VUAANA 14:27 - Northern Tepehuan Bible

²⁷ Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

Tepehuan Northern: Diuusi ñiooquidʌ utuducami oodamicʌdʌ

²⁷ Canoragimu aanʌ dʌmos aapimʌ daraajamu dai gʌniibʌstacan tadacamu gʌniibʌdaga. Vʌʌscʌrʌ aanʌ gʌniibʌstudan tadatudamu gʌniibʌdaga maisiu ʌpan duucai oodami caiti isiibʌstudan tadacana. Maitavʌr vuaamʌ ʌnʌliada aapimʌ tomali maiʌʌbiada tomali ʌmo istumaasi.

VUAANA 14:27 Referans Kwoze

Filipenses 4:7

Baidi ïgai gïn maakimu ïmo ibhïxtaragai gïn ibhïdagïrï dai gïn tïgibudagïrï buaboitudaitai aapimï Suxi Kristo. Dai gïr tïgibudaga mai ajïi ix maatïkagi xïï kïïgadu go ibhïxtaragai ix makïdï gïr maakai Diuxi.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

2 Tesalonicenses 3:16

Gin susukurhi, daanïi aanï Gïr Nukadakami ix makïdï gïr maakai ibhïxtaragai sai gïn ibhïxtakan taadatudagi ïgai tomax tuma daibuñagi aapimïkïdï. Daanïi aanï sai gïn soiñana ïgai bïïxi aïkatïrï tudu.

Kolosenses 3:15

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.

2 Timoteo 1:7

Dai maiti gï agai ix duadikudagi aapi gaatabuadatai. Daiñi, maiti gïr maa Diuxi tïgibudagai ix duadikudagi aatïmï dai bhaiyoma gïr maa ïgai Diuxi Ibhïadï. Dai Diuxi Ibhïadïkïdï biakana aatïmï gubukarhigai sai gïr oigïdaiña aatïmï aipakoga dai sai mai dagitona aatïmï ix gïr tïanïdagi ïïgi gïr tïgibudaga. Gobai gïr maa Diuxi.

Romanos 15:13

Diuxi ïgai dai gïr maakai gubukarhigai xi aatïmï bhai ïrhiarakïdï nïnïrakana ixtumaxi bia ïgai gïr bïïtarï. Kaxkïdï daanïi aanï sai ïgai kabami gïn bhai ïrhiatudana dai sai gïn maakana ïmo kïïgadukami ibhïxtaragai. Aidï gia Diuxi Ibhïadï gubukarhigakïdï kïïga bhai gin ïrhiadamu aapimï nïnïrakatai ixtuma kïïgadukami bia Diuxi gïn bïïtarï.

Romanos 8:6

Gïr ïkidadï tïgibudagai go ïï mukigami gïr buapai xïxkadï gïr tïgito ajiopada aatïmï gobai. Dïï gia xïxkadï gïr tïgito ajiopada aatïmï ixtumaxi Diuxi Ibhïadï ipïrhidi aidï gia kïïgakïrï óídakana aatïmï dai kïïga ibhïxtakan taadakana.

Galatas 1:3

Gin aaduñi, ipïrhidi aanï sai taatana aapimï xïï kïï tuiga Diuxi gïr Oga ïmadï Suxi Kristo dai sai gïn maakana ïgai ibhïxtaragai gïn ibhïdagïrï.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Romanos 5:1

Kïïga maatï aatïmï aidï sai Diuxi kïïgakïrï gïr nïidi buaboidaitai aatïmï. Suxi Kristo Gïr Nukadakami bhai dui gïr bïïtarï sai xioma uraba óídakana aatïmï Diuxi.

VUAANA 14:1

Dai Suxi itïtïdai go mamaatïrdamigadï, —Gin aaduñi, maiti abïr buamï gïn ïrhiada tomarhi ïmo ixtumaxikïdï, ka kïïga buaboitudai aapimï Diuxi di. Dai aanï abïr kïïga gin buaboitudada ïpï. Aidï gia mai buamï gïn ïrhiadamu aapimï tomarhi ïmo ixtumaxikïdï.

Isa 9:6

Kaxi ti oidigi dama dibia ïmo arhi gïrhi ix makïdï gïr otoxi Diuxi. Dai kïrhitukai ïgai Diuxi maa sïïrhikami xi tïanïda ïgai bïïxi aïkatai. Dai naana dukai aagadamu odami. Mai Ajïi Gïr Tïgibudagai Xïïxi Ïr Gïdukami Diuxi, dai Ïgai Ïgai Dai Gïr Maakai Diuxi Tïgibudadï tïimu odami, dai Ïgai Ïr Diuxi Ix makïdï Bïïxi Adama Ïr Gubukan Kïakami, dai Gïr Oga Tomax Tuigako Kïakami agadamu odami ïpï, dai Gïr Bhaitï Kïakamiga Gobai Ix makïdï Dodorhitudai Kokodi. Potïimu odami aagaitai Diuxi otosadï.

Romanos 5:10

Ïkioma gïr bupuidïrï bïïtïkana aatïmï ïmadï Diuxi dïï gia Suxi Kristo, Diuxi maradï, muu dai podukai bhai dui sai ïpamu biakana aatïmï urabaragai Diuxi ïmadï. Suxi Kristo ïpamu duakatu aidïxi ka mutadai. Kaxkïdï xioma maatiga maaxi xibi sai kïïgakïrï bubuakimu aatïmï, ïpamu oidakatai ïgai tudu.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

Kolosenses 1:20

Daiñi, ïki aidïxi soimaaxi idui go Adán, ïkobai bia ïgai bïïxi ixtumaxi oidaga Diuxiañdïrï. Dïï gia Diuxi bhai ïrhi sai Maradï ïpamu bhai duñagi ixdukatai bïïxi aïkatai dakagi Diuxi ïmadï ïpamu. Dai kaxkïdï Diuxi Maradï muu kuruxiana aaxtakai ïradï ami dai podukai bhai dui bïïtarï bïïxi ixtumaxi oidaga. Mai xudu xi ïr ixtumaxi tïbagiïrï xi ïr ixtumaxi tami oidigi daama ïpï. Bïïxi bïïtarï bhai dui ïgai sai ka mai ïkobai dakana Diuxiañdïrï.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

1 Korintios 1:3

Dai ipïrhidi aanï sai kïïga maatï taatana aapimï xïï kïï tutuiga Diuxi gïr Oga ïmadï Suxi Kristo gïr bïïtarï Gïr Nukadakamikatai ïgai. Dai ipïrhidi aanï ix kïïga gïn iibhïxtakan taadakagi aapimï.

VUAANA 20:19

Dai aidï tumiñoko mos baakïkïrï ïkarhi go mamaatïrdamigadï gïn ïmpagi ïmo kiiyïrï dai kïïga kuu kuuparadï ïbhïiditai go judidiu. Dai todian dukai baa go Suxi dai ami gasaagida kïkiba dai biaturhi. —Gin aaduñi, bhïibïrai ibhïxtaragai gïn iibhïdagïrï— itïtïdai.

2 Tesalonicenses 1:2

Dai ipïrhidi aatïmï sai maatï taatagi aapimï xïï kïï tutuiga ïgai gïn bïïtarï dai sai gïn maakana ïgai ibhïxtaragai gïn ibhïdagïrï.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Lukas 2:14

—Gï agai xi bïïxi Diuxi tïtïañikarudï mïï tïbagiïrï aagana xïïxi ïr gïdukami Diuxi. Dai gï agai xi kïïga ibhïxtakan taadakagi óídakami tami oidigi daama ïpï. Diuxi ka kïïga buididi ïgai xibi kaxkïdï— ikaiti Diuxi tïtïañikarudï.

Lukas 1:79

Daiñi, odami ix makïdï ïko daraka Diuxiañdïrï tukapi dukai óídaga. Duadikoitai ajiopai ïgai ïbhïiditai go mukigami tudu. Dïï gia aapi gïr Kïïgakïrï Bubiadamiga ïgai dai kudaidakan dukana óídakami bogïdï dai tïtïgidiña ixdukatai gïn ibhïxtakagi ïgai— ikaiti go Zakarias aagaitai ïmo Diuxiañdïrï ñoki maradï bïïtarï.

Hebreos 13:20

Gin aaduñi Diuxi amadïrï, kïïga maatï aapimï sai Diuxi ïgai daidi gïr maakai ibhïxtaragai. Ïgai tudu duakaturhi go Suxi ix makïdï ïr gïr Nukadakami kïï tuigakami. Dai Diuxi ïr ïgai ix makïdï bïïxkïrï bïïtarï namïaturhi go utudui sïïrhikami ix makïdï bhai dui ïgai gïr bïïtarï mukukai Suxi Kristo dai aaxtakai ïradï.

Hechos 18:9

Dai ïmo imidagai tukarï Pabora ïmo tïïtïkiïrï dukai tïï Gïr Nukadakami. Dai Gïr Nukadakami itïtïdai aidï, —Aapi Pabora, maiti ïbhiada xi apia aagadagi gin ñoki. Gï agai xi maiti dagitokai gaatagiadagi odami.

Mataibo 10:26

—Dïï gia maiti abïr duduadikuda tomaxi soi gïn buidadagi ïgai. Gï agai bhaiyoma sai mai duduadikuitai aagada aapimï gin ñoki óídakami buitapi. Bïïxi gobai ix makïdï ïxtotai dukai gïn aagidi aanï xako mai kaïkagi go gaa óídakami gobai gï agai xi gïgïr ñokaitai aagada aapimï xako bïïxi kaïkagi go óídakami. Ayimu ixtuigako bïïxi gï maaxitudamu ix makïdï ïxtoki xibi tudu— itïtïdai.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.

Apokalipsis 1:4

Aapimï buaboitudadami Asiana óídakami, aanï ïr Juan dai gïn ojidi idi ojai. Gïn ojidi aanï aapimï tudu ix makïdï kubarakami gïgïrï kiikiïrï óídaga aipakoga ami Asiana. Ipïrhidi aanï sai Diuxi ïmadï Diuxi Ibhïadï ïmadï Suxi Kristo kïï tuigakana gïn bïïtarï dai sai gïn maakana ibhïxtaragai gïn ibhïdagïrï. Diuxi tudu ïgai dai ka oidakatadai mai kia kïkibakai oidigi dai tomarhi ïmo imidagai mai ugiti agai. Dai Diuxi Ibhïadï ïgai dai buidïrï kïïka Diuxi daikarudï dai ami gamamaaxidi xïïxi ïr gubuakami ïgai dai ix mai biïga tomarhi ïmo ixtumaxi.

Hebreos 7:2

Daidi go Abraam kïïga xadutugi go Melkisedek dai maa ïmo oidaragai. Maa ïgai jaa go maitïki ix makïdï popoki ïgai go maakoba reyes kokodiïrï. Ïïmoko maa ïgai bhabhaibuxtamaiñdarï ix makïdï maitïtadai ïgai go reyes kokodiïrï tudu. Podukai maa ïmo oidaragai go Abraam go Melkisedek. Dai go Melkisedek tïtiaradï itïiya ïrhidi —Go rey ix makïdï sïïrhi aatabuayi—. Dai reykatadai ïgai Salemïrï dai go Salem itïiya ïrhidi ïmo ibhïxtaragai.

VUAANA 20:26

Dai bhodïrï ïpï mamaako tasaikïdï ïpamu gïn ïmpagi go mamaatïrdami. Dai aidï gia gaïmadï dajatadai go Tomás. Dai kïïga kandadumagikatadai kuuparagai daidi bïïxkïrï todian dukai ami gasaagida kïkiba go Suxi daidi itïtïdai, —Gin aaduñi, bhïibïrai ibhïxtaragai gïn iibhïdagïrï— itïtïdai.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.

Galatas 6:16

Go aaduindagai ix makïdï idui Suxi Kristo gïr utudutuldakai ïgai gobai ïgai dai namïga. Dai ipïrhidi aanï sai kïï tuigakana Diuxi bïïxi go buaboitudadami bïïtarï ix makïdï buaboitudai sai gobai ïgai dai namïga. Dai ipïrhidi aanï sai gïn ibhïxtakan taadakagi ïgai iibhïadïrï. Go buaboitudadami tudu kïïgakïrï ïr aaduñdï Diuxi.

Lukas 10:5

—Xïxkadï aiyagi aapimï ïmo kiiyïrï abïr potïda go óídakamisai, —Diuxi gïn maakana ibhïxtaragai— abïr itïda.

Lukas 12:4

—Gin aaduñi— itïtïdai. —Kaïkabïrai ixtumaxi gïn aagidamu aanï. Gïn aagidamu aanï xorai ïgai dai gï agai xi ïbhiadagi aapimï kabami gubuakamikatai ïgai. Ïbhiadabïrai Diuxi tudu. Daiñi, odami mai xi bia gubukarhigai. Kïïga ixtutuidikïi ïgai xi kodagi gïn tukuga dïï gia gokiïrï ka mai bhaiga ïgai xi bamioma soi gïn buadagi. Kaxkïdï maiti gï agai xi ïbhiadagi aapimï odami.