VUAANA 17:5 - Northern Tepehuan Bible

⁵ Xibi gin Oga, gin maaka ï galbaaxi sïïrhikami namïakami ix makïdï biakatadai aanï ïïki aidïxi gï ïmadï dakatadai aanï mai kia kïkibakai oidigi— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

⁵ Sivi gia giñooga ʌpamu igiñmaaca ʌgai vaa guvucadagai ismaacʌdʌ viaacatadai aanʌ aapi ʌʌmadu maiquiaa tiipucatai oidigi abiaadʌrʌ.

VUAANA 17:5 Referans Kwoze

1 Pedro 1:20

Ka ïki abhiadïrï ka podukai gï tïgitokatadai Diuxi sai Suxi Kristo ïgaika agai dai kïïgakïrï gïn bubaida agai. Ka podukai dáítadai ïgai mai kia idunakai oidigi tudu. Dïï gia asta utudami xibiapioma dibia go Suxi karhioga ugiti agaitai oidigi. Dibia ïgai kïïgakïrï gïn bubaida agaitai tudu.

VUAANA 10:30

Dai mos ïr ïmo odami aanï ïmadï gin oga— itïtïdai.

Filipenses 2:6

Daiñi, tomaxi ïr Diuxi ïgai bïïxkïrï gï dagito ïgai xi maigobai gï dasagi bïïxi ix tuma biakatadai ïgai Diuxikatai dai ïmo gapioñi dukai dibia. Podui ïgai ïmo kïïrhi busaikai.

Hebreos 1:10

Dai potïtïdai ïgai ïpï sai, Aapi ïr go Tïanïdami dai aapi idui go oidigi ïïki aidïxi mai tipukatadai ixtumaxi kia. Dai aapi idui go tïbagi ïpï.

Hebreos 1:3

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

VUAANA 8:58

Dai Suxi itïtïdai, —Aanï aagai sai aidïxi mai kia busaitadai go Abraamkaru aanï kaxi oidakatadai— itïtïdai.

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

VUAANA 14:9

Daidi Suxi potïtïdai, —Aapi Pirhi, ¿Tui pïxi pokaiti sai gïn tïïgidana aanï gin Oga? ¿Mai ix ka tïbïpi gïn ïmadï dakana aanï? ¡Dai modukai mai kïïga gin máí aapi! Daiñi, xorai gin nïidi kaxi ïr nïijadami gin Oga ïpï mos gin nïiditai— itïtïdai.

Mataibo 25:34

Dai bhodïrï aanï ix makïdï ïr go gïï Rey aagidamu ïmo ñoki go buaboitudadami gin sïïrhixapadïrï darakatai ïgai dai potïdamu aanï, —Gimibïrai aapimï ix makïdï Diuxi gin Oga ka maa ïmo gïdukami bhai ïrhiaragai. Aidï abhiadïrï xi mai kia kïkibatadai oidigi Diuxi ka bhai buayitadai ixdukatai gïn tïanïdagi tudu dai gobai ïr gïn bhai ïrhiaraga. Dai xibi ka ayi ix bhïiyagi aapimï gïn bhai ïrhiaraga urabakatai aapimï Diuxi aaduñdï ix makïdï gatïanïi ïgai.

VUAANA 3:13

Mai tipu ïmai xorai tïsai mïï daana tïbagiana tudu, mosïkaxi ïïgi aanï— itïtïdai. —Aanï tudu ïgai dai tïbai mïï daana tïbagiañdïrï dai kïïgakïrï odami busai. Kaxkïdï aanï gia maatï ixtumaxi daibuskïi tïbagiana.

Apokalipsis 3:21

Dai Diuxi gin Oga gin maa oigaragai xi abhana daibana aanï ïgai daikarudïana xakoga dakatai gatïanïi ïgai sai gatïanïna aanï ïgai ïmadï. Maitï aanï go soimaaxi buidïrï tudu kaxkïdï gin maa oigaragai xi daibana aanï ami. Dai aanï podukai maakimu oigaragai ïpï xorai maitiagi soimaaxi buidïrï sai daibana ïgai gin ïmadï gin daikarugana xakoga gatïanïi aanï reykatai aanï.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

1 Juan 1:2

Ïgai tudu gïr maakai go utudui oidakaragai bïïxkïrï bïïtarï. Biatu ïgai tukugai dai gï maaxitu gïr buitapi tami oidigi daama. Kïïga nïidi aatïmï tudu dai kaxkïdï gïn aagidimi aatïmï xibi sai ïgai duduakatudai odami iibhïadï sai mai kona ïgai tomarhi ïmo imidagai. Ïmadï dakatadai ïgai Diuxi gïr oga ïïki abhiadïrï dai xibiapioma dibia ïgai tami idi oidigi daama gïr bïïtarï.

VUAANA 17:1

Dai taiyakoga nïnïaba Suxi tïbagiamakoga ka kugaidakai aatagidï daidi itïtïdai ïgai Diuxi, —Gin Oga, ka ayi ix tuigako soimaaxi taatagi aanï dai mukiagi— itïtïdai. —Gï maara aanï dai xibi ipïrhidi aanï ix gamaaxitudagi aapi odami buitapi xïïxi ïr gïdukami aanï mukukai aanï, nai aanï maaxituldagi xïïxi ïr gïdukami aapi ïpï.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.