VUAANA 8:33 - Northern Tepehuan Bible

³³ Daidi go judidiu itïtïdai, —¿Tuipïxi pokaiti sai bia aatïmï ïmo gïr amu ix makïdï pipioñi dukai gïr aaduintulda agai? Aatïmï ïr Abraamkaru piipixaradï di. Xadïrï pipioñi dukai gïr nïijadana jaa— itïtïdai.

Tepehuan Northern: Diuusi ñiooquidʌ utuducami oodamicʌdʌ

³³ Tai ʌgai itʌtʌdai: ―Aatʌmʌ ʌrAvraañicaru cajiudadʌ. Dai tomali ʌmo imidagai maitʌrpipiooñigadʌcatadai tomali ʌmaadutai. ¿Ducatʌ caiti aapi iscamaitʌrpipiooñicamu aatʌmʌ? ―tʌtʌdai ʌgai.

VUAANA 8:33 Referans Kwoze

Mataibo 3:9

—Dai maiti abïr pokaitada ïpï sai gïn oigïldamu Diuxi piipixaradïkatai aapimï go Abraamkaru. Gobai maiti gïn soiñamu tudu— itïtïdaiña. Daiñi, kïï bhaiga Diuxi xi asta ojodaiñdïrï ibuadagi piipixaradï go Abraamkaru di. ¿Kaxkïdï dukatai po gïn ïrhidi aapimï sai gïn soiñamu piipixaradïkatai aapimï? Xadïrï gïn soiñana gobai sai maiti gïn aituldagi Diuxi gïgïbidaragai tudu— itïtïdaiña.

VUAANA 8:39

Daidi go judidiu itïtïdai, —Go Abraamkaru ïr gia aatïmï gïr oga— itïtïdai. Daidi Suxi itïtïdai, —Ix buaboikïdï ïr Abraamkaru maamaradïkamudai aapimï aidï gia ïpïan ibuadamudai aapimï ïgai tudu— itïtïdai.

VUAANA 8:37

—Ka aagai aapimï saidi ïr Abraamkaru piipixaradï aapimï dai gobai ïr buaboi dïï tomaxi ïr piipixaradï aapimï ïgai bïïxkïrï gin mua ïrhidi aapimï mai ïïgida kaïkatai aapimï gin ñoki— itïtïdai.

Genesis 15:13

Dai Gïr Nukadakami gï maaxitu ïgai buitapi daidi itïtïdai, —Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai.

VUAANA 19:25

Dai ami miadïrï go kuruxi kïakatadai go Suxi dïïdï dai dixikadï ïpï ïmadï ïmai oki Maria tïgidukami. Go Maria ïr go Kleopas oñigadïkatadai. Daidi ami kïakatadai go Maria Magdalena ïpï.

Lukas 3:8

—Gï agai bhaiyoma xi sïïrhi ibuada aapimï dai maaxitudagi ix bhai buaboikïdï ka ïma dukai gïn tïgito aapimï— itïtïdaiña. —Dai maiti abïr pokaitada ïpï sai maiti gïn ayimu go gïgïbidaragai pipiixaradïkatai aapimï go Abraamkaru. Daiñi, kïï bhaiga Diuxi xi asta ojodaiñdïrï ibuadagi piipixaradï go Abraamkaru di. ¿Kaxkïdï dukatai gïn soiñana piipixaradïkatai aapimï ? ¿Dukatai gïn soiñana gobai tudu sai maiti gïn aituldana Diuxi gïgïbidaragai?— itïtïdaiña.

VUAANA 8:43

¿Dai ix tuixi mai maatï kaï aapimï gin aatagi? Gïn aagidamu aanï ix tui. Mai bapakïi gin ñoki gïn momoïrï ix makïdï gïn aagidi aanï kaxkïdï mai maatï kaï aapimï.

Romanos 9:7

Daiñi, Diuxi mai gajiadïrï bia go ñoki ix makïdï aagidi ïgai go Abraamkaru ïpï. Diuxi ka aagiditadai go Abraamkaru sai go Isaakaiñdïrï muida agai piipixaradï. Mosïkaxi go Isaak maamaradï kïïgakïrï ïr piipixaradï Abraamkaru kaxkïdï.