VUAANA 6:66 - Northern Tepehuan Bible

⁶⁶ Daidi, muidutai go mamaatïrdamigadï go Suxi dagito ïgai aidï kaïkai go aatagi dai ka mai uraba bii.

Tepehuan Northern: Diuusi ñiooquidʌ utuducami oodamicʌdʌ

⁶⁶ Aidʌ abiaadʌrʌ muidutai ismaacʌdʌ oidatucuitadai ʌSuusi ʌcovai iji dai camaioidatucui ʌgai ʌSuusi.

VUAANA 6:66 Referans Kwoze

Lukas 9:62

Daidi Suxi aagidi ïmo maaxidaragai daidi potïtïdai, —Xi ïmo odami ajako nïñiadagi gaxikuanaitai ïgai maiti ïr soiñikamu xikuanaragai bïïtarï. Dai pomaaxi ïpï xorai gin oijada agadagi dai gokiïrï ajako nïnïnadan buadagi buamï ïrhiditai gokïdï ix makïdï ka dagito ïgai. Ïgai maiti ïr ajïakami xi Diuxi tïanïdagi ïgai bïïtarï— itïtïdai.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.

Hebreos 10:38

Dai gin aaduñi ix makïdï buañixi iibhïadï gin buaboitudadamu dai podukai kïïgakïrï óídakamu. Dïï gia ix makïdï ka maiti ipïrhiadagi ix gin buaboitudagi, ïgaikïdï gia mai bhai gin ïrhiadamu aanï, ikaiti Diuxi ñokidïrï.

VUAANA 6:60

Daidi mui mamaatïrdamigadï Suxi ikaiti kaïkai aatagidï, —Arhiï xijaigan kaiti aatagidï. ¿Dukatai buaboitudana ïmoko?— ikaitiña.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

VUAANA 8:31

Bhodïrï Suxi aatagidi go judidiu ix makïdï buaboitudai daidi potïtïdai, —Ix mos apia ïïgiadagi aapimï gobai ix makïdï gïn aagidi aanï, aidï gia buaboikïdï ïr gin mamaatïrdamigaka agai aapimï

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

Mataibo 19:22

Dai soi gïrhi go kïïrhi kaïkai ix kaiti go Suxi maigobai jii abhiadïrï. Kïïga gï bidakatadai ïgai tudu dai maiti ipïrhidi xi gamaakadagi buxtuidadï go soititigami bïïtarï.

VUAANA 6:64

Dïï ïïmadutai aapimï maiti gin buaboitudai tomax dukai— itïtïdai. Potïtïdai Suxi tudu kïïga maatïkatai xorai ïgai dai mai buaboituda agaitadai. Dai maatïkatadai ïpï ix makïdï odami ïgai dai gatïïgida agai ïgai.

VUAANA 2:2

Dai Suxi ïmadï go bhaibuxtama dan goka mamaatïrdamigadï bapaidarxikatadai dai iji ïpï.

VUAANA 7:3

baidi susukurhidï Suxi aagidi sai gï agaitadai ix imia ïgai gamoko. Itïtïdai ïgai go Suxi, —Maiti gï agai ix mosïkaxi tanai Galileïrï biiyagi aapi. Imiñi Judeamu bhaiyoma bai gï mamaatïrdamiga nïijadana ibuadatai aapi naana maaxi maaxidaragai gupukami.