VUAANA 16:15 - Northern Tepehuan Bible

¹⁵ Daiñi, bia aanï bïïxi aïkatai ix tumaxi biakagi gin Oga dai asta tïgibudadï bia aanï ïpï. Kaxkïdï po gïn tïtïdai aanï sai aanï ïgai dai aagidamu Diuxi Ibhïgadï ixtumaxi gïn maatïtuldana bai ïgai gïn aituldamu ï galbaaxi aatagi ix makïdï aagidamu aanï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁵ Vʌʌsi istumaasi aagai giñooga ʌgai vaa ñiooqui aagai aanʌ ʌʌpʌ cascʌdʌ pocaiti aanʌ sai Diuusi Ibʌadʌ gʌnmaatʌtuldiamu istumaasi aagai aanʌ.

VUAANA 16:15 Referans Kwoze

VUAANA 17:10

Gin Oga, aatïmï mai ïjïkobai bia gïr mamaatïrdamiga, aanï ïmadï aapi tudu, dai kaxkïdï bïïxi odami ix makïdï ïr aapi gï mamaatïrdamiga ïr aanï gin mamaatïrdamiga ïpï. Dai bïïxi ix makïdï ïr aanï gin mamaatïrdamiga ïr aapi gï mamaatïrdamiga ïpï. Dai go mamaatïrdami ix makïdï gin maa aapi, gobai gamaaxitudai xïïxi ïr gïdukami aanï— itïtïdai.

VUAANA 3:35

Dai Diuxi gïr Oga sïïrhikïdï oigïdai Maradï dai maa gubukadagai ix tïanïna bïïxi aïkatai.

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Kolosenses 1:19

Daiñi, Suxi Kristo ïr Diuxi Maradï. Dai Diuxi bhai ïrhi sai Suxi Kristo maaxitudana go óídakami buitapi xorai Diuxi dai kaxkïdï otoi ïgai tami oidigi daama. Suxi Kristo kïïgakïrï ïr Diuxi tudu dai kaxkïdï kïïga maaxiturhi ïgai ix tuiga Diuxi.

Lukas 10:22

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

Kolosenses 2:3

Suxi Kristo tudu ïgai dai gïr tïtïgidi Diuxi tïgibudadï. Daiñi, Diuxi bïïxi maatï dai tïgibudadï kïï saitudaga. Dai ïxtokikana Diuxi tïgibudadï gïr bïïtarï ïpïan dukai mui tuminxi yaasapikami. Dïï gia Suxi Kristo ïgai dai gïr tïtïgidi gobai.

VUAANA 14:21

—Gin aaduñi, gï agai odami ix kïïga gin ïïgiadagi. Podukai maaxitudamu ïgai ix gin oigïdai dai aidï gia aanï ïmadï gïn gin Oga oigïdadamu ïgai ïpï dai aanï kïïga tïtïgidamu ix tuiga aanï ipïrhiditai ix kïïga gin maatïkagi ïgai— itïtïdai.