VUAANA 19:42 - Northern Tepehuan Bible

⁴² Dai kaxi ïr bianaxikokatadai aidï dai ka uruitadai oidigi bïïxi dai xadiko kaxi ïr go Kïïgakïrï Bubaidaragai Bagimika agaitadai ix kaxkïdï bhobaxi miadïrï tïï ïgai tukugadï go Suxi go utudui yaasakaruana.

Tepehuan Northern: Diuusi ñiooquidʌ utuducami oodamicʌdʌ

⁴² Dai ami ʌsto ʌgai ʌSuusi tuucugadʌ. Aliʌ miaaga ʌtʌjoi cascʌdʌ dai cayoga aayi siuu duucu abiaadʌrʌ siaa duutudaiña ʌjudidíu ʌibʌstaragai tasai.

VUAANA 19:42 Referans Kwoze

VUAANA 19:31

Ïmo imidagai bianaxiko muu go Suxi dai aidï tasïrï bhai gïn buadana go judidiu go bagimi bïïtarï ix makïdï Daibuñigïrï tïgidu bai kaxkïdï go bhaitï gukakami dadaxdadami maiti ipïrhiditadai ix bhobai baaxi kuruxiana biiyagi go Suxi ïmadï ï goka kïkïïrhi ix makïdï jaa kukuruxiana nagiïjï ïpï. Dai go bhaitï gukakami dadaxdadami mïï aagidi go Pilato sai ïgai gatïanïna omixaragai nonosakadï go ix makïdï kuruxiana xixixapi sai otoma kona dai bhodïrï sai otoma tïapanïna tutukugadï ka kokai ïgai. Maiti ipïrhidi ïgai ix kia ami nagiïjïka ïgai bakïkai go bagimi kaxkïdï.

VUAANA 19:14

Aidï tasïrï go judidiu biakatadai ix bhai gïn duñagi go bagimi bïïtarï ix makïdï Daibuñigïrï tïgidu daidi parï daan duku ïxi go Pilato itïtïdai go judidiu, —Tami kïïka gïn reyga— itïtïdai.

VUAANA 19:41

Dai ami xako kïakatadai go kuruxi xako gï muatutadai go Suxi ami miadïrï gukatadai mui tutukami uxi ibhiatïdami dai ami oidagatadai ïmo tïjobai maaxkami yaasakaru. Utuduitadai go yaasakaru aidï dai mai kia gï yaasatutadai tomarhi ïmo mukiadï ami.

Isa 53:9

Maiti ïr soimaaxi ibuadami ïgai dai tomarhi ïmo imidagai mai yaata ïgai. Dïï bïïxkïrï mukukai ïgai gï yaasatu soimaaxi iibïdakami saagida ïmo gï bidakami yaasakarudïrï.

Kolosenses 2:12

Daiñi, kïïga buaboitudai aapimï Diuxi gubukarhigadï ixtukïdï duakaturhi ïgai Suxi Kristo. Kaxkïdï aidïxi gïn bapakoi aapimï gïn yaasatudan duu aapimï Suxi Kristo ïmadï dai gïn duduakaturhi aapimï ïgai ïmadï ïpï.

1 Korintios 15:4

Gïn aagidi aanï ïpï sai gï yaasatu ïgai dai bhodïrï baika tasaikïdï gï duakatu ïpamu. Gobai ka ïkiaxdïrï ojixikatadai Diuxi ñokidïrï ïpï.

Hechos 13:29

Bïïxi iduñi ïgai go Suxi ix dukatai ojixi Diuxi ñokidïrï dai bhodïrï tïbañi ïgai go Suxi tukugadï kuruxiañdïrï dai yaasa ka mukiadïkatai ïgai.

VUAANA 19:20

Dai baika ñokikïdï idui ïgai go ojixikami, Hebreokïdï dai romanokïdï dai griegokïdï. Dai ami mianai go kuruxi bipiïyitadai go Jerusalen bai kaxkïdï muidutai go judidiu kïïga nïiditadai ix kaiti go ojai.

Mataibo 12:40

Daiñi, kïïga maatï aapimï xoraitadai go Jonaskaru. Ïmo ñokituldiadamigadїkatadai ïgai Diuxi tudu. Dai kïï maatï aapimï ïpï saidi go Jonas baika tasai dai goka tukagi bii ïmo gïï batopa ïrana dai sai gokiïrï busai ïpamu abhiadïrï. Dai gobai ïr ïmo maaxidaragaikatadai go óídakami bïïtarï Ninibeïrï sai maatïkana ïgai sai go Jonas ïr otosadï Diuxi. Dai xibi aanï aagai sai iduñimu Diuxi ïmo maaxidaragai pomaaxkami aanïkïdï ïpï. Baika tasai dai baika tukagi bimu aanï dïbïrai uta dai bhodïrï ïpamu busaimu aanï sai gokïdï gin buaboitudana aapimï sai aanï ïr go otosadï Diuxi ix makïdï ïmo kïïrhi busai. Gobai ïr go maaxidaragaika agai aapimï gïn bïïtarï tudu dai mai tipukamu ïmai— itïtïdai.