VUAANA 2:19 - Northern Tepehuan Bible

¹⁹ Dai Suxi potïtïdai aidï, —Gï daitudamu idi Diuxi baakidï dai aanï baika tasaikïdï ïpamu bañigidamu— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁹ Taidʌ ʌSuusi itʌtʌdai: ―Daitudavurai aapimʌ idi gʌʌ quiuupai dai vaic tasaicʌdʌ ʌpamu iduuñimu aanʌ ―tʌtʌdai ʌSuusi.

VUAANA 2:19 Referans Kwoze

Markos 14:58

—Aatïmï kaï baidi kaiti sai daituda agai go gïï kiupai ix makïdï odami idui dai sai baika tasaikïdï ïpamu iduñi agai ïmai dai ïgai gia as maiti ïr odami duñidїka agai— ikaiti go yaatabogami.

Markos 15:29

Dai ix makïdï ami dïgabuskïi mos parunadan kaitidiña dai giidai momodï daidi ikaitiña, —Aapi pïx ix makïdï pokaititadai pïsaidi ixtutuidi xi daitudagi go gïï kiupaigadï judidiu dai baika tasaikïdï kïïsa agai ïpamu,

Mataibo 27:40

daidi ikaitiña, —Aapi pokaitiña saidi bhaiga aapi daitudagi go gïï kiupaigadï judidiu kabami gubuakatai aapi dai sai bhaiga aapi xi baika tasaikïdï kïïsagi ïpamu ïpï. Kaxkïdï kïïgakïrï gï busaidi ïïgi aapi tudu ix ïr buaboikagi gobai sai kabami gubuka aapi. Dai pokaitiña aapi saidi ïr Diuxi Maradï aapi ïpï. Xi ïr buaboikagi gobai aidï gia tïbanañi abhai kuruxiañdïrï— ikaitiña ïgai parunaitai.

Mataibo 12:40

Daiñi, kïïga maatï aapimï xoraitadai go Jonaskaru. Ïmo ñokituldiadamigadїkatadai ïgai Diuxi tudu. Dai kïï maatï aapimï ïpï saidi go Jonas baika tasai dai goka tukagi bii ïmo gïï batopa ïrana dai sai gokiïrï busai ïpamu abhiadïrï. Dai gobai ïr ïmo maaxidaragaikatadai go óídakami bïïtarï Ninibeïrï sai maatïkana ïgai sai go Jonas ïr otosadï Diuxi. Dai xibi aanï aagai sai iduñimu Diuxi ïmo maaxidaragai pomaaxkami aanïkïdï ïpï. Baika tasai dai baika tukagi bimu aanï dïbïrai uta dai bhodïrï ïpamu busaimu aanï sai gokïdï gin buaboitudana aapimï sai aanï ïr go otosadï Diuxi ix makïdï ïmo kïïrhi busai. Gobai ïr go maaxidaragaika agai aapimï gïn bïïtarï tudu dai mai tipukamu ïmai— itïtïdai.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

Hechos 3:15

Podukai mua aapimï go ix makïdï gïr maakai gïr iibhïdaga. Mua aapimï dïï Diuxi duakaturhi ïgai dai aatïmï ïr nïijadami ix duaka ïgai— ikaiti.

Hechos 2:32

Go Suxi tudu aba ïgai ix makïdï Diuxi duakaturhi. Aatïmï ïr nïijadami di.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

Romanos 6:4

Dai podukai ïpï aatïmï gïr yaasatu ïpï ïgai ïmadï mos bïïnakai ïgai. Koi aatïmï ïgai ïmadï dai Diuxi Gïr Oga gïr duakaturhi ïpï ïpïan dukai ixdukai duakaturhi ïgai Suxi Kristo mos ïï gubuakatai ïgai. Podui ïgai xi podukai utudutudagi gïr oidakaragai xibi.

VUAANA 11:25

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai.

Markos 8:31

Dai bhodïrï Suxi maa ñoki gï mamaatïrdami. Daidi potïtïdai, —Aanï ïr Diuxi otosadï ix makïdï aagai Diuxi ïïki dai gï agadamu xi naana maaxi biakagi aanï soi ïrhiaragai gin abhana— itïtïdai. —Daiñi, go gupudagai bipiakami ïmadï bhaitï gukakamigadï go daxdadami ïmadï go maatïtuldiadami sïïrhikami bïïxkatai potïimu xi aanï maiti ïr soiñi dai gajiadïrï gin biamu ïgai— itïtïdai. —Dai gï aagadamu xi gin muatuda ïgai dai bhobai baika tasaikïdï ïpamu duakamu aanï— itïtïdai.

Kolosenses 2:12

Daiñi, kïïga buaboitudai aapimï Diuxi gubukarhigadï ixtukïdï duakaturhi ïgai Suxi Kristo. Kaxkïdï aidïxi gïn bapakoi aapimï gïn yaasatudan duu aapimï Suxi Kristo ïmadï dai gïn duduakaturhi aapimï ïgai ïmadï ïpï.

1 Korintios 15:12

Dai aatïmï ojotosadï Suxi kïïga gïn aagidi sai duakatu go Suxi. ¿Kaxkïdï tudu ix tuixi pokaiti ïïmadutai aapimï sai mai duduakarïi koidadï?

Romanos 4:24

Aatïmï gïr bïïtarï ojixi gobai ïpï. Daiñi, Diuxi kïïgakïrï gïr nïijadamu ïpï buaboidakai aatïmï ïgai ix makïdï duakaturhi go Suxi Gïr Nukadakami mukukai ïgai. Buaboidakai aatïmï Diuxi tudu.

Hechos 3:26

Dai kaxkïdï ïpï bhai gobai gïn saagida otoi Diuxi mos duakatuldakai Maaradï bai biakana aapimï ïmo gïdukami bhai ïrhiaragai gïn abhana dagitokai gïn soimaaxkamiga ixtukïdï soi buididi aapimï Diuxi. Mos duakatu go Suxi bai otoma bhai gobai gin otoi Diuxi tudu saidi aapimï ïpïgioma gïn aiyagi go bhai ïrhiaragai— ikaiti Piduru.

VUAANA 5:19

Dai Suxi potïtïdai go judidiu aidï, —Kïïga abïr gïn tïgito kaïka idi ñoki. Daiñi, kïïga ïr buaboi saidi ïr Diuxi Maradï aanï dai ïïgi gin tïgibudagakïdï maiti ibuayi aanï toma lachi. Mosïkaxi ix tumaxi nïijadagi aanï ix buayi Diuxi gin Oga, pomaaxi ibuayi aanï ïpï.

Mataibo 27:63

Daidi potïtïdai ïgai, —Go Suxi sïïrhikïdï yaatabogatadai— itïtïdai. —Kïïga gïr tïgito aatïmï ix ikaitiña ïgai mai kia mukukai. Aidï pokaitiña ïgai saidi xïïxkadï mukiagi sai abhiadïrï baika tasaikïdï duaka agai ïpamu.

Mataibo 16:21

Dai aidï abhiadïrï dudatai aagidiña Suxi go mamaatïrdamigadï sai gï agaitadai sai naana dukai soimaaxi taatatulda agaitadai ïgai. Aagidiña ïgai sai go bhaitï gukakïdï go judidiu soi buidada agai tudu ïmadï go dadaxdadami bhaitï gukakamigadï dai go tïtïgiadami sïïrhikami. Potïtïdaiña Suxi sai gï agaitadai sai gï muatudagi ïgai ïpï dai sai baika tasaikïdï gï duakatuda agai ïpamu.

Hechos 6:14

Kaï aatïmï ix kaititadai Tibañi sai Suxi go Nasaretañdïrï oidakami daituda agaitadai go gïï kiupai. Dai sai maigobai daituda agaitadai gïr bituldaraga ix makïdï gïr biturhi Moiseskaru— ikaiti yaatabogami.