VUAANA 4:48 - Northern Tepehuan Bible

⁴⁸ Dai Suxi itïtïdai go dunukami, —Aapimï mai buaboitudai ix mai ïpïgioma nïijadagi maaxidaragai maaxi ix makïdï ïïgi Diuxi ibuayi. Ïbogiami podukai buaboituda antaada aapimï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁸ Amaasi ʌSuusi itʌtʌdai ʌoodami: ―Aapimʌ maivaavoitudai ismainʌijadagi ʌmo istumaasi gʌducami ismaacʌdʌ ivuaadagi aanʌ ―tʌtʌdai ʌSuusi.

VUAANA 4:48 Referans Kwoze

VUAANA 20:29

Daidi go Suxi itïtïdai go Tomás, —Xibi gia gin buaboitudai aapi gin nïiditai. Dïï gia gïïpi bamioma bia bhai ïrhiaragai go odami ix makïdï gin buaboitudai mai kia gin nïiditai— itïtïdai.

1 Korintios 1:22

Dai go Judidiu pomaaxi ïpï dai mai buaboitudai. Ïgai nïida ïrhidiña naana maaxi maaxidaragai. Ïma dukai mai buaboitudai ïgai. Kaxkïdï mai namïakan dukai nïidi ïgai go bhai ïrhiaragai aatagi. Dai go odami ix makïdï maiti ïr judidiu kaïka ïrhidiña aatagi ix makïdï ïr odami tïgibudadï kïï sastudakami.

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

VUAANA 12:37

Dai tomaxi Suxi iduitadai mui maaxidaragai oidakami buitapi bïïxkïrï go odami maiti ipïrhi ix buaboitudagi.

2 Korintios 12:12

Aidïxi gïn ïmadï dakatadai aanï baasïkioma kïïga gin mamaaxiditadai aanï sai ïr otosadï aanï Suxi Kristo tudu. Kïïga mai ojodatai aatabuadana aanï aidï tudu daidi ibuadana naana maaxi maaxidaragai ix makïdï odami ïïgi maiti ixtutuidikïi xi ibuadagi. Kïïga xigian buadana aanï ibuadatai gin aaduindaga tudu ibuadatai aanï naana maaxi ix makïdï ïbogiami Diuxi gubukarhigadïkïdï ixtutuidi ïmoko xi ibuadagi.

Romanos 15:19

Suxi Kristo ïgai dai podukai aatadui saidi Diuxi Ibhïadï gubukarhigakïdï ibuadana aanï naana maaxi maaxidaragai ix makïdï ïïgi Diuxi ixtutuidikïi xi buadagi. Podukai Diuxi Ibhïadï gubukarhigakïdï kïïga aagidi aanï Diuxi ñokidï bïïxi óídakami aipakoga. Jerusalenïrï gin aaga aanï dai bïïxi aipako aiturhi aanï go bhai ïrhiaragai aatagi aagaitai go Kristo asta mïï Ilirikana ukami.

Hechos 14:3

Kaxkïdï go Pabora ïmadï Bernabe anaaxi bii bhai tïbïpi. Dai mai duduadikuitai ñokaiña Gïr Nukadakami bïïtarï. Aagaiña ïgai soiñigadï Diuxi ix makïdï urhiñdimi ïgai odami. Dai Diuxi maa gubukadagai saidi ibuadana ïgai naana maaxi ix makïdï ïïgi Diuxi ibuayi. Podukai Diuxi tïtïgidi odami xi ïr buaboi ñokidï Pabora ïmadï Bernabe.

Markos 13:22

—Dai dadimu jaa ïpï daidi tïimu saidi ïr Diuxi otosadï daidi ïr gïn bhaitï kïakamiga. Dai jaa tïimu saidi ïr aituldadami Diuxi ñokidï odami buitapi ïpï. Naana maaxi iduñimu ïgai ix makïdï odami ïïgi xadïrï ixtuidana dai podukai maaxituda agai xïï gupuka ïgai. Podukai buirumada agai mui odami. Dai asta go ix makïdï Diuxi ïko bubaitu katoma buaboituda agai ïpï dïï ïgai gia xadïrï gïn buirumadana go yaatabogami.

Mataibo 24:24

—Dai dadimu jaa ïpï daidi potïimu saidi ïgai ïr go otosadï Diuxi ix makïdï nïnïraka go judidiu dai jaa potïimu ïpï saidi ïr ñokituldiadamigadï Diuxi. Naana maaxi buirumadaragai iduñimu ïgai ix makïdï odami ïïgi maiti ixtutuidiña xi ibuadagi dai podukai maaxituda agai xïï gupuka ïgai. Podukai bupuirumada agai ïgai mui odami. Dai asta ix makïdï Diuxi ka ïko bubaitu katoma buaboituda agai ïpï— itïtïdai.

Hechos 2:43

Dai Diuxi soikïiña go ojotosadï Suxi bai ïgai ibuadana naana maaxi ix makïdï ïïgi Diuxi ixtutuidi xi buadagi. Dai odami bïïxkatai ka mos duduadimukan taadakana nïiditai.

VUAANA 2:18

Daidi go judidiu ñokidi go Suxi daidi itïtïdai, —¿Tuma sïïrhikami bia aapi dai pomaaxi gatïanïdan buayi aapi go gïï kiupiïrï?— itïtïdai. —Gïr tïïgidañi ïmo maaxidaragai ix maatïka aatïmï ix bhai Diuxi gï maa sïïrhikami ix pomaaxi buadagi— itïtïdai.

Lukas 16:31

Dïï mos go Abraamkaru potïtïdai, —Ix mai ïïgiada ïgai ojadï go Moiseskaru ïmadï ojadï go ñiñokituldiadamigadï Diuxi aidï gia xadïrï ïïgidana ïgai ñokidï ïmoko ix makïdï gï duakatudagi koidadï saagidañdïrï ïpï— itïtïdai. Potïtïdai Suxi go fariseos ïmo maaxidaragai aatagikïdï tudu.

2 Tesalonicenses 2:9

Dïï gia mai kia mukukai go adaama soimaaxi buadami gaataduñimu ïgai go diabora gubukarhigadïkïdï dai iduñimu naana maaxi maaxidaragai ix makïdï odami maiti ixtutuidikïi xi buadagi. Podukai bupuirumadamu ïgai mui odami.

Hechos 15:12

Dai go gaa ix makïdï ami darajatadai mos dodorhi bii daidi kaïkatai aatagidi go Pabora ïmadï Bernabe. Aatagiditadai sai Diuxi gïn maatadai gubukadagai xi ïgai buadana naana maaxi maaxidaragai mïï xako óídaga go ix makïdï maiti ïr judidiu. Ibuadana ïgai maaxidaragai ami ix makïdï ïïgi Diuxi ixtutuidi xi buadagi.

Hechos 7:36

Dai gokiïrï go Moises bubaitu gïr aaduñikaru Ejiptuañdïrï dai idui naana maaxi maaxidaragai Diuxi gubukadadïkïdï. Naana maaxi idui ïgai Ejipituana ix makïdï ïïgi Diuxi bhaiga xi ibuadagi dai go gïï sudagi bïgikïdïana ïpï. Dai gokiïrï apia kia pobuadana ïgai gokobhai umigi ajiopaitai gïr aaduñi oidigana xako mai tipu óídakami.

Hechos 6:8

Diuxi kïïga maakaiña gubukadagai go Tibañi xi ïgai ibuadana naana maaxi ixtumaxi odami buitapi ix makïdï ïïgi Diuxi ixtutuidi xi buadagi.

Hechos 5:12

Dai Diuxi soikïiña go ojotoxikami saidi ïgai ibuadana naana maaxi ixtumaxi odami saagida ix makïdï ïïgi Diuxi ixtutuidikïi xi buadagi. Dai mos ïmo gïn aadunumïkana go buaboitudadami dai gïn ïmpaidiña go gïï kiupiïrï xako Salomón Portarhigadïrï tïgidu.

Hechos 4:30

Daidi ikaiti ïgai ïpï, —Gïr soiñañi xibi gï otosa Suxi Kristo gubukadadïkïdï daidi duayda aapi kokokoñiadï dai ibuada maaxidaragai maaxi ix makïdï ïïgi aapi ibuayi dai podukai gïr tïïgidañi ix xïï gubuka aapi— ikaiti buaboitudadami daanïitai Diuxi.

Hechos 2:19

Dai tïkabi tïbagiana ïmadï tami dumarhi dïbïrapi iduñimu aanï naana maaxi ixtumaxi ix makïdï ïïgi bhaiga aanï xi duñagi. Dai odami tïïgimu gïïpi ïrai dai táí ïmadï kubhuxi.

Lukas 10:18

Dai Suxi potïtïdai, —Ïjï, pomaaxi aba. Bia aapimï gubukarhigai xi maitiagi go diabora. Nïidi aanï xi gïi go diabora tïbagiañdïrï tudu ïmo dukudami dukai. Dai xibi gïn maa aanï gubukarhigai xi maitiagi aapimï.

Mataibo 27:42

—Kïïgakïrï as bubaitu gobai mui odami dïï gia maiti ixtutuidikïi ïgai xi ïïgi kïïgakïrï gï busaidagi— ikaitiña. —Gobai as ïr reygadï go judidiu ix makïdï óídaga tami Israelïrï tudu. Tï nïida xibi sa bhai tïbanïna kuruxiañdïrï. Aidï gia buaboituda antaada aatïmï— ikaitiña.

Mataibo 16:1

Daidi ïmo imidagai iji chïki fariseos ïmadï saduseos dai mïï nïidi ïgai go Suxi. Dai gïpiïrï daituda ïrhiditadai ïgai go Suxi dai aagidi saidi iduna ïmo maaxidaragai Diuxi gubukarhigadïkïdï sa bhai iduna. Po ïrhiditadai ïgai sai maiti ixtuidimu Suxi xi ibuadagi tudu.

VUAANA 4:49

Daidi go dunukami itïtïdai, —Gin tïanïdamiga, gin oigïdakai otoma mïï nïida gin maara. Tadu muu ïgai mai kia aïkai aapi— itïtïdai.