VUAANA 4:19 - Northern Tepehuan Bible

¹⁹ Daidi go oki mos kaïkai ix tïtïdai Suxi sai bhodïrï itïtïdai, —Kïïga maatï aapi ix tumaxi tomaxi mai aagagi odami. Ïmo aagadami Diuxi ñokidï ïrhi aanï aapi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁹ Moscaʌ gomaasi ʌooqui daidʌ tʌtʌdai: ―Aapi sʌʌlicʌdʌ ʌrʌmo Diuusi ñiooquituldiadamigadʌ.

VUAANA 4:19 Referans Kwoze

VUAANA 6:14

Daidi go odami ikaiti nïiditai go maaxidaragai ix makïdï iduitadai Suxi, —Idi gia ïr go aagadami Diuxi ñokidï ïrhi aanï ix makïdï dibiagaitadai, ix makïdï Diuxi ojadï aagai tudu— ikaiti odami.

Lukas 7:39

Daidi go fariseo ix makïdï gabaitadai go Suxi gï tïgito nïidi ix maaxi iduitadai go oki ami daidi po gï ïrhidi sai, —Xi buaboikïdï ïr ïmo ñokituldiadamigadïkamudai go Suxi Diuxi aidï gia maatïkamudai gobai ix tuiga go oki ix makïdï taata. Maatïkamudai gobai saidi ïr ïmo soimaaxi ibuadami kïkïïrhmïrhiakamikatai gobai— as ïrhidi go fariseo.

VUAANA 9:17

Daidi ïpamu tïkaka ïgai go kïïrhi ix makïdï gï duaditu bupuidï dai potïtïdai, —¿Aapia borai ïrhidi go ix makïdï gï duadi?— itïtïdai go fariseos. —Ïmo aagadami Diuxi ñokidï ïrhi aanï ïgai— itïtïdai go kïïrhi.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

VUAANA 7:40

Kïïga muidukatadai odami ami aidï dai ïïmoko ikaitiña, —Idi gia ïr buaboi ix ïr go Aagadami Diuxi Ñokidï ix makïdï nïnïrakana aatïmï ïïki abhiadïrï— ikaitiña.

Mataibo 21:11

Dai jaa ikaititadai, —Gobai ïr go Suxi. Ïmo ñokituldiadamigadï Diuxi gobai. Nasaretañdïrï oidakami gobai ix makïdï Galilea munisipiïrï bipiïyi— ikaititadai ïgai.

Lukas 24:19

—¿Tuma aagai aapimï?— itïtïdai Suxi. Dai go kïkïïrhi potïtïdai, —Aagai aatïmï ix dukatai pogïdui Suxi go Nasaretañdïrï oidakïdï. Diuxi dai odami kïïgakïrï nïidiña ïgai ïmo ñokituldiadamigadïkatai ïgai Diuxi. Kïï gubuakami dukai aatabuadana ïgai dai kïïga ñokaiña tudu.

VUAANA 4:29

—Mïïka abïr nïida ïmo kïïrhi ix makïdï bïïxi gin aagidi ixtuma buadana aanï maiti gin maatïkatai. ¿Idi ix tudu ïr go Ga Tïanïdami?— itïtïdai ïgai go óídakami.

VUAANA 4:18

—Taamadu go kïkïïrhi ix makïdï ïmadï bii aapi. Muiyoko gï kukunta aapi di. Dai xibi go kïïrhi ix makïdï ïmadï daja aapi maiti ïr gï kuna— itïtïdai.