VUAANA 8:42 - Northern Tepehuan Bible

⁴² Daidi Suxi itïtïdai, —Cho daiñi— itïtïdai. —Ix buaboikïdï ïr Diuxi maamaradïkamudai aidï gia gin oigïadamudai aapimï. ¡Diuxiañdïrï dibia aanï di! Dai mai xu ix ïïgi gin bhai ïrhiarakïdï— itïtïdai. —Diuxi ïgai ix makïdï bhaigobai gin otoi tudu.

Tepehuan Northern: Diuusi ñiooquidʌ utuducami oodamicʌdʌ

⁴² Amaasi ʌSuusi itʌtʌdai: ―Issʌʌlicʌdʌ ʌrvaavoicamudai isDiuusi ʌrgʌnoogacamudai aidʌ gia aapimʌ giñoigʌadamudai. Diuusi giñootoi maisiu mosʌʌgi divia aanʌ.

VUAANA 8:42 Referans Kwoze

VUAANA 12:49

—Gin Oga tudu ïgai ix makïdï gin otoi dai gin aagidi ix tumaxi aagiada aanï. Mai ïïgi gin tïgibudagakïdï ñokai aanï tudu. Kaxkïdï odami gï agaitadai ix buaboitudagi gin ñoki.

VUAANA 14:10

—¿Maiti pïx tudu buaboitudai aapi ix gïr bïnaka aanï ïmadï gin Oga? Aanï mai ïïgi gin tïgibudagakïdï ñokai tudu. Bhaiyoma Diuxi aanïkïdï ibuayi aaduindadï gin ïmadï dakatai ïgai— itïtïdai. Dai bhodïrï Suxi maa ïmo ñoki go gaa mamaatïrdamigadï bïïtarï ïpï daidi potïtïdai,

VUAANA 17:8

Ga mamaatïturhiña aanï gin mamaatïrdamiga go baaxi maatïtuldaragai ix makïdï aapi gin aagidi tudu daidi kïïga ïïgida kaï ïgai. Ka máí ïgai ix aapi ïgai ix makïdï gin otoi mïkadïrï xako daja aapi. Ka kïïga buaboitudai ïgai gobai tudu— itïtïdai.

VUAANA 17:25

—Aapi gin Oga kïï sïïrhi aatabuayi dai go odami ix makïdï adaimïi ïïgi tïgibudadï mai maatï ix tuiga aapi dïï aanï gia kïïga gï maatï. Dai gin mamaatïrdamiga kïïga maatï sai aapi gin otoi.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

1 Juan 4:14

Dai aatïmï ïr nïijadami ix Diuxi gïr Oga otoi Maradï tami oidigi daama sai ïgai ïr kïïgakïrï bubaidadamikana bïïxi óídakami bïïtarï. Gobai aagidiña aatïmï óídakami tudu.

VUAANA 5:43

Daiñi, aanï dibia biakatai ïmo sïïrhikami gin Ogañdïrï dïï mos aapimï bïïxkïrï maiti gin buaboituda ïrhidi. Dïï gia ix dibiagi ïmai kïïrhi ïïgi gubukadadïkïdï mai biakatai tomarhi ïmo sïïrhikami Diuxiañdïrï, ïgai gia buaboitudamu aapimï.

1 Korintios 16:22

Dai aanï aagai sai xorai mai oigïdadagi Suxi Kristo sai ïkobai biïna ïgai Diuxiañdïrï. Gin susukurhi, nïnïraka aanï sai otoma dibiagi Suxi Kristo ïpamu.

VUAANA 3:17

Diuxi gin otoi oidigi daama mai xu sai aagana aanï ix tuma gïgïbituldaragai ajïga óídakami. Gin otoi ïgai bhaiyoma an sai kïïgakïrï bubaidana óídakami— itïtïdai Suxi.

VUAANA 5:23

Kaxkïdï ix xïïxi odami xadutudai Diuxi gin Oga, go kaxi gï agai ix gin xadutuadagi ïpï. Aanï ïr Diuxi Maradï tudu dai ïr Diuxi otosadï, kaxkïdï ix ïmo odami maiti gin xadutuadagi aidï gia ka mai xadutudai ïgai Diuxi gin Oga ïpï— itïtïdai.

Apokalipsis 22:1

Dai bhodïrï go tïañikarudï Diuxi gin tïïgi go aki ami go gïï kiikiïrï xako mïrai go sudagi ixtukïdï kïïgakïrï óídaga odami. Kïï buañixi go sudagi. Ïpïamaaxi bidrio kïï buañixikatai. Go gïï daikaruañdïrï mïrai gobai xako daja Diuxi ïmadï go Arhi Kañiru tïgidukïdï.

Galatas 4:4

Dïï gia Diuxi maiti ipïrhidi xi pipioñi dukai óídakagi aatïmï tomarhi xi ïr arhi dukaikagi ïpï. Kaxi ïr maamaradï aatïmï kaxkïdï. Ipïrhidi ïgai xi gïgïr odamikagi aatïmï tudu bai gïr maakana ïgai bïïxi ixtumaxi gïr ajïga maamaradïkatai aatïmï. Kaxkïdï ka aïkai ixtuigako Diuxi ipïrhi aidï bhai dui ïgai gïr bïïtarï xi ka bhaigakana aatïmï xi ka biakagi ixtumaxi gïr ajïga. Otoi ïgai Maradï tami oidigi daama tudu dai ïgai ïmo kïïrhi busai. Dai biakatadai ïgai xi ïïgiadagi go sïïrhikami

VUAANA 8:14

Dai Suxi potïtïdai aidï, —Namïga aba gin ñoki. Daiñi, kïïga maatï aanï sai tïbagiañdïrï dibia aanï dai sai ïpamu tïbagiamu imimu aanï kaxkïdï kïïga gï maatï saidi ïr buaboi gin ñoki tomaxi mosïkaxi ïïgi aanï aagai saidi ïr buaboi. Aapimï mai maatï xajadïrï busaikami aanï dai tomarhi xajako imïdami aanï dïï aanï gia maatï— itïtïdai.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

1 Juan 5:20

Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.