VUAANA 7:7 - Northern Tepehuan Bible

⁷ —Mai tipu tudu ixtukïdï gïn kïïdadagi odami dïï aanï gia gin kïïdai ïgai. Maaxi aagaiña aanï xïïxi ïr soimaaxi ibuadami ïgai dai kaxkïdï gin kïïdai— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

⁷ Ʌoodami ismaacʌdʌ maivaavoitudai Diuusi maitʌncʌʌdai aapimʌ mosʌca aanʌ. Aanʌ aagidi saidʌ ʌrsoimaasi ivuaadami ʌgai cascʌdʌ.

VUAANA 7:7 Referans Kwoze

VUAANA 3:19

—Aanï ïr kudagi gï dukami tïtïgiditai odami ix tumaxi ïr buaboi. Dai ayi aanï tami oidigi daama dïï odami ibuadana soimaaxkami dai xioma ojoidiña ix ïxto biagi gïn soimaaxkamiga tukapiïrï dukai oidakatai. Mai ojoidi ïgai ix gï kudaidagi go soimaaxi ix makïdï ibuadana ïgai sai maaxikana. Bhaiyoma ïxto biaka ïrhidi ïgai gïn soimaaxkamiga. Kaxkïdï Diuxi gïgïbitulda agai ïgai.

Galatas 4:16

Aidï bhai gïn ïrhidiña aapimï ¿dai xibi ix tuixi ïmo gïn buidïrï kaatïkami dukai gin nïidi aapimï gïn aagiditai aanï ixtumaxi ïr buaboi?

1 Juan 4:5

Go tïtïïgiadami yaatagi ïgai mosïkaxi ïr oidigi daama óídakami maamaradï dai go oidigi daama óídakami tïgibudadïkïdï gamaamakai ïgai ñoki. Kaxkïdï muidutai go oidigi daama óídakami ojoidi ïgai ix kaïkagi.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.

VUAANA 17:14

Xibi kaxi gatïïgi aanï gï ñoki gin mamaatïrdamiga ix kaxkïdï go gaa kïïdai. Ka maiti ïr aaduñdï gobai go gaa xibi ix makïdï adaimïi ïïgi tïgibudadï kaxkïdï kïïdai go gaa. Xibi gin ïpïamaaxi gobai, aanï ïpï maiti ïr aaduñdï go gaa ix makïdï adaimïi ïïgi tïgibudadï— itïtïdai.

Romanos 8:7

Daiñi, Diuxi buidïrï bïïtï odami ix makïdï gïn tïgito ajiopai gïn ïkidadï tïgibudagai. Gïr ïkidadï tïgibudagai tomarhi ïmo imidagai mai ïïgidi Diuxi sïïrhikamigadï tudu. Maiti ixtutuidikïi gobai xi ïïgiadagi tudu.

Lukas 6:26

—Dai sogigi aapimï ix makïdï bïïxi go óídakami kïïga ñokadagi gïn bïïtarï. Daiñi, go óídakami ïïki kïïga ñokaiña bïïtarï go ix makïdï ñokituldiadamigadï Diuxi gïn aagaiña dai maiti ïr buaboikana. Ïgai mos bupuirumadaiña óídakami aagiditai mosïkaxi ixtumaxi kaïka ïrhiditadai óídakami. Dai xibi xi kïïga ñokadagi óídakami aapimï gïn bïïtarï ïpï gobai itïiya ïrhidi sai aapimï ïpï mos aagidimi odami mosïkaxi ixtumaxi kaïka ïrhidi dai mai xu xi ixtumaxi Diuxi ipïrhidi. Ix buaboikïdï tïtïgiadagi aapimï ñoki ixdukatai Diuxi ipïrhidi aidï gia xadïrï kïïga ñokaiña bïïxi odami gïn bïïtarï— itïtïdai.