VUAANA 5:25 - Northern Tepehuan Bible

²⁵ Dai Suxi oi aatagidï dai itïtïdai ïpï, —Kïïga abïr gïn tïgito kaïka idi ñoki. Daiñi, aanï ïr Diuxi Maradï dai aanï aagai sai ayimu ix tuigako kaïka agai go koidadï ix ñokada aanï dai duduaka agai. Dai xibi aanï aagai sai ka ayi gobai.

Tepehuan Northern: Diuusi ñiooquidʌ utuducami oodamicʌdʌ

²⁵ Aanʌ anʌrDiuusi maradʌ ismaacʌdʌ tʌvai tʌvaagiaiñdʌrʌ. Dai aanʌ angʌnaagidi sai caaayi istuigaco ʌsoimaasi ivuaadami caʌca agai giññiooqui. Dai sioorʌ giñʌʌgiditai caʌcagi aanʌ cʌʌgacʌrʌ vuvaidamu dai tomastuigaco oidacamu ʌgai Diuusi ʌʌmadu.

VUAANA 5:25 Referans Kwoze

VUAANA 5:28

—Kïïga abïr gïn tïgito kaïka gin ñoki— itïtïdai. —Daiñi, ayimu ixtuigako bïïxi koidadï bubuakimu abhiadïrï xako yaasapi mos in kaïkai ix ñokada aanï. Dai ix makïdï kïïga idui kïïgakïrï óídaka agai duduakakai. Dïï gia ix makïdï mai kïïga idui taata agai go gïgïbidaragai— itïtïdai.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

VUAANA 4:23

—Gin tïkakai aapi ix dukatai ïr kïïga ix xadutuada odami Diuxi. Daiñi, Diuxi ïr ïï ibhïdagai, ïbïrhi gï dukami ïgai tudu dai kaxkïdï ipïrhidi ïgai ix odami kïïga xadutuadagi gïn ibhïdagakïdï. Dai ka miadaimi ixtuigako Diuxi Ibhïgadï maakimu tïgibudagai odami dai maatïtuldamu ix dukatai xadutuada ïgai Diuxi dai bïïxi odami ix makïdï kïïgakïrï xadutuada ïrhidi kïïga ïïgiadamu Diuxi Ibhïgadï. Diuxi ipïrhidi ix podukai xadutuadagi odami ïgai tudu, ïïgiditai Diuxi Ibhïgadï. Dai aanï aagai sai xibi ka ayi ix tuigako odami kïïga ïïgiadamu Diuxi Ibhïgadï dai podukai buaboikïdï xadutuadamu Diuxi— itïtïdai.

Apokalipsis 3:1

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Sardixiïrï ïpï. Dai adukai ojida aapi, Aanï gin ïmadï daja bïïxi gubukarhigadï Diuxi Ibhïadï gin ïmadï dajatai ïgai. Dai aanï ïgai dai dagïka go kubarakami xixabugai ïpï. Dai pokaiti aanï sai maatï aanï bïïxi ixtumaxi ibuayi aapimï. Maatï aanï sai jaa pobïnïrhidi sai kïïgakïrï gin oijadaimi aapimï. Dïï tomaxi ïr buaboi saidi ïr buaboitudadami aapimï bïïxkïrï mai kïïga gin oijadaimï aapimï. Mai kïïgakïrï duduakakami duu óídaga aapimï tudu.

VUAANA 8:47

Ix Diuxi maamaradïkamudai aapimï aidï gia kïïga bhai ïrhiarakïdï kaïkamudai gin ñoki. Dïï aapimï mai kaïka ïrhidi, kaxkïdï kïïga maatiga maaxi sai maiti ïr Diuxi maamaradï aapimï— itïtïdai.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

Efesios 2:1

Ïkioma ïr koidadïkana gïn iibhïdaga soimaaxi buadatai aapimï. Mai ïïgidiña aapimï Diuxi kaxkïdï.

Romanos 6:4

Dai podukai ïpï aatïmï gïr yaasatu ïpï ïgai ïmadï mos bïïnakai ïgai. Koi aatïmï ïgai ïmadï dai Diuxi Gïr Oga gïr duakaturhi ïpï ïpïan dukai ixdukai duakaturhi ïgai Suxi Kristo mos ïï gubuakatai ïgai. Podui ïgai xi podukai utudutudagi gïr oidakaragai xibi.

VUAANA 8:43

¿Dai ix tuixi mai maatï kaï aapimï gin aatagi? Gïn aagidamu aanï ix tui. Mai bapakïi gin ñoki gïn momoïrï ix makïdï gïn aagidi aanï kaxkïdï mai maatï kaï aapimï.

VUAANA 5:21

—Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 9:60

Daidi Suxi potïtïdai, —Dagitoñi sai ix makïdï koidadï gïn duduna iibhïadï sai ïgai yaasana aaduñdï xïxkadï koiyagi. Aapi kïïrhi ix gin oijada ïrhiada aapi gï agai gï agai xi aipako aagadagi xïï kïïga gatïanïi Diuxi— itïtïdai.

VUAANA 4:21

Daidi Suxi itïtïdai, —Kïïga tïgito kaïka idi ñoki. Daiñi, ayimu ix tuigako odami xadutuadamu Diuxi gïr Oga bïïxi aipakoga dai mai xu mosïkaxi tanai Samarhiïrï ïmadï mïï Jerusalenïrï.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

VUAANA 17:1

Dai taiyakoga nïnïaba Suxi tïbagiamakoga ka kugaidakai aatagidï daidi itïtïdai ïgai Diuxi, —Gin Oga, ka ayi ix tuigako soimaaxi taatagi aanï dai mukiagi— itïtïdai. —Gï maara aanï dai xibi ipïrhidi aanï ix gamaaxitudagi aapi odami buitapi xïïxi ïr gïdukami aanï mukukai aanï, nai aanï maaxituldagi xïïxi ïr gïdukami aapi ïpï.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 6:60

Daidi mui mamaatïrdamigadï Suxi ikaiti kaïkai aatagidï, —Arhiï xijaigan kaiti aatagidï. ¿Dukatai buaboitudana ïmoko?— ikaitiña.

VUAANA 9:27

Dai go kïïrhi itïtïdai, —Kaxi gïn aagidi aanï. ¿Tuixi maiti gin kaï aapimï? ¿Ix tuixidï ipïrhidi aapimï ix gïn aagidagi aanï ïpamu? ¿Aapimï mïx tudu ïpï buaboituda ïrhidi dai oijada ïrhidi?— itïtïdai.