VUAANA 6:52 - Northern Tepehuan Bible

⁵² Dai go judidiu aipako gïn tïkakai daidi ikaiti, —¿Dukatai gatïïgidana gobai ïïgi tukugadï sai ugana aatïmï?— ikaiti.

Tepehuan Northern: Diuusi ñiooquidʌ utuducami oodamicʌdʌ

⁵² Amaasi ʌjudidíu gʌnaatagidimi aipacoga daidi pocaiti: ―¿Ducatʌ istutuidi goovai isgʌrbiidagi gʌtuucuga tʌsai uugana? ―caiti ʌjudidíu.

VUAANA 6:52 Referans Kwoze

VUAANA 10:19

Daidi go judidiu ïpamu aipako gïn bupui ñiño kaïkai ñokidï Suxi.

VUAANA 9:16

Dai ïmo ibhïxtaragai tasïrï duaditadai Suxi go kïïrhi ix kaxkïdï ïïmoko go fariseos ikaititadai sai go Suxi mai xadutudai go ibhïxtaragai tasai daidi ikaiti, —Mai xadutudai gobai go ibhïxtaragai tasai di. Xadïrï ïr Diuxi otosadïkana gobai— ikaiti ïïmoko. Dïï gia jaa ikaitiña, —Ïmo soimaaxi buadami xadïrï pomaaxi iduna maaxidaragai ix makïdï ibuayi Suxi ix makïdï abogiama Diuxi ixtutuidikïi ix ibuadagi— ikaitiña. Daidi gïn bupui ñokadan kaitiña go fariseos. Ïïmoko ïmo dukai aagaiña dai jaa ïma dukai.

VUAANA 6:41

Daidi go judidiu bui ñiño go Suxi mos potïkai ïgai saidi ïr go pan ix makïdï tïbagiañdïrï dibia.

1 Korintios 2:14

Dïï go gaa odami ix makïdï mai bia Diuxi Ibhïadï mai maatï kaïkana gïr aatagi. Buirudagai dukai kaïkana ïgai bhaiyoma. Mosïkaxi go odami ix makïdï biakagi Diuxi Ibhïadï bhaiga ix maatï kaïkagi maatïtuldaradï Diuxi Ibhïadï.

Hechos 17:32

Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

VUAANA 4:11

Dai go oki itïtïdai, —¿Dukatai bhïna aapi sudagi daidi gin oidana?— itïtïdai. —Mai bia aapi ixtukïdï busaidagi dai kïï tukabaga go poso bïïxi. Xadïrï ixtutuidïna aapi ix bhïiyagi sudagi daidi gin oidagi— itïtïdai. —¿Dai baadïrï gin oidana aapi sudagi ix makïdï kïïga duduakaturhi odami?— itïtïdai.

VUAANA 3:9

Daidi Nikodemo itïtïdai, —Mai xii kïï maatï kaï aanï gï aatagi aapi Suxi. ¿Dukatai gï utudutuldana ïmo odami ibhïadï?— itïtïdai.

VUAANA 3:4

Daidi go Nikodemo itïtïdai, —¿Dukatai ixtutuidiña ïmoko ix ïpamu utudui busiagi ka kïrhitukai?— itïtïdai. —Xadïrï baakïna ïmoko dïïdï ïrana dai ïpamu busaiña— itïtïdai.

VUAANA 1:19

Ïmo imidagai go fariseos Jerusalenïrï óídakami gatïkaka ïrhiditadai go Juan as tuma sïïrhikami biakami ïgai. Ga tïkaka ïrhiditadai dai otoi dadaxdadami ïmadï ïpï jaa kiupiïrï aatabuadami sai mïï gatïkakana. Dai go ix makïdï iji dai gatïkaka agai bïïxkatai ïr go Lebikaru pipiixaradïkatadai. Daidi itïtïdai ïgai go Juan, —¿Borai aapi dai ix tuma sïïrhikami biakami aapi?— itïtïdai.

VUAANA 6:60

Daidi mui mamaatïrdamigadï Suxi ikaiti kaïkai aatagidï, —Arhiï xijaigan kaiti aatagidï. ¿Dukatai buaboitudana ïmoko?— ikaitiña.