VUAANA 14:28 - Northern Tepehuan Bible

²⁸ Kaxi gïn aagidi aanï sai imimu aanï tabhiadïrï dïï gia gokiïrioma dibiamu aanï ïpamu ix dukai gïn aagidi aanï— itïtïdai. —Imimu aanï amïka xako daja gin Oga ix makïdï gïïpi bamioma ïr gïdukami ix aanï. Dai kaxkïdï ix kïïgakïrï gin oigïdai aapimï kïïga bhai gïn ïrhiadamu aapimï maatïkatai sai aanï ïmadï dakamu ïgai.

Tepehuan Northern: Diuusi ñiooquidʌ utuducami oodamicʌdʌ

²⁸ Aapimʌ casi giñcai iscaiti aanʌ isimia iñagai mʌʌca siaaco daja gʌrooga dai iñsʌpamu divimu aanʌ dai ʌmapai daraajamu aatʌmʌ. Issʌʌlicʌdʌ giñoigʌadamudai aapimʌ aidʌ gia baigʌnʌliadamudai caʌcai iñsimia iñagai aanʌ. Giñooga vaamioma viaa guvucadagai iñsaanʌ cascʌdʌ.

VUAANA 14:28 Referans Kwoze

VUAANA 14:18

—Gin aaduñi, ïpï chïki tasaikïdï mukimu aanï. Aidï gia go gaa óídakami ka maiti gin nïijadamu. Dïï aapimï gia gin nïijadamu ïpamu kaxkïdï tudu dibiamu aanï ïpamu gin duakatukai dai gïn urabamu. Gïn maakimu aanï ïïgi gin gubukarhiga gin duakatukai xi aidï gia buaboikïdï duduakakami bimu aapimï ïpï. Mukimu aanï tudu dai bhodïrï gin duakatudamu dai imimu tami oidigi daamaiñdïrï dïï mai ïïgi gïn biamu aanï. Gïn otosdamu aanï Diuxi Ibhïadï sai gïn ïmadï dakana.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

VUAANA 13:16

Daiñi, kïïga maatï aapimï sai ïmo gapioñi mai bamioma namïga ix bhai tïanïdamigadï dai ïmo otoxikami mai bamioma namïga ix bhai ix makïdï gaotoi ïpï. Aanï ïr gïn tïanïdamiga tudu dai gïn otosdamiga dai bïïxkïrï gïn pioñi dukai gaatadui aanï gïn soikïitai xibiki kaxkïdï gï aagai ix mai gïgïrdukïdï gïn ïrhiadagi ïïgi aapimï dai bhaiyoma ix gapipioñi dukai gïn ïrhiada dai kïïga gïn soikïda aipakoga.

1 Pedro 1:8

Gin aaduñi, kïïga oigïdai aapimï go Suxi Kristo, tomaxi mai nïidi aapimï. Apia buaboitudai aapimï tomaxi mai nïidi aapimï kia tudu. Dai mai tipu ñoki ixdukatai aagagi xïï kabami bhai gïn ïrhidi aapimï buaboitudatai aapimï Suxi.

1 Korintios 11:3

Dïï kia oidaga ïmo ixtumaxi ix makïdï gïn aagida in ïrhidi. Ipïrhidi aanï ix maatïkagi aapimï sai ix dukai tïanïi gïr moo gïr tukuga podukai Suxi Kristo ïpï ïr modï dukai kïkïïrhi. Dai podukai ïpï kïkïïrhi ïr modï dukai ïpï ooñigadï dai Diuxi ïr modï dukai Suxi Kristo.

VUAANA 16:7

Dïï mai tipu soi ïrhiaragai dai bhaiyoma aanï aagai sai xioma ïr kïïga aapimï gïn bïïtarï ix imïdagi aanï. Gï agai tudu ix imïdagi aanï sai bhodïrï mïkadïrï otosda aanï Diuxi Ibhïadï ix makïdï Soikïdami tïgidu sai gïn ïmadï dakana. Gï agai tudu ix imïdagi aanï. Ïma dukai mai dibiamu Diuxi Ibhïadï gïn abhana— itïtïdai.

VUAANA 14:12

—Kïïga abïr gïn tïgito kaïka idi ñoki. Daiñi, aapimï ix makïdï gin buaboitudai ibuadamu ï galbaaxi aaduindagai ix makïdï aanï ibuayi dai asta ibuadamu gïgïrdukamioma aaduindagai ix aanï. Aanï imimu mïïka xako daja gin Oga dai aïkai aanï amïka aidï gia aapimï ix makïdï gin buaboitudai buimu gubukarhigai daidi ibuadamu gïgïrdukamioma aaduindagai ix bhai ix makïdï aanï ibuayi.

VUAANA 10:38

Dai tomaxi maiti ipïrhiada aapimï ix gin buaboitudagi kaïkatai gin ñoki, gia buaboitudabïrai nïiditai go aaduindagai ix makïdï ibuayi aanï. Dai ix buaboitudagi aapimï aidï gia maatïkamu aapimï sai aanï ïmadï gin Oga mos ïr ïmo odami— itïtïdai Suxi.

VUAANA 5:18

Dïï go judidiu bamioma gaagaitadai ixdukatai muagi go Suxi kaïkai ñokidï. Bhakoi ïgai Suxi bui gaatabuadatai ïgai ibhïxtaragai tasïrï dai potïkai ïpï saidi ïr Diuxi maradï. Ïpïan ïxi gï namïaturhi Diuxi potïkai saidi ïr Diuxi maradï dai go judidiu bïïtarï gobai ïr ïmo gïdukami parunaragai Diuxi bui. Kaxkïdï mua ïrhiditadai ïgai.

Mataibo 12:18

Idi ïr go kïïrhi ix makïdï ïko busaitu aanï saidi ïr gin Pioñigakana. Kïïga oigïdai aanï gobai. Gin bhai ïrhiaraga gobai tudu. Maakimu aanï gin Ibhïdaga saidi ïmadï dakana. Dai aagidamu gobai go óídakami sai oidaga kïïgakïrï bubaidaragai asta go ix makïdï maiti ïr judidiu bïïtarï.

Isa 53:11

Gïr Nukadakami otosadï kïï tuigakïdï nïidamu gïïgïbidaragai ix makïdï taata ïgai ix xïï gïïpi ïr soiñi ka agai dai kïï bai gï ïldamu nïiditai. Ïgai bhïï aimïrada agai soi maaxkamigadï mui odami dai podukai kïïgakïrï bubaida agai.

Apokalipsis 1:11

Dai pobai gin tïtïdai ïgai, —Ojañi aapi ïmo libroïrï pïx tumaxi kaïkagi dai nïijadagi dai bhodïrï otosañi go ojai Asiamu go buaboitudadami ix makïdï kubarakami gïgïrï kiikiïrï gïn ïmpaidiña ami. Otosañi ix makïdï gïn ïmpaidiña Efesoïrï tudu dai Esmirnïrï dai Pérgamoïrï dai Tiatirïrï dai Sardixiïrï dai Filadelfiïrï dai Laodisiïrï— ikaiti go ñoki.

VUAANA 7:33

Daidi Suxi potïtïdai go odami, —Mosïkaxi chïki tasai dakamu aanï tami gïn ïmadï dai bhodïrï ïpamu noragimu aanï dai ïmadï dakamu ïpamu go makïdï gin otoi bhaigobai— itïtïdai.