VUAANA 21:17 - Northern Tepehuan Bible

¹⁷ Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁷ Tai ʌpamu tʌcacai ʌSuusi ʌPiiduru daidʌ itʌtʌdai: ―Simuñi, Joonasi maradʌ, ¿giñoigʌdaipʌsi aapi? ―tʌtʌdai ʌSuusi. Taidʌ soigʌʌli ʌPiiduru catʌcacaitai ʌSuusi vaicojo isbai oigʌdai ʌgai daidʌ itʌtʌdai: ―Giñbaitʌcʌaacamiga cʌʌ maatʌ vʌʌsi istumaasi. Cʌʌ maatʌ aapi iñsaanʌ gʌoigʌdai ―tʌtʌdai ʌPiiduru. Taidʌ ʌSuusi itʌtʌdai: ―Aidʌ gia nuucadacañi aapi ʌgai ismaacʌdʌ giñvaavoitudai.

VUAANA 21:17 Referans Kwoze

VUAANA 13:38

Dai Suxi itïtïdai aidï, —Kïïga maatï aanï sai mai bhai gï duu aapi ix gï muatudagi gin bïïtarï— itïtïdai. —Daiñi, bhaiyoma, aanï aagai sai mai kia kukujukai baikojo go takuku potïi agai aapi pïsai maiti gin maatï— itïtïdai.

Markos 14:72

Mos potïi ïgai tai ïpïpï kujui go takuku dai tïgito go Piduru xi Suxi ïkiaxdïrï potïtïdai ïgai, —Piduru, mai kia gokoaja kujukai go takuku pai aapi baikojo potïimu ix maiti gin maatï aapi— itïi go Suxi ïkiaxdïrï. Dai go Piduru tïïtïitoi ix ka yaata ïgai aagaitai ix mai maatï go Suxi dai kabami suakai.

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.

Efesios 4:30

Maiti abïr soi ïrhiatuldada Diuxi Ibhïadï gïn oidakaragakïdï tudu. Diuxi Ibhïadï ïr Diuxi tïpakarudï dukai ix makïdï gïn daxi Diuxi bai gï maatïkana kïïga xi ayimu ixtuigako buiya ragai bïïxi ixtumaxi gïr aagidi Diuxi sai gïr maaki agai kïïgakïrï bubuakïkai aatïmï. Kaxkïdï abïr mai soi ïrhiatulda ïgai.

Hechos 15:8

Daiñi, Diuxi nïidi bïïxi odami iibhïadï. Dai Diuxi mamaaxidi xi kïïgakïrï nïidi ïgai go ix makïdï maiti ïr judidiu ïpï otosakai Gï Ibhïdaga ïgai abhana. Xibi gïr ïpïan dukai bipiatu ïgai Diuxi Ibhïadï.

VUAANA 15:10

Ix gin ïïgiada aapimï aidï gia kïïga maatï taatamu aapimï xïï kïïga gïn oigïdai aanï aapimï. Aanï podukai oidaga ïpï Diuxi gin Oga ïmadï di. Aanï bïïxi aïkatïrï ïïgidiña gin Oga dai kïïga maatï taatakana ix ïgai gin oigïdai ïpï.

VUAANA 14:15

Dai Suxi apia oi go aatagi go mamaatïrdamigadï ïmadï dai potïtïdai, —Gin aaduñi, gin oigïdabïrai dai aidï gia gin ïïgiadamu aapimï bïïxi aïkatïrï kïïga gin oigïdaitai.

2 Pedro 3:1

Gin aaduñi Diuxi amadïrï, kïïga gïn oigïdai aanï. Dai idikïdï kaxi ïr gokadukamu go ojai ix makïdï gïn ojidi aanï. Ka gokoaja gïn ojidi aanï idikïdï tudu ipïrhiditai ix kïïga gïn tïtïgitoagi aapimï. Ipïrhidi aanï sai gïn tïgitokagi aapimï bïïxi gobai ix makïdï ka máí aapimï tudu.

1 Pedro 1:6

Kïïga ïr buaboi tudu sai aatïmï buaboitudadami bhïiya ragai ïmo gïdukami bhai ïrhiaragai. Dai kaxkïdï aanï agai sai gï agai ix bhai gïn ïrhiadagi aapimï tomaxi gï agai xi naana maaxi soimaaxi taatamadagi aapimï xibi chïki umigi kia.

2 Korintios 1:12

Gin aaduñi, aanï ïmadï Timoteo kïïga maatï gïr ibhïdagïrï sai tomarhi ïmo imidagai mai yaatagidi aatïmï go óídakami dai mai buirumagi aatïmï. Kïïga ibhïxtakan taadaga gïr iibhïdaga kïï sïïrhi ibuadatai aatïmï óídakami bïïtarï tudu gïr soikïitai Diuxi. Dai asta bamioma kïïga ibuadana aatïmï aapimï gïn bïïtarï gïr aaduñikatai aapimï Diuxi amadïrï. Kïïga sïïrhi ibuadana aatïmï tudu oiditai Diuxi tïgibudadï dai mai xu xi oidiña aatïmï go oidigi daama óídakami tïgibudadï. Dai pokaiti aatïmï sai gobai gia kïïga namïga, sïïrhi ibuadatai aatïmï tudu.

Hechos 1:24

Bhodïrï go buaboitudadami gadaanïi Diuxi daidi itïtïdai, —Aapi gïr Nukadakami, kïïga nïidi aapi bïïxi odami iibhïadï. Gïr tïïgidañi makïdï idi bïï gokatai kïkïïrhi ïko busaitu aapi

VUAANA 18:27

Daidi go Piduru ïpïpï potïtïdai sai maiti ïr buaboi. Dai mos potïi ïgai tai kujui ïmo takuku kïrhiadï.

VUAANA 18:4

Dai Suxi kïïga maatïkatadai ix tumaxiïrï iimïitadai go sandadaru daidi mïï buidïrï ayi daidi itïtïdai, —¿Borai gaagai aapimï?— itïtïdai.

VUAANA 12:8

—Daiñi, bïïxkïrï oidaka agai soititigami gïn saagida xorai soikïdagi aapimï dïï mos aanï gia ka mai xii tïbïpi gïn ïmadï dakamu kaxkïdï kïïgadu ix gin duñi gobai dai maiti gï agai ix ñokiada aapi— itïtïdai.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Apokalipsis 3:19

Gï agai xi maatïkagi aapimï sai bhagaidi aanï xorai oigïdai aanï xïïxkadï mai kïïga ibuadagi. Dai mamaakai aanï gïgïbituldaragai ïpï sa bhai bhïna kïïga tïgibudagai. Kaxkïdï gï agai xi ïma dukai gïn tïtïgitoagi aapimï dai kabami ipïldagi xi kïïga ibuadagi. Tadu gïn ayi gïgïbidaragai ïpï.

VUAANA 21:18

—Kïïga gï tïgito kaïka idi ñoki. Daiñi, ïkioma aidïxi bamioma ïr gïrhikatadai aapi ïïgi gï aadaiña gï yukuxi dai aimïraiña ïïgi pïx xako bhai ïrhidiña. Dïï gia xïïxkadï ka kïrhimumu aapi sïïrhiñdamu aapi gï ïïka bai jaa gï burhimu dai gï baidakamu xako mai imia ïrhidi aapi— itïtïdai.

VUAANA 4:16

Dai Suxi soiña ïrhiditadai go oki sai maatïkana xorai ïgai daidi itïtïdai, —Mïïka baida gï kuna dai bhaigobai dada bïï gokatai aapimï— itïtïdai go Suxi.

Hechos 11:10

Baikojo pobï gï dui gobai bai ïpamu tïsai tïbagiamu go suayi maaxkami— itïtïdai Piduru.