VUAANA 8:39 - Northern Tepehuan Bible

³⁹ Daidi go judidiu itïtïdai, —Go Abraamkaru ïr gia aatïmï gïr oga— itïtïdai. Daidi Suxi itïtïdai, —Ix buaboikïdï ïr Abraamkaru maamaradïkamudai aapimï aidï gia ïpïan ibuadamudai aapimï ïgai tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁹ Taidʌ ʌgai aa noragi daidʌ itʌtʌdai: ―Avraañicaru ʌrgʌraduñicaru ―tʌtʌdai ʌgai. Dʌmos ʌSuusi itʌtʌdai: ―Issʌʌlicʌdʌ ʌrvaavoi isaapimʌ ʌrAvraañicaru cajiudadʌcamudai aidʌ gia giñvaavoitudamudai aapimʌ ʌpan duucai Avraañicaru.

VUAANA 8:39 Referans Kwoze

Galatas 3:7

Kaxkïdï gï maatï sai odami ix makïdï ïpïan dukai buaboitudai go Abraamkaru buaboidaitai ixtumaxi gïr aagidi Diuxi, ïgai kïïgakïrï ïr piipixaradï dukami go Abraamkaru. Go Abraam tudu ïr ogadï dukami bïïxi buaboitudadami.

Romanos 9:7

Daiñi, Diuxi mai gajiadïrï bia go ñoki ix makïdï aagidi ïgai go Abraamkaru ïpï. Diuxi ka aagiditadai go Abraamkaru sai go Isaakaiñdïrï muida agai piipixaradï. Mosïkaxi go Isaak maamaradï kïïgakïrï ïr piipixaradï Abraamkaru kaxkïdï.

VUAANA 8:37

—Ka aagai aapimï saidi ïr Abraamkaru piipixaradï aapimï dai gobai ïr buaboi dïï tomaxi ïr piipixaradï aapimï ïgai bïïxkïrï gin mua ïrhidi aapimï mai ïïgida kaïkatai aapimï gin ñoki— itïtïdai.

Mataibo 5:45

Podukai maaxitudamu aapimï jaa buitapi sai buaboikïdï ïr maamaradï aapimï Diuxi gïn Oga ix makïdï tïbagiana daja. Ïgai gia kïïga buididi go buidïrï bïïtïkamigadï tudu. Ïpïan ïxi otosai ïgai tonorhi kïï tutiakami bïïtarï dai ix makïdï mai kïï tutiakami bïïtarï ïpï. Dai ïmadugan ïxi dukitudai ïgai go mai kïï tutiakami dai go kïï tutiakami ïpï— itïtïdai.

Mataibo 3:9

—Dai maiti abïr pokaitada ïpï sai gïn oigïldamu Diuxi piipixaradïkatai aapimï go Abraamkaru. Gobai maiti gïn soiñamu tudu— itïtïdaiña. Daiñi, kïï bhaiga Diuxi xi asta ojodaiñdïrï ibuadagi piipixaradï go Abraamkaru di. ¿Kaxkïdï dukatai po gïn ïrhidi aapimï sai gïn soiñamu piipixaradïkatai aapimï? Xadïrï gïn soiñana gobai sai maiti gïn aituldagi Diuxi gïgïbidaragai tudu— itïtïdaiña.

Galatas 3:29

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Romanos 4:16

Kaxkïdï gï agai xi buaboitudagi aatïmï Diuxi. Buaboitudakai aatïmï kïï maatï sai biakamu aatïmï ixtumaxi gïr aagidi Diuxi mos ïï kïï tuigakatai ïgai gïr bïïtarï. Kïï tuiga ïgai aatïmï gïr bïïtarï ix makïdï ïr piipixaradï go Abraamkaru tudu. Dai mai mosïkaxi Abraamkaru piipixaradï bïïtarï gobai ix makïdï aagai Diuxi tomaxi bia ïgai Diuxi sïïrhikamigadï. Bhaiyoma gobai ïr bïïtarï bïïxkatai ix makïdï buaboitudai ix dukatai buaboidaitadai Abraamkaru. Go Abraamkaru ïr ogadï bïïxkatai aatïmï ix makïdï buaboitudai tudu.

Romanos 4:12

Dai ogadï dukai bii Abraam odami bïïtarï ix makïdï gïn circuncido ïpï dïï mosïkaxi ix makïdï bia go baaxi buaboidaragai ix makïdï biakatadai go Abraamkaru aidï abhiadïrï xi mai kia circuncidadugatadai ïgai.

VUAANA 8:33

Daidi go judidiu itïtïdai, —¿Tuipïxi pokaiti sai bia aatïmï ïmo gïr amu ix makïdï pipioñi dukai gïr aaduintulda agai? Aatïmï ïr Abraamkaru piipixaradï di. Xadïrï pipioñi dukai gïr nïijadana jaa— itïtïdai.

VUAANA 8:43

¿Dai ix tuixi mai maatï kaï aapimï gin aatagi? Gïn aagidamu aanï ix tui. Mai bapakïi gin ñoki gïn momoïrï ix makïdï gïn aagidi aanï kaxkïdï mai maatï kaï aapimï.

VUAANA 8:56

—Daiñi, gïn pipiixarakaru Abraamkaru kïïga bhai ïrhiarakïdï nïnïratadai ix dibiagi aanï dai aidïxi dibia aanï kïï bhai gï ïrhidi— itïtïdai Suxi.