi aïkatïrï ïïgidiña gin Oga dai kïïga maatï taatakana ix ïgai gin oigïdai ïpï.

VUAANA 8:47

Ix Diuxi maamaradïkamudai aapimï aidï gia kïïga bhai ïrhiarakïdï kaïkamudai gin ñoki. Dïï aapimï mai kaïka ïrhidi, kaxkïdï kïïga maatiga maaxi sai maiti ïr Diuxi maamaradï aapimï— itïtïdai.