VUAANA 17:11 - Northern Tepehuan Bible

¹¹ —Gin oga, xibi otoma ka mai oidaka iñagai tanai oidigi daama. Kaxi ïr imïdami aanï amïka xako daja aapi kaxkïdï. Dïï gia gin mamaatïrdamiga ix makïdï aapi gin maa tanaxi bimu go gaa óídakami saagida ix makïdï ïr gï buidïrï bïïtïkami. Aapi gin Oga bïïxi adaama ïr xadutudikïdï kaxkïdï gï daanïi aanï pïsai nukadakana gin mamaatïrdamiga gï gubukarhigakïdï, go baaxi gubukarhigaikïdï tudu ix makïdï gin maa aapi. Soiñañi gin mamaatïrdamiga dai maaka ïmo kïïgadukami urabaragai saidi mos ïmo odami dukaikagi ïgai ïpïan dukai ix aanï ïmadï aapi mos ïr ïmo odami— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Aanʌ gia camaiviimu tami oidi daama baiyoma imimu aanʌ mʌʌca siaaco daja aapi. Dʌmos ʌgai gia viimu tami oidi daama. Giñooga aapi tomali ʌmo imidagai maisoimaasi ivueeyi sʌʌlicʌdʌ cʌʌga tʌgito aapi. Nuucadañi aapi gʌguvucadacʌdʌ ʌgai ismaacʌdʌ ʌco vuvaitu aapi vai ʌgai viaacagi ʌmo tʌgitoidagai ʌpan duucai aatʌmʌ viaa ʌmo tʌgitoidagai.

VUAANA 17:11 Referans Kwoze

Mataibo 6:9

Daidi Suxi potïtïdai go mamaatïrdamigadï, —Xïxkadï gadaanïdagi aapimï adukai abïr aagada— itïtïdai. —Diuxi gïr Oga ix makïdï tïbagiana daja. Gï daanïi aatïmï sai aapi ibuada saidi óídakami kïïga gï xadutudaiña.

Efesios 4:4

Ïmo aadunumï aatïmï tudu bïïxkatai ix makïdï bia Diuxi Ibhïadï dai ïgai mos arhi ïmaduga. Dai ïmaduga ïpï go gïï bhai ïrhiaragai ix makïdï nïnïrakatai ajiopai aatïmï bïïxkatai.

Filipenses 2:9

Ïïgi gï dumaltu Suxi Kristo tudu xi kaxkïdï Diuxi kïïga tïkabi dáí sai bïïxi adaama xadutudaiña bïïxkatai óídakami. Maa ïgai go adaama namïakïdï tïtiaragai tudu maakakai go sïïrhikami sai bïïxi adaama gatïanïda ïgai.

VUAANA 17:25

—Aapi gin Oga kïï sïïrhi aatabuayi dai go odami ix makïdï adaimïi ïïgi tïgibudadï mai maatï ix tuiga aapi dïï aanï gia kïïga gï maatï. Dai gin mamaatïrdamiga kïïga maatï sai aapi gin otoi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

Hebreos 1:3

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

VUAANA 14:20

Gïn maakimu aanï gubukarhigai tudu sai kïïga duduakakagi aapimï dai aidï gia maatïkamu aapimï ix gïr bïïna daraka aanï ïmadï gin Oga dai maatïkamu aapimï ïpï sai aanï ïmadï aapimï kïïga bïïna daraka ïpï— itïtïdai.

Udaxi 1:1

Bhaiga gin aaduñi Diuxi amadïrï. Aanï ïr Udaxi dai gïn ojidi idi ojai. Sukurhidï aanï Santiago dai ïmo pioñigadï aanï Suxi Kristo. Gïn ojidi aanï aapimï ix makïdï ïr ïko bubaidadï Diuxi gïr Oga. Aapimï ïr ix makïdï kïïga gïn oigïdai dai gïn nukadai Diuxi. Gïn nukadai ïgai urabakatai aapimï Suxi Kristo tudu.

1 Juan 5:19

Kïïga maatï aatïmï saidi ïr maamaradï aatïmï Diuxi tudu. Dai maatï aatïmï ïpï sai go diabora tïanïi bïïxi go gaa oidigi daama óídakami ix makïdï mai buaboitudai Suxi Kristo.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.

Hechos 3:21

—Dïï gï agadamu kia ix tïbagiïrï biyagi go Suxi asta xïïxkadï Diuxi utuduturhi bïïxi aïkatai ixtuma oidaga. Podukai tudu oja go ñokituldiadamigadï Diuxi ïïki. Kïïga ïïgidi ïgai Diuxi dai oja tudu.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

Apokalipsis 4:8

Dai go maakoba duduakakïdï ixtumaxi naadami ajana ïïmoko. Dai damadïrï dai utadïrï ajanadï muidu bupuidï. Dai bïï maakoba mai dagitokai ñokaiña modukai tasïrï dai tukarï daidi ikaitiña, Aa gia ïr xadutudikami Diuxi ïkobai dajatai ïgai. Aa gia ïr xadutudikami Diuxi ïkobai dajatai ïgai. Adaama ïr Gatïanïdami Diuxi, kïïga adaama gubuakamikatai ïgai. Kaxi oidakatadai ïgai mai kia kïkibakai oidigi dai mai tipu ugitigadï, ikaitiña go maakoba duduakakami ixtumaxi.

1 Pedro 1:5

Dai Diuxi gïn nukadai bïïxi gubukarhigadïkïdï kïïga buaboitudai aapimï kaxkïdï. Gïn nukadai ïgai asta xïïxkadï ka kïïgakïrï bubuakiagi aapimï tudu. Dai xïïxkadï karhioga ugiti agadagi oidigi aidï maaxitulda agai Diuxi ix maaxika agai go bhai ïrhiaragai ix makïdï gïn aji agai ka kïïgakïrï bubuakïkai aapimï.

Galatas 3:28

Pomaaxi bïïxkatai aapimï ix makïdï ka buaboitudai. Xibi ïmadugan dukai gïn nïidi Diuxi bïïxkatai aapimï. Mai xudu xi ïr judiukagi ïmoko xiïpï xi maiti ïr judiukagi ïpï, xi ïr ïmo soigaxikami dukai pioñikagi ïgai xiïpï xi maiti ïr pioñikagi ïpï, xi ïr kïïrhikagi ïgai xi ïr okikagi ïpï. Mai xudu, tomax dukai ka ïmo odami dukai bii aapimï bïïxkatai bïïna darakatai Suxi Kristo.

1 Korintios 1:10

Xibi kïïga abïr gïn tïgito kaïka aapimï gin aaduñi. Daiñi, Suxi Kristo ïgai ix makïdï gin maa ïmo sïïrhikami ix kaxkïdï gïn maakai aanï ñoki. Dai aanï aagai sai sïïrhikïdï gï agai ix ïmo aadunumïka aapimï bïïxkatai. Maiti gï aagai ix ïjïkobai biakagi aapimï gïn tïgibudaga chïchïkiatai tudu. Gï aagai xi ïmo tïgibudagai biaka aapimï bhaiyoma dai ix kïïgakïrï gïn nïijada bïïxkatai aipakoga.

Romanos 12:5

Pomaaxi aatïmï buaboitudadami ïpï. Aatïmï bïïxkatai ïmapi ïr tukugadï Kristo mos bïïnakai aatïmï ïgai. Gïr arasakan dukai aatïmï ïpïan dukai ïmo odami tukugadï tutuidadï. Dïï gia ïjïkobai bia aatïmï gïr aaduindaga.

Romanos 9:17

Diuxi ojadïrï ojixi saidi Diuxi ñokidi go Faraon ïki aidï daidi itïtïdai, Aanï gï dáí aapi kïïrhi saidi ïr Faraonkagi aapi bai podukai aapikïdï gamaaxida aanï xïï gubuka aanï, sai podukai bïïxi oidigi daama óídakami gin xadutuadagi, itïtïdai Diuxi.

VUAANA 16:28

Buaboi tudu sai Diuxi gin Ogañdïrï dibia aanï tami oidigi daama. Dai xibi otoma imimu aanï tabhiadïrï dai noragimu amïka xako daja ïgai— itïtïdai.

VUAANA 7:33

Daidi Suxi potïtïdai go odami, —Mosïkaxi chïki tasai dakamu aanï tami gïn ïmadï dai bhodïrï ïpamu noragimu aanï dai ïmadï dakamu ïpamu go makïdï gin otoi bhaigobai— itïtïdai.

Mataibo 10:16

Dai apia oi Suxi aatagidï daidi potïtïdai, —Gïn otosamu aanï maigobai go óídakami saagida— itïtïdai. —Dai gï aagadamu xi kïïga gïn nukadakagi aapimï. Go óídakami omarhigaka agai gïn bïïtarï tudu ïpïan ïxi oomarhigaka agai ïgai sïsïïyi buidïrï kañiñiru. Ipïrhiadamu ïgai xi soi gïn buidadagi tudu. Dai kaxkïdï gï agadamu xi kïïga gïn tïgitokagi ixdukatai gïn nukadakagi aapimï. Gï agadamu tudu sai kïïga buañixikami óídakagi aapimï sai mai tïïgiagi jaa ixtukïdï gïpiïrï gïn bupadagi— itïtïdai.

Mataibo 5:48

—Gin aaduñi— itïtïdai. —Gï agai sai kïïga ïpïan ïxi kïï tutiakagi aapimï Diuxi gïn Oga ix makïdï tïbagiana daja— itïtïdai.

Apokalipsis 19:12

Tai maaxi bupuidï dai modïana tutustugai mui korona. Kobadïrï ojixi ïmo tïtiaradï dïï mosïkaxi ïgai maatï ix kaiti go ojai.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Udaxi 1:24

Gïn aaduñi, mosïka arhi ïmaduga Diuxi dai ïgai bhai dui go kïïgakïrï bubaidaragai gïr bïïtarï Suxi Kristokïdï ix makïdï ïr Gïr Nukadakami. Kïïga ixtutuidikïi Diuxi ix gïn nukadakagi dai gïn soikïdagi sai mai dagitoagi aapimï gïn buaboidaraga sai podukai mai gïpiïrï surhigiagi aapimï. Dai kïï bhaiga ïgai sai bhai gïn buadagi saidi kïïga bhai ïrhiarakïdï gukakagi aapimï ami xako kabami totoarïi buitapi Diuxi. Kabami totoarïi Diuxi tudu mos ïï kïïga xigiamaaxkatai ïgai dai mos ïï kabami gubuakatai ïgai ïpï. Kïïga ixtutuidikïi ïgai ix bhai gïn duñagi sai mai biakagi aapimï toma lïïchi soimaaxkami gïn abhana dai bhodïrï baan gïn tutusamu ïgai ami buitapi ïgai ka kïïga bhai gïn dunakai ïgai.

1 Juan 3:12

Daiñi, maiti gï agai xi ïpïan buadagi aapimï go Kain ix makïdï urabakatadai go diabora dai ïïgi mua sukurhidï. Oiditadai ïgai go soimaaxkami tudu dai sukurhidï oiditadai ixtumaxi ïr sïïrhi dai kaxkïdï kïïdaitadai ïgai sukurhidï dai mua.

VUAANA 17:6

Daidi Suxi apia daañimi Diuxi daidi itïtïdai, —Gin Oga, aapi ïkobai gin bubaiturhi gin mamaatïrdamiga go gaa óídakami saagidañdïrï. Kaxi ïr aapi gï tutuidagakatadai ïgai dai xibi gin maa aapi. Dai aanï gatïtïïgidi buitapi ïgai ix xïï kïï tuiga aapi bai podukai ïgai gï maatïkana. Dai kïïga ïïgidi ïgai gï ñoki.

VUAANA 17:23

Xibi gin mamaatïrdamigaïrï oidaga aanï dai aapi gin Oga aanïrï oidaga. Buaboikïdï ïr mos ïmo odami aatïmï tudu. Dai go gaa odami nïijadamu sai aatïmï ïr ïmo odami. Nïijadamu ïgai dai maatïkamu sai aapi gin Oga gin otoi dai kïïga oigïdai gin mamaatïrdamiga. Maatïkamu ïgai sai ix xïïxi gin oigïdai aapi pokaxi oigïdai aapi gin mamaatïrdamiga ïpï— itïtïdai Suxi.