VUAANA 16:30 - Northern Tepehuan Bible

³⁰ —Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁰ Sivi gia cʌʌ maatʌ aatʌmʌ isaapi maatʌ vʌʌsiaʌcatai. Aapi maitʌgito isʌmo oodami gʌtʌcaca ʌmo istumaasi. Aapi camaatʌ vʌʌsi istumaasi tʌtʌgitoi oodami cascʌdʌ. Imaasicʌdʌ cavaavoitu aatʌmʌ isaapi divia mʌʌcadʌrʌ siaaco daja Diuusi ―tʌtʌdai aatʌmʌ.

VUAANA 16:30 Referans Kwoze

VUAANA 21:17

Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

Hebreos 4:13

Mai tipu ixtumaxi ïxtokikagi Diuxi buitapi tudu. Bïïxi aïkatai mos maaxiko kaatïkana Diuxi buidïrï. Dai ïgai buitapi bia aatïmï xi aagadagi ix tumaxi dui aatïmï tami idi oidigi daama.

VUAANA 17:8

Ga mamaatïturhiña aanï gin mamaatïrdamiga go baaxi maatïtuldaragai ix makïdï aapi gin aagidi tudu daidi kïïga ïïgida kaï ïgai. Ka máí ïgai ix aapi ïgai ix makïdï gin otoi mïkadïrï xako daja aapi. Ka kïïga buaboitudai ïgai gobai tudu— itïtïdai.

VUAANA 16:17

Daidi potïkai Suxi go mamaatïrdamigadï aipako gïn tïkakaimitadai daidi ikaitimi, —¿Ix tuma aagadankaiti gobai po gïr tïdakai?— ikaiti. —¿Ix tuixi pokaiti gobai saidi imi agai xako daja Ogadï? Aatïmï mai maatï kaï aatagidï— ikaiti.

VUAANA 5:20

Diuxi gin oigïdai Maradïkatai aanï dai ïgai gin tïtïgidiña bïïxi ix tumaxi ibuayi ïgai. Gïdu aba go maaxidaragai ix makïdï idui aanï duadakai go kïïrhi ix makïdï mai bhaigakatadai imidagai dïï gia Diuxi gin maakimu jaa maaxidaragai saidi ibuada aanï ix makïdï ïr gïgïrdukamioma kia ix gobai. Gin maakimu Diuxi gïgïrdukami maaxidaragai bai podukai ka mai tïïgimu aapimï ix tumaxi gïn tïtïgitoagi ibuadatai aanï gobai— itïtïdai.

VUAANA 2:11

Idi tudu ïr tukamidïrï maaxidaragai ix makïdï idui go Suxi Kristo dai gokïdï mamaaxitudai ïgai xïïxi ïr gïdukami dai xïïxi ïr gubuakami. Daidi mamaatïrdamigadï buaboitu aidï nïiditai go maaxidaragai ix makïdï idui Suxi. Dai go arhi kiiki xako pogïdui gobai Kana tïgidu. Go Kana Galileïrï bipiïyi.

VUAANA 8:42

Daidi Suxi itïtïdai, —Cho daiñi— itïtïdai. —Ix buaboikïdï ïr Diuxi maamaradïkamudai aidï gia gin oigïadamudai aapimï. ¡Diuxiañdïrï dibia aanï di! Dai mai xu ix ïïgi gin bhai ïrhiarakïdï— itïtïdai. —Diuxi ïgai ix makïdï bhaigobai gin otoi tudu.

VUAANA 16:23

Gïn tïïgimu aanï ïpamu tudu dai aidï gia ka maiti gin tïkakamu aapimï tomarhi ïmo ixtumaxi bamioma— itïtïdai. —Gin aaduñi, kïïga abïr gïn tïgito kaïka idi ñoki. Daiñi, gïn maakai aanï sïïrhikami ix aatagada aapimï gin Oga ïmadï gin mamaatïrdamikatai aapimï. Kaxkïdï ix tanïdagi aapimï ix tumaxi gïn maakimu ïgai mïx tumaxi tanïdagi.

VUAANA 16:26

Aidï gia ka maiti gï aagadamu ix ñokiada aanï gïn bïïtarï xïxkadï aitulda ïrhiada aapimï ïmo ñoki gin Oga. Kaxkïdï tudu ïïgi biakamu aapimï oigaragai ix aatagada ïgai ïmadï gin mamaatïrdamikatai aapimï— itïtïdai.

VUAANA 16:31

Daidi Suxi itïtïdai, —¿Buaboi ix tudu ix buaboitudai aapimï xibi?